ଭୁବନେଶ୍ବର୯|୧: ରାଜ୍ୟରେ ମାନବ ଚାଲାଣ ଉପରେ ରୋକ ଲଗାଇବା ପାଇଁ ପଦକ୍ଷେପ ନେଉଛି କ୍ରାଇମବ୍ରାଂଚ । ଏନେଇ ଭୁବନେଶ୍ବର ପୋଲିସ ଭବନରେ ଅନୁଷ୍ଠିତ ହୋଇଥିଲା ଦିନିକିଆ କର୍ମଶାଳା । ଏହାକୁ ଉଦ୍ଘାଟନ କରିଥିଲେ ରାଜ୍ୟପାଳ ପ୍ରଫେସର ଗଣେଶୀ ଲାଲ୍ ।…..
wp:gallery {"ids":[72109]}ରାଜ୍ୟରେ ବଢ଼ୁଥିବା ମାନବ ଚାଲାଣ ଚିନ୍ତା ବଢ଼ାଇଛି । ଏହା ଉପରେ କେମିତି ରୋକ୍ ଲାଗିପାରିବ ସେନେଇ ସହଯୋଗର ହାତ ବଢ଼ାଇଛି କ୍ରାଇମବ୍ରାଂଚ । ୨୦୧୫ରୁ ୨୦୧୭ ଭିତରେ ରାଜ୍ୟର ବିଭିନ୍ନ ଥାନାରେ ୨୫୪ଟି ହ୍ୟୁମ୍ୟାନ୍ ଟ୍ରାଫିକିଙ୍ଗ୍ କେସ ରୁଜୁ ହୋଇଛି । ଏହି ମାମଲା ଗୁଡ଼ିକର ତଦନ୍ତ କରି ୩୨୧ଜଣ ପୁରୁଷ, ୨୫୪ଜଣ ମହିଳା ୪୨୭ଜଣ ପିଲାଙ୍କୁ ଉଦ୍ଧାର କରାଯାଇଛି । ସେହିଭଳି ଏଥିରେ ଅଭିଯୁକ୍ତ ଭାବେ ୨୧୬ଜଣ ପୁରୁଷ ଓ ୪୪ମହିଳାଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ବାହାର ରାଜ୍ୟରୁ ମଧ୍ୟ ୩୯୫ ପୁଅ ଓ ୧୯୬ ଝିଅଙ୍କୁ ଉଦ୍ଧାର କରିଛି ପୋଲିସ ।
wp:gallery {"ids":[72111]}ରାଜ୍ୟରେ ହ୍ୟୁମ୍ୟାନ୍ ଟ୍ରାଫିକିଙ୍ଗ୍ ରୋକିବା ଦିଗରେ ଅନେକ ସ୍ବେଚ୍ଛାସେବୀ ସଂସ୍ଥା ମଧ୍ୟ କାମ କରୁଛନ୍ତି । ତଥାପି ଏଥିରେ ରୋକ୍ ଲାଗିପାରୁନି । ତେଣୁ ଏହାକୁ ରୋକିବାକୁ ଏବେ ଆଗେଇ ଆସିଛି କ୍ରାଇମବ୍ରାଂଚ ।
wp:gallery {"ids":[72112]}ରାଜ୍ୟରେ ମାନବଚାଲାଣ ଉପରେ ରୋକ ଲଗାଇବା ପାଇଁ କ୍ରାଇମବ୍ରାଞ୍ଚ ଯେଉଁ ପଦକ୍ଷେପ ନେଉଛି ତାହା ନିଶ୍ଚିତ ଭାବେ ସ୍ବାଗତଯୋଗ୍ୟ । ଏହି କର୍ମଶାଳାରେ ମିଶନଶକ୍ତି ନିର୍ଦ୍ଦେଶିକା ସୁଜାତା କାର୍ତ୍ତିକେୟନ, ତେଲେଙ୍ଗାନା ଆଇଜିପି ମହେଶ ଭାଗବତ, ଆନ୍ଦ୍ରପ୍ରଦେଶ ହାଇକୋର୍ଟ ଆଇନଜୀବୀ ରାଜି ରୋଜେଦାର ପ୍ରମୁଖ ଯୋଗଦେଇ ପ୍ରସଙ୍ଗ ଉପରେ ଆଲୋକପାତ କରିଥିଲେ ।
wp:gallery {"ids":[72113]}