Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

୨୫୩ ବର୍ଷ ପୁରୁଣା ମା’ଦୁର୍ଗାଙ୍କ ପ୍ରତିମା ଏବେ ମଧ୍ୟ ସ୍ଥାପିତ ହୋଇ ରହିଛି, ଶତ ଚେଷ୍ଟା ସତ୍ତ୍ୱେ ହୋଇପାରିନଥିଲା ବିସର୍ଜନ

26/10/2020 at 11:59 AM

ବାରାଣାସୀ ୨୬/୧୦ : ଶାରଦୀୟ ନବରାତ୍ର ଅବସରରେ ଦୁର୍ଗା ମଣ୍ଡପରେ ମା’ଙ୍କ ପ୍ରତିମା ସ୍ଥାପିତ କରାଯାଏ। ଦଶହରା ପରେ ମା’ଙ୍କ ପ୍ରତିମା ବିସର୍ଜନ କରାଯାଇଥାଏ। କିନ୍ତୁ ଆପଣ ଗୋଟିଏ କଥା ଜାଣି ଆଶ୍ଚର୍ଯ୍ୟ ହେବେ ଯେ କାଶୀରେ ଏମିତି ଏକ ଦୁର୍ଗା ପ୍ରତିମା ଅଛି ଯାହା ଗତ ୨୫୩ ବର୍ଷ ହେଲା ବିସର୍ଜନ କରାଯାଇନାହିଁ। ଏହି ମାଟିର ପ୍ରତିମା ଆଜି ମଧ୍ୟ ସେମିତି ହିଁ ଦେଖାଯାଏ ଯେମିତି ୨୫୩ ବର୍ଷ ପୂର୍ବରୁ ଦେଖାଯାଉଥିଲା।

କାଶୀ ଗଳିରେ ଛୋଟ ଭାରତ ବସିଛି। ଏଠାରେ ସବୁ ଧର୍ମ ଓ ସମ୍ପ୍ରଦାୟର ଲୋକ ବାସକରନ୍ତି। କାଶୀର ବଙ୍ଗାଳି ଟୋଲା ସ୍ଥିତ ଦୁର୍ଗା ବାଡ଼ିରେ ୨୫୩ ବର୍ଷ ପୂର୍ବରୁ ନବରାତ୍ରର ଷଷ୍ଠୀ ଦିନ ଏକ ବଙ୍ଗାଳି ପରିବାର ମା’ ଦୁର୍ଗାଙ୍କ ପ୍ରତିମା ସ୍ଥାପିତ କରିଥିଲେ। ନବମୀ ଯାଏଁ ଧୂମଧାମରେ ପୂଜାପାଠ ହେଲା। କିନ୍ତୁ ଦଶହରା ଦିନ ବିସର୍ଜନ ପାଇଁ ପ୍ରତିମାକୁ ଉଠାଯାଇଥିଲା ସେତେବେଳେ ମା’ଙ୍କ ମୂର୍ତ୍ତିକୁ କେହି ହଲେଇ ବି ପାରିଲେନି। ଅନେକ ଲୋକ ବହୁ ପ୍ରୟାସ କରି କରି ମଧ୍ୟ ଅସଫଳ ହେଲେ। ସେହିଦିନ ଠାରୁ ମା’ଙ୍କ ମୂର୍ତ୍ତି ଏଠାରେ ସ୍ଥାପିତ ରହିଛି।

ମୂର୍ତ୍ତି ସ୍ଥାପିତ କରିଥିବା ବଙ୍ଗାଳି ପରିବାରର ପଞ୍ଚମ ପିଢ଼ିର ମୁଖ୍ୟ ହେମନ୍ତ କହିଛନ୍ତି ଯେ ୨୫୩ ବର୍ଷ ପୂର୍ବରୁ ଦଶହରା ଦିନ ମା’ଙ୍କ ମୂର୍ତ୍ତି ଉଠାଯାଇପାରିନଥିଲା ସେତେବେଳେ ପର ଦିନ ବିସର୍ଜନ ଯୋଜନା ହୋଇଥିଲା। କିନ୍ତୁ ସେହିଦିନ ରାତିରେ ପରିବାରର ମୁଖ୍ୟଙ୍କୁ ମା’ ସ୍ବପ୍ନ ଦେଇଥିଲେ ଯେ ସେ ସେଠାରେ ବାସକରିବେ। ଗୁଡ ଓ ଚଣା ଭୋଗ ଲଗାଇ ସେ ମା’ଙ୍କୁ ସେଠାରେ ସ୍ଥାପିତ କରନ୍ତୁ। ସେହିଦିନ ଠାରୁ ମା’ ସେଠାରେ ସ୍ଥାପିତ ଅଛନ୍ତି।

୨୫୩ ବର୍ଷ ପରେ ମଧ୍ୟ ମା’ଙ୍କ ପ୍ରତିମା ସେହିଭଳି ହିଁ ଅଛି। ପ୍ରତି ବର୍ଷ କପଡା ବଦଳାଯାଏ। ମା’ଙ୍କ ମୂର୍ତ୍ତିରେ ଲାଗିଥିବା ମାଟି ଓ ପାଳ ଏବେ ସୁଦ୍ଧା ସେମିତି ହିଁ ଅଛି। ୮-୧୦ ବର୍ଷ ଅନ୍ତରାଳରେ ମୂର୍ତ୍ତିକୁ ରଙ୍ଗ କରାଯାଏ। ପ୍ରତି ବର୍ଷ ନବରାତ୍ର ଅବସରରେ ଦୁର୍ଗା ବାଡ଼ିକୁ ସାଧାରଣ ଜନତାଙ୍କ ପାଇଁ ଖୋଲାଯାଏ।

ମା’ଙ୍କ ଏହି ଚମତ୍କାରକୁ ସାରା ବନାରସ ପ୍ରଣାମ କରେ। ବାରାଣାସୀରେ ରହୁଥିବା ପ୍ରତ୍ୟେକ ବ୍ୟକ୍ତି ନବରାତ୍ରରେ ଏଠାକୁ ଆସି ମା’ଙ୍କ ଆଶୀର୍ବାଦ ନିଅନ୍ତି। ମା’ଙ୍କ ଦର୍ଶନ ପାଇଁ ଆସୁଥିବା ପ୍ରତ୍ୟେକ ଶ୍ରଦ୍ଧାଳୁଙ୍କ ମନୋସ୍କାମନା ମା’ ପୁରା କରନ୍ତି ବୋଲି ବିଶ୍ୱାସ ରହିଛି।

   Related Posts