ନୂଆଦିଲ୍ଲୀ ୧୫।୧୨: ଦେଶରେ କରୋନା ଭାଇରସର ସଂକ୍ରମଣ ଏବେ ହ୍ରାସ ପାଇବାର ଲାଗିଛି । ବର୍ତ୍ତମାନ ପର୍ଯ୍ୟନ୍ତ ଏହା ସବୁଠାରୁ ବଡ ଧରଣର ହ୍ରାସ ବୋଲି ମନେ କରାଯାଉଛି । ଗତ ୨୪ଘଣ୍ଟାରେ ୨୦,୦୬୫ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ବଢି ୯୪ଲକ୍ଷ ପାର୍‌ ହୋଇଛି ।

wp:html

With 22,065 new #COVID19 infections, India's total cases rise to 99,06,165

With 354 new deaths, toll mounts to 1,43,709. Total active cases at 3,39,820

Total discharged cases at 94,22,636 with 34,477 new discharges in the last 24 hours. pic.twitter.com/NzAo6yFeWT

— ANI (@ANI) December 15, 2020

/wp:html

କେନ୍ଦ୍ର ସ୍ୱାସ୍ଥ୍ୟମନ୍ତ୍ରଣାଳୟ ଅନୁଯାୟୀ, ଗତ ୨୪ଘଣ୍ଟାରେ ଦେଶରେ କରୋନା ଭାଇରସରେ ୨୨,୦୬୫ ସଂକ୍ରମିତ ଚିହ୍ନଟ ହୋଇଥିବା ବେଳେ ୩୫୪ଜଣଙ୍କ ମୃତ୍ୟୁ ହୋଇଛି । ଏବେ ଯାଏଁ ଦେଶରେ ୯୯,୦୬,୧୬୫ ଜଣ କରୋନାରେ ଆକ୍ରାନ୍ତ ହୋଇସାରିଲେଣି । ବର୍ତ୍ତମାନ ପର୍ଯ୍ୟନ୍ତ କରୋନାରେ ମୃତକଙ୍କ ସଂଖ୍ୟା ୧,୪୩,୭୦୯ରେ ପହଞ୍ଚିଛି । ସେହିପରି ବର୍ତ୍ତମାନ ପର୍ଯ୍ୟନ୍ତ ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୯୪,୨୨,୬୩୬ରେ ପହଞ୍ଚିଛି ।

ସେପଟେ ଗତ ୨୪ଘଣ୍ଟାରେ ୩୪,୪୭୭ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଦେଶରେ ଆକ୍ଟିଭ୍‌ କେସ୍‌ ଓ ସଂକ୍ରମିତଙ୍କ ମଧ୍ୟରେ ଲଗାତର ଭାବେ ପାର୍ଥକ୍ୟ ବଡଧରଣର ରହିଛି । ଦେଶରେ ଏବେ କରୋନାର ଆକ୍ଟିଭ୍ କେସ୍‌ ୪ଲକ୍ଷ ତଳେ ରହିଛି । ଏବେ ଦେଶରେ ୩,୩୯,୮୨୦ଟି ଆକ୍ଟିଭ୍‌ କେସ୍‌ ରହିଛି ।