Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇଂଲଣ୍ଡକୁ ଏକ ଇନିଂସ୍‌ ଓ ୨୫ ରନ୍‌ରେ ହରାଇଲା ଟିମ୍‌ ଇଣ୍ଡିଆ
  • ||
  • ଅହମଦାବାଦ ଟେଷ୍ଟ ଜିତିଲା ଭାରତ
  • ||
  • ଭାରତ ୩-୧ରେ ସିରିଜ୍‌ ବିଜୟୀ
  • ||
  • ଚାନ୍ଦବାଲି : ବିଜେଡିର ମିଶ୍ରଣ ପର୍ବ, ଦଳକୁ ପ୍ରତ୍ୟାବର୍ତ୍ତନ କଲେ ହେବିଓ୍ବେଟ୍ ନେତା ପ୍ରତାପ ଧଳ
  • ||
  • ମାଥିଲି : କୂଅରୁ ଉଦ୍ଧାର ହେଲା ମା’ ଓ ଶିଶୁ କନ୍ୟାର ମୃତଦେହ, ଶୁକ୍ରବାର ରାତିରୁ ଥିଲେ ନିଖୋଜ
  • ||
  • ଭୁବନେଶ୍ବର : ରାଜଧାନୀର ବିଚ୍ ରାସ୍ତାରେ ଗୋଡେଇ ଗୋଡେଇ ହାଣିଲେ, ଜଣେ ମୃତ, ୨ ଆକ୍ରମଣକାରୀଙ୍କୁ ଧରିଛି ପୋଲିସ
  • ||
  • ବଲାଙ୍ଗିର : ପିଟି ପିଟି ମାରିଦେଲେ, ପ୍ରମାଣ ନଷ୍ଟ ପାଇଁ ଫିଙ୍ଗିଦେଲେ ନାଳରେ, ୨୪ ଘଣ୍ଟାରେ ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ସୋର : କେନାଲରେ ଗାଧୋଇବା ବେଳେ ଭାସିଗଲେ ଯୁବକ, ୩ଦିନ ପରେ ଗୁଜୁରାଟରୁ ଫେରିଲା ମୃତଦେହ
  • ||
  • ଆଠମଲ୍ଲିକ : ଅଜଣା ଗାଡି ଧକ୍କାରେ ଜଣେ ମୃତ, ଜଣେ ଆହତ
  • ||
  • ଭୁବନେଶ୍ବର : ପ୍ରଭୁ ଶ୍ରୀଲିଙ୍ଗରାଜ ପୀଠରେ ରାତି ୧୦ଟାରେ ଉଠିବ ମହାଦୀପ, ମନ୍ଦିର ପରିସରରେ ପାଳନ ହେବ କୋଭିଡ୍ କଟକଣା
  • ||

ଅଢେଇ ମାସ ପରେ ପୁରୀରେ ଖୋଲୁଛି ହୋଟେଲ୍‌; ଆଜି ୨୫, ପର୍ଯ୍ୟାୟ କ୍ରମେ ଆଉସବୁ

8/06/2020 at 12:01 PM

ପୁରୀ ୦୮।୦୬: ପୁରୀକୁ ଟ୍ରେନ୍‌ ସେବା ଆରମ୍ଭ ହୋଇନି । ବସ୍‌ ଚଳାଚଳ ବି ସ୍ୱାଭାବିକ ହୋଇନି । ଶ୍ରୀମନ୍ଦିରରେ ଲାଗୁ ହୋଇଥିବା ଦର୍ଶନ କଟକଣା ଉଠିନାହିଁ । ତଥାପି ସରକାରୀ ଘୋଷଣା ମୁତାବକ ସୋମବାର ଠାରୁ ପୁରୀରେ ହୋଟେଲ ଶିଳ୍ପକୁ କାର୍ଯ୍ୟକ୍ଷମ କରିବାକୁ ଉଦ୍ୟମ ଆରମ୍ଭ ହୋଇଛି । ଆଜିଠାରୁ ପୁରୀରେ କିଛି ହୋଟେଲ୍‌ ଖୋଲିବାକୁ ଅନୁମତି ମିଳିଛି ।

ପୁରୀ ହୋଟେଲ ମାଲିକ ସଂଘ ସୂଚନା ଦେଇଛି ବର୍ତ୍ତମାନ ସୁଦ୍ଧା ବୁକିଂ ସ୍ୱାଭାବିକ ହୋଇନାହିଁ । କହିବାକୁ ଗଲେ ଜିରୋ ବୁକିଂରେ ଆମେ ହୋଟେଲ ଖୋଲିବାକୁ ଯାଉଛୁ । ସୋମବାର ପୁରୀର ଅନ୍ୟୂନ ୨୫ଟି ହୋଟେଲ ଖୋଲିବାକୁ ସମ୍ମତି ଦେଇଛନ୍ତି । ପର୍ଯ୍ୟାୟ କ୍ରମେ ଅନ୍ୟ ହୋଟେଲ ସବୁ ଖୋଲିବାକୁ ଆମେ ପ୍ରସ୍ତୁତି ଚଳାଇଛୁ । ଲୋକଙ୍କୁ ହୋଟେଲ ଖୋଲିବାର ବାର୍ତ୍ତା ଦେବାକୁ ଏହା ଜରୁରି ବୋଲି ପୁରୀ ହୋଟେଲ ମାଲିକ ସଂଘର ସାଧାରଣ ସମ୍ପାଦକ ରାଜକିଶୋର ପାତ୍ର କହିଛନ୍ତି ।

