Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||

‘ମୁଁ ଆଉ ବଞ୍ଚିବାକୁ ଚାହୁଁ ନାହିଁ, ମୋତେ ମରିବାକୁ ଅନୁମତି ଦିଅନ୍ତୁ’… ଇଚ୍ଛା ମୃତ୍ୟୁ ପାଇଁ ୨୪ବର୍ଷର ଯୁବତୀ ମୁଖ୍ୟମନ୍ତ୍ରୀଙ୍କୁ ଲେଖିଲେ ଚିଠି, ଜାଣନ୍ତୁ କାରଣ

18/10/2019 at 11:56 AM

ମାଲକାନଗିରି (ରଞ୍ଜିତ ସାହା )୧୮|୧୦: ଅଜଣା ରୋଗରେ ପୀଡିତ ହୋଇ ଦୀର୍ଘ ୧୩ ବର୍ଷ ଶଯ୍ୟାଶାଇ ହୋଇ ପଡିରହିଛି ଜଣେ ଆଦିବାସୀ ଯୁବତୀ । ପରିବାରର ଆର୍ଥିକ ଅବସ୍ତା ଭଲ ନଥିବାରୁ ବାଲ୍ୟ ଅବସ୍ଥାରୁ ରୋଗାକ୍ରାନ୍ତ ହୋଇ କିଶୋରୀ ବୟସରେ ମୃତ୍ୟୁକୁ ଅପେକ୍ଷା କରିଛନ୍ତି ଏହି ଯୁବତୀ । ପରିବାର ଲୋକେ ଏକ ମାତ୍ର ଝିଅର ଉତ୍ତମ ଚିକିତ୍ସା ନିମନ୍ତେ ସର୍ବଶ୍ବାନ୍ତ ହୋଇ ପଡିଥିବା ବେଳେ ରୋଗିଣା ଝିଅ ଏବେ ଅସହାୟ ହୋଇ ଶେଷରେ ଇଛା ମୃତ୍ୟୁ ନିମନ୍ତେ ଚିଠି ଲେଖିଛନ୍ତି ରାଜ୍ୟ ମୁଖ୍ୟ ମନ୍ତ୍ରୀଙ୍କୁ ।

‘ମୁଁ ଆଉ ବଞ୍ଚିବାକୁ ଚାହୁ ନାହିଁ,  ମତେ ମରିବାକୁ ଅନୁମତି ଦିଅନ୍ତୁ’ । ମୁଖ୍ୟ ମନ୍ତ୍ରୀଙ୍କୁ ଏପରି ଏକ କୋହ ଭରା ଚିଠି ଲେଖିଛନ୍ତି ମାଲକାନଗିରି ଜିଲ୍ଲାର ରୋଗାକ୍ରାନ୍ତ ଏହି ଆଦିବାସୀ ଝିଅ । କହାରିକି କିଛି କହିପାରୁ ନାହାନ୍ତି ।  କେବଳ ଆଖିରୁ ଲୁହ ଗଡାଇ ଗଡାଇ ବିତିଯାଇଛି ଦୀର୍ଘ ୧୩ ବର୍ଷ । ଦୁଃଖ ବଖାଣିବାକୁ ତାଙ୍କ ପାଖରେ ଯେମିତି ଆଉ ଭାଷା ନାହି । ସେଇଥି ପାଇଁ ତ କାଗଜରେ ସବୁବେଳେ କିଛି ଲେଖି ଲେଖି ନିଜର ଦୁଃଖ ଜଣାଇ ଆସୁଛନ୍ତି ସେ ।

ତେବେ ତାଙ୍କ କଥା କେହି ନଶୁଣିବାରୁ ଶେଷରେ ମୁଖ୍ୟ ମନ୍ତ୍ରୀଙ୍କୁ ଇଛା ମୃତ୍ୟୁର ଛିଠି ଲେଖିଛନ୍ତି ସେ । ଏମିତି ଏକ ହୃଦୟ ବିଦରକ ଚିତ୍ର ଦେଖିବାକୁ ମିଳିଛି ମାଲକାନଗିରି ଜିଲ୍ଲା ମାଥିଲି ବ୍ଲକ ଅନ୍ତର୍ଗତ ସର୍ଗୀଗୁଡା ଗ୍ରାମରେ । ନରସିଙ୍ଗ କାଳକୁରା ନିଜର ଦୁଇ ପୁଅ ଓ ଏକମାତ୍ର ଝିଅକୁ ନେଇ ଖୁସିରେ ସଂସାର କରୁଥିଲେ । ହେଲେ ୨୦୦୬ ମସିହାରେ ଝିଅ ଚମ୍ପା ସପ୍ତମ ଶ୍ରେଣୀରେ ପାଠ ପଢୁଥିବା ବେଳେ ହଠାତ ରୋଗାକ୍ରାନ୍ତ ହୋଇ ଶଯ୍ୟାଶାୟୀ ହୋଇଗଲା ।

