Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦକ୍ଷିଣ ଆଫ୍ରିକା ଗସ୍ତ ପାଇଁ ୧୮ ଜଣିଆ ଭାରତୀୟ ଦଳ ଘୋଷିତ, ଜାଣନ୍ତୁ କେଉଁ କେଉଁ ଖେଳାଳିଙ୍କୁ ମିଳିଲା ସ୍ଥାନ
  • ||
  • ରୋହିତ ଶର୍ମା ହେଲେ ଟିମ ଇଣ୍ଡିଆର ନୂତନ ଦିନିକିଆ ଅଧିନାୟକ, ବିରାଟଙ୍କୁ କେବଳ ଟେଷ୍ଟ ଦାୟିତ୍ଵ
  • ||
  • ଭୁବନେଶ୍ବର : ଗତ ଦୁଇ ବର୍ଷରେ ମାପ ଓ ଓଜନ ନିୟମ ଉଲଂଘନକାରୀଙ୍କଠୁ ଆଦାୟ ହୋଇଛି ୨ କୋଟି ୮୩ ଲକ୍ଷ ଟଙ୍କା : ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ
  • ||
  • ଭୁବନେଶ୍ବର : ଡିସେମ୍ବର ୯ରେ ବିଧାନସଭା ଘେରାଉ କରିବ ବିଜେପି ଯୁବମୋର୍ଚ୍ଚା : ଇରାଶିଷ୍ ଆଚାର୍ଯ୍ୟ
  • ||
  • ଭୁବନେଶ୍ବର : ଡ୍ରଗ୍ସ ମାଫିଆ ଶେଖ୍ ଆଜବାହାର ବାଲେଶ୍ଵର କୋର୍ଟରେ ହାଜର, ରାଜ୍ୟ ବାହାରେ ସମ୍ପତ୍ତି ଥିବା ନେଇ ମିଳିଛି ପ୍ରମାଣ
  • ||
  • ଅନୁଗୋଳ : ଆଖୁ ଖାଇବାକୁ ଆସି କୂଅରେ ଖସିପଡିଲା ଭାଲୁ, ବନ ବିଭାଗ କଲା ଉଦ୍ଧାର
  • ||
  • ଭୁବନେଶ୍ବର : କ୍ରାଇମବ୍ରାଞ୍ଚ ଏସଟିଏଫ୍‌ ଟାର୍ଗେଟ୍‌ରେ ବନ୍ୟପ୍ରାଣୀ ମାଫିଆ, ପ୍ରସ୍ତୁତ ହେଲା ମୋଷ୍ଟ ୱାଣ୍ଟେଡ ତାଲିକା
  • ||
  • ଚେନ୍ନାଇ : ତାମିଲନାଡୁ କୁନ୍ନୁରରେ ସିଡିଏସ୍ ବିପିନ ରାଓ୍ବତଙ୍କ ହେଲିକପ୍ଟର କ୍ରାସ୍
  • ||
  • ଭୁବନେଶ୍ବର : କୃଷି ଋଣ ଛାଡ ସହ ଫସଲ କ୍ଷୟକ୍ଷତି ଲାଗି ସ୍ବତନ୍ତ୍ର ପ୍ୟାକେଜ ଦାବି କଲା କଂଗ୍ରେସ
  • ||
  • ଭାରତୀୟ ବାୟୁସେନାର ବଢିବ ଶକ୍ତି, ଚାନ୍ଦୀପୁର ଘାଟିରୁ ‘ବ୍ରହ୍ମୋସ’ର ସଫଳ ପରୀକ୍ଷଣ
  • ||

ସିଲ୍ ହେବ ରାଜଧାନୀରେ ୨୯ କଲ୍ୟାଣ ମଣ୍ଡପ

7/12/2019 at 5:39 PM

ଭୁବନେଶ୍ୱର ୦୭।୧୨  ରାଜଧାନୀରେ ୨୯ କଲ୍ୟାଣମଣ୍ଡପକୁ ବିଏମସିର ନୋଟିସ୍ । ପାର୍କିଂ ବ୍ୟବସ୍ଥା ଏବଂ କଠିନ ବର୍ଯ୍ୟବସ୍ତୁ ପରିଚାଳନା ଦିଗରେ ଏହି କଲ୍ୟାଣମଣ୍ଡପଗୁଡ଼ିକ ଧ୍ୟାନ ଦେଇନଥିବାରୁ ଏଗୁଡ଼ିକୁ ସିଲ୍ କରିବାକୁ ନୋଟିସ୍ ହୋଇଛି । ସେପଟେ ବିଏମସିର ଏଭଳି ନୋଟିସ ପରେ ବାହାଘର ସିଜିନ୍ରେ  ଆଗୁଆ ବୁକିଂ ନେଇ ସାରିଥିବା କଲ୍ୟାଣମଣ୍ଡପ ମାଲିକ ଏବେ ଛାନିଆ ।

