Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବତନ କ୍ରିକେଟର ଅଶୋକ ଡିଣ୍ଡା ବିଜେପିରେ ସାମିଲ
  • ||
  • ମହାରାଷ୍ଟ୍ରରେ ବେକାବୁ କରୋନା ! ଗତ ୨୪ ଘଣ୍ଟାରେ ପାଖାପାଖି ୯ ହଜାର ସଂକ୍ରମତି ଚିହ୍ନଟ
  • ||
  • କଟକ : ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ହାଇକୋର୍ଟରୁ ମିଳିଲା ଜାମିନ୍
  • ||
  • ଝାରସୁଗୁଡା : ଗଛରେ ଝୁଲୁଛି ଜବାନଙ୍କ ମୃତଦେହ, ଆତ୍ମହତ୍ୟା ନା ହତ୍ୟା ?
  • ||
  • ସାଲେପୁର : ବୃଦ୍ଧାଙ୍କଠାରୁ ୧୪ହଜାର ଟଙ୍କା ଲୁଟିନେଲେ ଦୁର୍ବୃତ୍ତ, ପେନସନ୍ ଉଠାଇ ଖାଇବା ବେଳେ ଲୁଟ୍‌ର ଶିକାର
  • ||
  • ଭୁବନେଶ୍ବର : ମେ ୧୮ ତାରିଖରୁ ଆରମ୍ଭ ହେବ ଯୁକ୍ତ ୨ ପରୀକ୍ଷା
  • ||
  • ସିରିଜ୍ ଦୁର୍ଘଟଣା : ବାଣୀବିହାରରେ ବାଇକ୍‌କୁ ଧକ୍କା ଦେଇ ଫାୟାରଷ୍ଟେସନରେ ୩ଟି କାର୍‌କୁ ପିଟିଲା ଇନୋଭା, ୪ ଆହତ
  • ||
  • ଭୁବନେଶ୍ବର : ବାଣୀବିହାରରେ ବାଇକ୍‌କୁ ଧକ୍କା ଦେଇ ଫାୟାରଷ୍ଟେସନରେ ୩ଟି କାର୍‌କୁ ଧକ୍କାଦେଲା ଇନୋଭା
  • ||
  • କୁଚିଣ୍ଡା : ମା’-ପୁଅକୁ ଦଳିଦେଲା ଦନ୍ତା, ଗୁରୁତର ବାପା ମେଡିକାଲରେ ଭର୍ତ୍ତି
  • ||
  • ଲକ୍ଷ୍ନୌ : କାରକୁ ଧକ୍କା ଦେଇ ଓଲଟିଲା ଟ୍ୟାଙ୍କର, ୭ମୃତ
  • ||

କେରଳ ବନ୍ୟାରେ ଫସି ରହିଥିବା ଓଡ଼ିଆଙ୍କ ଉଦ୍ଧାର ପାଇଁ ରାଜ୍ୟରୁ ୨୪୦ ଜଣ ଆଗ୍ନିକ ନିୟୋଜିତ

19/08/2018 at 5:43 AM

କେରଳ ୧୯/୮ : କେରଳରେ ରହୁଥିବା ଓଡ଼ିଆଙ୍କ ମଧ୍ୟରୁ ୨ ହଜାରରୁ ଅଧିକ ବିଭିନ୍ନ ସ୍ଥାନରେ ଫସି ରହିଛନ୍ତି । ବିଶେଷକରି ପୁରୀ, ଫୁଲବାଣୀ, କନ୍ଧମାଳ, କଟକ ଜିଲ୍ଲାର ବିଭିନ୍ନ ଗାଁରୁ କେରଳକୁ କାମଧନ୍ଦା ପାଇଁ ଯାଇଥିବା ଶତାଧିକ ଶ୍ରମିକ ବନ୍ୟା ଯୋଗୁଁ ଗତ ୯ ତାରିଖରୁ କେରଳର ଇଲାମକେରା, ଆଲୁଭା, ମୁନ୍ନାର ରୋଡ, ଓଡାପାଲି ଆଦି ଅଞ୍ଚଳରେ ଫସି ରହିଅଛନ୍ତି । ଏର୍ଣ୍ଣାକୁଲମର ଏଲମକିରା ପଞ୍ଚାୟତରେ ଫସି ରହିଛନ୍ତି ୪୦ଜଣ ଓଡ଼ିଆ । ଏଠାରେ ସ୍ଥିତି ଏମିତି ଯେ କୌଣସି ସମୟରେ ଏମାନଙ୍କ ଘର ଭିତରକୁ ଭୟଙ୍କର ବନ୍ୟା ଜଳ ପସିବାର ସମ୍ଭାବନା ରହିଛି । କେରଳ ସରକାରଙ୍କ ପକ୍ଷରୁ ସେମାନଙ୍କୁ ରିଲିଫ୍ ମିଳୁଛି । କିନ୍ତୁ ପାଣି ଘେରରେ ୫ ରୁ ୬ ଦିନ ହେଲା ଫସି ରହିଥିବାରୁ ସ୍ବାସ୍ଥ୍ୟାବସ୍ଥା ବିଗିଡିବାରେ ଲାଗିଛି ।କେରଳର ବନ୍ୟାବିପନ୍ନଙ୍କୁ ଉଦ୍ଧାର କରିବା ଲାଗି ରାଜ୍ୟର ବିପର୍ଯ୍ୟୟ ପରିଚାଳନା ପାଇଁ ସଜାଗ ରହିଥିବା ଅଗ୍ନିଶମ ବିଭାଗର ୨୪୦ ଜଣିଆ ଦଳ ଏବେ କେରଳରେ ପହଞ୍ଚିଛି। ବାୟୁସେନାର ଦୁଇଟି ସ୍ବତନ୍ତ୍ର ବିମାନ ଯୋଗେ ପହଞ୍ଚିଥିବା ୨୪୦ ଜଣିଆ ଦଳ ମଧ୍ୟରେ ୨୨୫ ଜଣ ଫାୟାର ମେନ୍, ଲିଡିଂ ଫାୟାର ମେନ୍ ଓ ବୋଟ ଚାଳକ ଅଛନ୍ତି। ୧୫ ଜଣ ବରିଷ୍ଠ ତଦାରଖକାରୀ ଅଧିକାରୀ ରହିଛନ୍ତି। ଏହି ଟିମ୍ ୭୬ଟି ପାୱାର ବୋଟ୍, ୮ଟି ପାଣିରେ ବୁଡି ଖୋଜିବା ପୋଷାକ, ୧୦ଟି ଟାୱାରଲାଇଟ୍, ୩୫ଟି ମୋଟରଚାଳିତ କରତ, ୧୪ଟି ଟର୍ଚ୍ଚ, ୨୩୪ଟି ଲାଇଫ୍ ଜ୍ୟାକେଟ୍, ୧୩୭ଟି ଲାଇଫ୍ ବୟ(ସର୍କଲ), ୩୦ଟି ସ୍ଲିପିଂ ମ୍ୟାଟ୍ ଏବଂ ଅନ୍ୟାନ୍ୟ ସାମଗ୍ରୀ ଧରି ଯାଇଥିବା ଜଣାପଡିଛି।

   Related Posts