ଆଉ ସେଦିନ ଠାରୁ ଚମ୍ପାର ସବୁ ସ୍ବପ୍ନ ମାଟିରେ ମିଶିଗଲା ।  ଜମି ବାଡ଼ି ବିକି ଚିକିତ୍ସା କରାଇଥିଲେ ପରିବାର ଲୋକେ । ହେଲେ କୌଣସି ସୁଫଳ ମିଳିଲା ନାହିଁ । ଜମିବାଡି ସବୁ ଶେଷ ହେବା ପରେ ଏବେ କେବଳ ଭଗବାନଙ୍କ ଭରଷାରେ ପଡି ରହିଛନ୍ତି ଏହି ଆଦିବାସି ପରିବାର ।

ଚମ୍ପାଙ୍କ ବୟସ ଏବେ ପ୍ରାୟ ୨୪ ବର୍ଷ । ଏହି ବୟସର ଝିଅମାନେ ଶାଶୂ ଘରକୁ ଯାଇ ସଂସାର କଲେଣି । କିନ୍ତୁ ଚମ୍ପା ଏବେବି ବୁଢ଼ୀ ମା ଉପରେ ନିର୍ଭର କରୁଛନ୍ତି । ଶୋଇବା, ଖାଇବା ଠାରୁ ଆରମ୍ଭ କରି ଗାଧୋଇବା ଓ ଶୌଚ ପର୍ଯ୍ୟନ୍ତ ସବୁ କାମ ପାଇଁ ଏବେ ସେ ଅନ୍ୟ ଉପରେ ନିର୍ଭରଶୀଳ ।

ଚମ୍ପାଙ୍କ ଏଭଳି ଅବସ୍ଥା ଦେଖି ପରିବାର ଲୋକେ ସବୁ ଦିନ ବଞ୍ଚିଥାଇ ବି ମରି ମରି ଜୀଉଁଛନ୍ତି । କେବେ ଚମ୍ପା ହସିବେ, କେବେ ନିଜେ ଚାଲିବେ ତାକୁ ଅପେକ୍ଷା କରିଛନ୍ତି ପରିବାର ଲୋକେ । ହେଲେ ସେ ଅପେକ୍ଷାର ଯେମିତି ଅନ୍ତ ନାହିଁ ।  ହେଲେ ଅର୍ଥ ଅଭାବ ଯୋଗୁଁ  ଉନ୍ନତ ମାନର ଚିକିତ୍ସା କରିପାରୁ ନାହାନ୍ତି ପରିବାର ଲୋକେ । ଆର୍ଥିକ ଅନାଟନ ଆଗରେ ପରିବାର ହାର ମାନିଥିବା ବେଳେ ଚମ୍ପାଙ୍କ ଇଛା ମୃତ୍ୟୁର ଅନୁମତି ନିମନ୍ତେ ଚିଠି ଲେଖିଛନ୍ତି ରାଜ୍ୟ ମୁଖ୍ୟ ମନ୍ତ୍ରୀଙ୍କୁ ।

କେବେ ସରକାରଙ୍କ ଦୃଷ୍ଟି ପଡିବ ଚମ୍ପାଙ୍କ ଉପରେ । ତେବେ ଚମ୍ପାଂକୁ ବଞ୍ଚିବା ପାଇଁ ଅର୍ଥର ଆବଶ୍ୟକ ରହିଛି କୌଣସି ଅନୁଷ୍ଠାନ ଯଦି ଚମ୍ପାକୁ ସାହାଯ୍ୟର ହାତ ବଢାଇ ଥାଆନ୍ତେ ତାହା ହେଲେ ଚମ୍ପା ପୁର୍ବ ପରି ସମାଜରେ ପୁଣି ଥରେ ଚାଲି ପାରନ୍ତେ । 

   Related Posts