ସିଡନୀ, ୧୬|୦୮: କରୋନା ବିରୋଧରେ ଲଢେଇ ଲଢୁଛି ସାରା ବିଶ୍ୱ । ହଜାର ହଜାର ଗବେଷକ ଦିନ ରାତି ଏକ କରି ଭାକସିନ୍ ତିଆରିରେ ଲାଗି ପଡିଛନ୍ତି ।ଏହି ଯୁଦ୍ଧରେ ସାମିଲ ହେବାକୁ ପ୍ରସ୍ତୁତ ଅଛନ୍ତି ମାତ୍ର ୨୨ ବର୍ଷର ମହିଳା ବୈଜ୍ଞାନିକ । ଏପରିକି ଭାକସିନ୍ ଟେଷ୍ଟିଂ ପାଇଁ ସେ ନିଜେ କରୋନା ସଂକ୍ରମିତ ହେବାକୁ ମଧ୍ୟ ରାଜି ଅଛନ୍ତି ।
୨୨ ବର୍ଷର ଏହି ଯୁବତୀ ହେଲେ ସୋଫି ରୋଜ୍ । ସେ ଅଷ୍ଟ୍ରେଲିଆରେ ରୁହନ୍ତି । ଏହି ଭାକସିନ୍ ଲକ୍ଷଲକ୍ଷ ଲୋକଙ୍କୁ ନୂଆ ଜୀବନ ଦେବ । ଏଥିପାଇଁ ସେ ନିଜ ଜୀବନକୁ ବାଜିରେ ଲଗାଇବାକୁ ରାଜି ବୋଲି କହିଛନ୍ତି । ସେ ବୈଜ୍ଞାନିକ ଭାବେ ଅକ୍ସଫୋର୍ଡ ୟୁନିଭର୍ସିଟିରେ କାମ କରୁଛନ୍ତି ।
ସୋଫି କରୋନା ଭାକସିନର ଗବେଷଣାକୁ ତ୍ୱରାନ୍ୱିତ କରିବା ପାଇଁ ୧ଡେ ସୁନର୍ ନାମରେ ଏକ ଅଭିଯାନ ଆରମ୍ଭ କରିଛନ୍ତି । ବିଭିନ୍ନ ଦେଶକୁ ସେ ଅତିଶୀଘ୍ର ଭାକସିନ୍ ପ୍ରସ୍ତୁତ କରିବାକୁ ଅପିଲ୍ କରିଛନ୍ତି । ଏହାସହ ହ୍ୟୁମାନ୍ ଚ୍ୟାଲେଞ଼୍ଜ ଟ୍ରାଏଲ୍ ଆରମ୍ଭ କରିବାକୁ ମଧ୍ୟ ସେ କହିଛନ୍ତି । ଏଥିରେ ସ୍ୱେଚ୍ଛାସେବୀମାନେ ଜାଣିଶୁଣି କରୋନା ସଂକ୍ରମିତ ହୋଇଥାନ୍ତି । ସେମାନଙ୍କ ଉପରେ ଭାକସିନର ଟ୍ରାଏଲ୍ କରାଯାଏ ।
{"id":315523,"sizeSlug":"large"}ଷ୍ଟେଫୋର୍ଡ ୟୁନିଭର୍ସିଟିରୁ ଗ୍ରାଜୁଏସନ ପାସ୍ କରିଥିବା ସୋଫି କରୋନା ଭାକସିନ୍ ପ୍ରୟୋଗ ପାଇଁ ନିଜ ଶରୀର ଦାନ କରିବାକୁ ରାଜି ଅଛନ୍ତି । ଏପରିକି ସେ ନିଜ ବନ୍ଧୁଙ୍କୁ କିଡନୀ ଦାନ କରିବେ ବୋଲି ମଧ୍ୟ ଚିନ୍ତା କରିଥିଲେ । ଏବେ କିନ୍ତୁ କରୋନା ଭାକସିନର ଟ୍ରାଏଲ ପାଇଁ ସେ ପ୍ରସ୍ତୁତ ଅଛନ୍ତି ।