ଖୁବ୍ ଶୀଘ୍ର ରାଜଧାନୀରେ ୨୯ କଲ୍ୟାଣ ମଣ୍ଡପକୁ ସିଲ୍ କରିବ ବିଏମସି । ଏଥି ପାଇଁ ସଂପୃକ୍ତ କଲ୍ୟାଣମଣ୍ଡପ ମାଲିକମାନଙ୍କୁ ନୋଟିସ୍ ହୋଇଛି । ଯେଉଁସବୁ କଲ୍ୟାଣ ମଣ୍ଡପଗୁଡ଼ିକର ପାର୍କିଂ ବ୍ୟବସ୍ଥା ନାହିଁ, କଠିନ ବର୍ଯ୍ୟବସ୍ତୁ ପରିଚାଳନା ଦିଗରେ ଧ୍ୟାନ ଦେଇନାହାନ୍ତି ସେଗୁଡ଼ିକୁ ବନ୍ଦ କରିବାକୁ ନିଷ୍ପତ୍ତି ନେଇଛି ଭୁବନେଶ୍ବର ମହାନଗର ନିଗମ । ପଟିଆ, ଚନ୍ଦ୍ରଶେଖରପୁର, ମଞ୍ଚେଶ୍ବର, ଜିଜିପି କଲୋନି, କଳ୍ପନା ସବୁଠି ଚିହ୍ନଟ ହୋଇଥିବା ଏଭଳି କଲ୍ୟାଣମଣ୍ଡପଗୁଡ଼ିକୁ ନୋଟିସ କରାଯାଇଛି । ମୋଟା ଅଙ୍କର ଭଡ଼ା ନେଇ ବେପାର କରୁଥିବା କଲ୍ୟାଣମଣ୍ଡପଗୁଡ଼ିକର ନିଜସ୍ବ ପାର୍କିଂ ବ୍ୟବସ୍ଥା ନଥିବାରୁ ମଣ୍ଡପ ସାମ୍ନା ରାସ୍ତା ଜାମ୍ ହେଉଛି । ସେହିଭଳି ବିଭିନ୍ନ ଫଙ୍କସନ ସରିଲେ କୁଢ଼ କୁଢ଼ ଅଳିଆ ଆବର୍ଜନାକୁ ସେମାନେ ଏଣେ ତେଣେ ଫିଙ୍ଗି ଦେଉଥିବାରୁ ଡ୍ରେନ୍ ଜାମ୍ ହେଉଛି । ଯାହାକୁ ନେଇ ସାଧାରଣରେ ମଧ୍ୟ ଅସନ୍ତୋଷ ଦେଖାଯାଉଛି । ଏସବୁକୁ ଦୃଷ୍ଟିରେ ରଖି ଆକ୍ସନକୁ ଆସିଛି ବିଏମସି ।

ବିଏମସିର କଡ଼ା ଆଭିମୁଖ୍ୟ ଦେଖି ନୋଟିସ୍ ପାଇଥିବା କଲ୍ୟାଣମଣ୍ଡପ ମାଲିକ ଛାନିଆ ହେଲେଣି । ବିବାହ ସିଜିନ୍‌ରେ ଆଗୁଆ ବୁକିଂ ରଖିଥିବା ମାଲିକମାନେ ମଣ୍ଡପ ସିଲ୍ ହେବା କଥା ଶୁଣି ଚିନ୍ତାରେ ପଡ଼ିଛନ୍ତି । ତେବେ ପୂର୍ବରୁ ଏସବୁ ବ୍ୟବସ୍ଥା ନ ଥିବା କଲ୍ୟାଣ ମଣ୍ଡପକୁ ଅନୁମତି ଦେଇଥିବା ବିଏମସିର ହଠାତ୍ ଏଭଳି ଆଭିମୁଖ୍ୟ ଉପରେ ପ୍ରଶ୍ନ ଉଠାଇଛନ୍ତି କିଛି କଲ୍ୟାଣମଣ୍ଡପ ମାଲିକ ।

ଅବଶ୍ୟ ବିଏମସିର ଏଭଳି ନାଲି ଆଖି ଆଗରୁ ମଧ୍ୟ ଦେଖିବାକୁ ମିଳିଛି । ହେଲେ ପରବର୍ତ୍ତୀ ସମୟରେ ଅବସ୍ଥା ଯେମିତିକୁ ସେମିତି ଚାଲିଥିଲା । ଏଥର ବି ନୋଟିସ ପରେ ପୁଣି କିଛି  ହୋଇ ପୂର୍ବଭଳି ସବୁକିଛି ଯେ ନଚାଲିବ ସେକଥାକୁ ଅସ୍ବିକାର କରିହେବନି ।

   Related Posts