Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମାଲକାନଗିରିରେ ୩୬ କରୋନା ସଂକ୍ରମିତ ଚିହ୍ନଟ, ଏମାନଙ୍କ ମଧ୍ୟରୁ ୨୯ ବିଏସଏଫ ଯବାନ

30/06/2020 at 12:08 PM

ମାଲକାନଗିରି ୩୦।୬: ରାଜ୍ୟରେ ହୁ ହୁ ହୋଇ ବଢିଚାଲିଛି କରୋନା ସଂକ୍ରମିତଙ୍କ ସଂଖ୍ୟା । ରାଜ୍ୟରେ ଆଉ ୨୦୬ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ମାଲକାନଗିରି ଜିଲ୍ଲାରେ ୩୬ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି ।

ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରେ ୨୯ ଜଣ ବିଏସଏଫ ଯବାନ ଅଛନ୍ତି । ଏହି ବିଏସଏଫ ଯବାନମାନେ ମାଲ୍ୟବନ୍ତ ବୟେଜ୍ ହଷ୍ଟେଲ, ଜୁନିୟର ସାଇନ୍ସ କଲେଜ ହଷ୍ଟେଲରେ ରହୁଥିଲେ । ଏହି ଯବାନମାନେ ବିହାର, ଝାଡଖଣ୍ଡ, କର୍ଣ୍ଣାଟକ, ମହାରାଷ୍ଟ୍ର, ମଧ୍ୟପ୍ରଦେଶ ଭଳି ବିଭିନ୍ନ ରାଜ୍ୟରୁ ଆସିଥିଲେ । ମାଲକାନଗିରି ଜିଲ୍ଲାପାଳଙ୍କ ପକ୍ଷରୁ ଟ୍ବିଟ୍ କରି ଏ ସଂପର୍କରେ ସୂଚନା ଦିଆଯାଇଛି ।

ମାଲକାନଗିରି ଜିଲ୍ଲାରେ ଏପର୍ଯ୍ୟନ୍ତ ୯୬ ଜଣ କରୋନା ପଜିଟିଭ୍ ଚିହ୍ନଟ ହୋଇଥିବାବେଳେ ସେମାନଙ୍କ ମଧ୍ୟରୁ ୫୨ ଜଣ ସୁସ୍ଥ ହୋଇଛନ୍ତି । ୪୪ଟି ଆକ୍ଟିଭ କେସ୍ ରହିଛି ।

   Related Posts