ଅଢ଼େଇ ମାସ ଧରି ବନ୍ଦ ରହିବାରୁ ହୋଟେଲ ଶିଳ୍ପ ବିପୁଳ କ୍ଷତିର ସମ୍ମୁଖୀନ ହୋଇଛି । କେନ୍ଦ୍ର ଏବଂ ରାଜ୍ୟ ସରକାରଙ୍କୁ ହୋଟେଲ ଶିଳ୍ପର ପୁନରୁଦ୍ଧାର ପାଇଁ ଆମେ ଅନେକ ଦାବି ତଥା ପ୍ରସ୍ତାବ ଦେଇଛୁ । କେବଳ ଶହେ କର୍ମଚାରୀ କାମ କରୁଥିବା ହୋଟେଲର କର୍ମଚାରୀଙ୍କୁ ଭବିଷ୍ୟନିଧି ଜମାର ଶତକଡା ୨୫ ସରକାର ବହନ କରିବାକୁ ସମ୍ମତି ଦେଇଛନ୍ତି । ହୋଟେଲ ସମୂହର ବିଜୁଳି ଖର୍ଚ୍ଚ, ବାର ଲାଇସେନ୍ସ ଫି, ବିନା ସୁଧ କିମ୍ବା କମ୍‌ ସୁଧରେ ବ୍ୟାଙ୍କ ଋଣ, ହୋଟେଲ ଲାଇସେନ୍ସ ଫି ଛାଡ଼ ଆଦି ବ୍ୟତୀତ ଏକକାଳୀନ ଆର୍ଥିକ ସହାୟତା ଘୋଷଣା କରିବାକୁ ରାଜ୍ୟର ହୋଟେଲ ସମୂହ କରିଥିବା ଦାବି ପ୍ରତି ଧ୍ୟାନ ଦିଆଯାଇ ନାହିଁ । ଏହାସତ୍ତେ୍ୱ ହୋଟେଲ ଶିଳ୍ପର ସୁରକ୍ଷା ଦୃଷ୍ଟିରୁ ଆମେ ହୋଟେଲ ଖୋଲିବାକୁ ପଡିଛି । ଆମେ ଆଶା କରୁଛୁ କିଛି ଦିନ ମଧ୍ୟରେ ପୁରୀରେ ହୋଟେଲ ଶିଳ୍ପ ସ୍ୱାଭାବିକ ସ୍ଥିତିକୁ ଫେରି ବୋଲି ସଂଘ ଆଶା କରୁଛି ।

ସଂଘ ସୂତ୍ରରୁ ପ୍ରକାଶ ପୁରୀରେ ଛୋଟ ବଡ଼ ୯୦୦ ହୋଟେଲ ରହିଛି । ଏସବୁ ହୋଟେଲରେ ୧୦ ହଜାରରୁ ଅଧିକ କର୍ମଚାରୀ କାମ କରୁଛନ୍ତି । କିଛି ବଡ଼ ବଡ଼ ହୋଟେଲ କର୍ମଚାରୀଙ୍କୁ ଶତକଡ଼ା ୪୦ରୁ ୫୦ ଭାଗ ଦରମା ଦେଇ ଲକ୍‌ଡାଉନ୍‌ରେ ଚଳାଇଛନ୍ତି । ଅଧିକାଂଶ ଛୋଟ ହୋଟେଲ କର୍ମଚାରୀଙ୍କୁ ଦରମା ଦେଇ ନାହାନ୍ତି । କିଛି ଛୋଟ ହୋଟେଲ କର୍ମଚାରୀଙ୍କୁ ଛଟେଇ ବି କରି ଦେଇଛନ୍ତି । ଏହି ହୋଟେଲଗୁଡିକ ହୋଟେଲ ମାଲିକ ସଂଘ ସହ ସହବନ୍ଧିତ ନୁହନ୍ତି । ଏହି ହୋଟେଲଗୁଡିକୁ ମଧ୍ୟ ସହାୟତା ଦରକାର ।

ବିଶେଷ କରି ଭିତ୍ତିଭୂମି ଏବଂ ପୁରୀକୁ ଟୁରିଷ୍ଟ ସଂଖ୍ୟା ବୃଦ୍ଧି କରିବାକୁ ସରକାରୀ କଳର ସହାୟତା ଜରୁରି ରହିଛି । ଏବେ ପୁରୀକୁ ଯାତ୍ରୀବାହୀ ଟ୍ରେନ୍‌ ଚଳାଚଳ କରୁନାହିଁ । ସେହିଭଳି କୋଣାର୍କ, ଚିଲିକାକୁ ଟୁରିଷ୍ଟ ଆସିବା ନିମନ୍ତେ ଆବଶ୍ୟକ ଭିତ୍ତିଭୂମିର ବିକାଶ ଜରୁରି ରହିଛି । ତା ନହେଲେ ଅର୍ଥ ଖର୍ଚ୍ଚ କରି ଟୁରିଷ୍ଟ ପୁରୀ ଆସିବ ନାହିଁ । ସର୍ବୋପରି ଭକ୍ତଙ୍କ ଶ୍ରୀମନ୍ଦିର ପ୍ରବେଶ ନେଇ ରହିଥିବା କଟକଣାକୁ ପ୍ରତ୍ୟାହାର କରାନଯିବା ଯାଏ ହୋଟେଲ ଶିଳ୍ପ ଉଧେଇ ପାରିବ ନାହିଁ ବୋଲି ହୋଟେଲ ମାଲିକମାନେ ମତ ଦେଇଛନ୍ତି ।

   Related Posts