Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୦୧୭ ହତ୍ୟା ଘଟଣାର ଖୋଳତାଡ କରିବ କ୍ରାଇମବ୍ରାଞ୍ଚ, ୪ ପୋଲିସ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ
  • ||
  • ମିଚିଗାନ ସ୍କୁଲରେ ୧୫ ବର୍ଷର ଛାତ୍ରର ଉନ୍ମତ୍ତକାଣ୍ଡ, ଆଖିବୁଜା ଗୁଳିମାଡ଼ରେ ୩ ମୃତ
  • ||
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

ବର୍ଷ ବର୍ଷ ଧରି ଲକଡାଉନ୍ ଭଳି ସ୍ଥିତିର ସାମ୍ନା କରୁଛି ଦେଶର ୨୫୪ଟି ଗାଁ, ଜାଣନ୍ତୁ କଣ ରହିଛି ଏହା ପଛର କାରଣ

16/05/2020 at 5:35 PM

ନୂଆଦିଲ୍ଲୀ, ୧୬|୦୫:  ଦେଶରେ କରୋନା ସଂକ୍ରମଣ ରୋକିବା ପାଇଁ ଲକଡାଉନ୍ ଲାଗୁ କରାଯାଇଛି । ଫଳରେ ଲୋକଙ୍କୁ ନାନା ଅସୁବିଧାର ସାମ୍ନା କରିବାକୁ ପଡୁଛି ।  କୌଣସି ଜରୁରି କାର୍ଯ୍ୟ ନଥିଲେ ଲୋକଙ୍କୁ ଘରୁ ନାବାହାରିବା ପାଇଁ ସରକାର ପରାମର୍ଶ ଦେଉଛନ୍ତି ।

ଏପରି କିଛି ସ୍ଥାନ ରହିଛି ଯେଉଁଠି ବର୍ଷ ବର୍ଷ ଧରି ଲକଡାଉନ୍ ଭଳି ସ୍ଥିତି ଦେଖିବାକୁ ମିଳେ । ଭାରତ-ବାଂଲାଦେଶ ସୀମାରେ ଅବସ୍ଥିତ ଅନେକ ଗ୍ରାମରେ ପୀଢି ପରେ ପୀଢି ଧରି ଏପରି ସ୍ଥିତି ଲାଗି ରହିଛି । କାରଣ ଏହି ଗ୍ରାମରେ ଲୋକଙ୍କ ଘର ଗୋଟିଏ ପଟେ ଥିବା ବେଳେ ଚାଷ ଜମି ସୀମାର ଆରପଟରେ ରହିଛି । ଏପରିକି ଅନେକ ଘର ମଧ୍ୟ ଦୁଇଟି ଦେଶରେ ଆସୁଛି । ଏଠାକାର ଲୋକମାନେ ନିର୍ଧାରିତ ସମୟରେ ହିଁ  ବାହାରକୁ ବାହାରିବା ପାଇଁ ଅନୁମତି ମିଳେ । ତେବେ ଜରୁରୀକାଳୀନ ସ୍ଥିତିରେ ବିଏସଏଫ ଯବାନମାନେ ସେମାନଙ୍କୁ  ଯିବା ଆସିବା କରିବାକୁ ଅନୁମତି ଦେଇଥାନ୍ତି ।

ଦେଶ ବିଭାଜନ ସମୟରେ ରେଡିକ୍ଲିଫ୍ ଆୟୋଗଙ୍କ ଦ୍ୱାରା ସୀମା ଆବଣ୍ଟନ ପରେ ଏପରି ସ୍ଥିତି ଉପୁଜିଛି । ପଶ୍ଚିମବଙ୍ଗ ଓ ବାଂଲାଦେଶେର ସମୀରେ ବସବାସ କରୁଥିବା ୨୫୪ଟି ଗ୍ରାମର ପ୍ରାୟ ୭୦ ହଜାରରୁ ଅଧିକ ଲୋକ ବର୍ଷ ବର୍ଷ ଧରି ଲକଡାଉନର ସାମ୍ନା କରୁଛନ୍ତି । କାରଣ ଆୟୋଗର ମୁଖ୍ୟ ସାର୍ ରେଡିକ୍ଲିଫ୍ ପୂର୍ବରୁ କେବେ ଭାରତ ଆସିନଥିବା ବେଳେ ତାଙ୍କୁ ଦେଶ ବାବଦରେ କିଛି ଜଣା ନଥିଲା ।  ଏହା ସତ୍ତ୍ୱେ ମଧ୍ୟ ସେ ଭୁଲ ଭାବେ ସୀମା ବିଭାଜନ କରିଥିଲେ । ଯେଉଁଥିପାଇଁ ଏହି ଗ୍ରାମବାସୀ ଅନେକ ଅସୁବିଧାର ସାମ୍ନା କରୁଛନ୍ତି । 

ପଶ୍ଚିମବଙ୍ଗ ଓ ତତ୍କାଳୀନ ପୂର୍ବ ପାକିସ୍ତାନ ବା ଏବେକାର ବାଂଲାଦେଶ ସୀମାରେ ଶତାଧିକ ଗ୍ରାମର ଅଧା ଅଞ୍ଚଳ ପୂର୍ବ ପାକିସ୍ତାନକୁ ଚାଲିଯାଇଥିଲା ଏବଂ ଆଉ ଅଧା ଅଞ୍ଚଳ ଭାରତରେ ରହିଥିଲା । ଏପରିକି କିଛି ଘରର ଗୋଟିଏ କୋଠରୀ ଭାରତରେ ଥିବା ବେଳେ ଅନ୍ୟ କୋଠରୀ ବାଂଲାଦେଶରେ ରହିଛି ।

   Related Posts