Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ଅପ୍‌ଡେଟ୍‌: ସାମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ବାତିଲ୍‌ ହେଲା ଟ୍ରେନ୍‌
  • ||
  • ଶେଷରେ ରଦ୍ଦ ହେଲା ତିନି କୃଷି ଆଇନ, ବିଧେୟକ ଉପରେ ମୋହର ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ
  • ||
  • ପଞ୍ଜାବ ନିର୍ବାଚନ ପୂର୍ବରୁ ବିଜେପିକୁ ବଡ଼ ସଫଳତା, ପଦ୍ମ ଧରିଲେ ଶିରୋମଣି ଅକାଳି ଦଳର ମନଜିନ୍ଦର ସିଂହ
  • ||
  • ନୂଆ କୋଭିଡ୍‌ ଭାରିଆଣ୍ଟକୁ ନେଇ ସଚେତନ ରହିବାକୁ ଅପିଲ୍‌ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଜୁନିୟର ହକି ବିିଶ୍ୱକପ୍‌: ସେମିରେ ପ୍ରବେଶ କଲା ଫ୍ରାନ୍ସ
  • ||
  • ବଙ୍ଗୋମୁଣ୍ଡା ଆଇଆଇସିଙ୍କୁ କୋର୍ଟ ଚାଲାଣ କଲା ଭିଜିଲାନ୍ସ
  • ||
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||

ଭାରତର ଏହି ସବୁ ମନ୍ଦିରରେ ସୂର୍ଯ୍ୟ ପରାଗରେ ବି ହେବ ଦେବନୀତି !

20/06/2020 at 5:30 PM

ସୂର୍ଯ୍ୟ ପରାଗ ଓ ଚନ୍ଦ୍ରଗ୍ରହଣରେ ସାଧାରଣତଃ ଦେବନୀତି ବନ୍ଦ ରହିଥାଏ।  ପରାଗ ଓ ଗ୍ରହଣ ସମୟକୁ  ଅଶୁଦ୍ଧକାଳ ବିଚାର କରାଯାଉଥିବାରୁ ଏହି ସମୟରେ କୌଣସି ମାଙ୍ଗଳିକ କାର୍ଯ୍ୟ ବି ହୋଇନଥାଏ। ଏଣୁ ଗ୍ରହଣ ଓ ପରାଗ ସୂତକ କାଳରେ ମନ୍ଦିରରେ ଦେବନୀତି ମଧ୍ୟ ବର୍ଜିତ ହୁଏ। ତେବେ ଭାରତରେ ଏପରି ବି ମନ୍ଦିର ଅଛି। ଯେଉଁଠି ଏଭଳି ସମୟରେ ଅନ୍ୟ ଦିନ ଭଳି ପୂଜା ଓ ଦେବନୀତି ନିୟମିତ ସମୟାନ୍ତରରେ ହୋଇଥାଏ।

ଏହି ପରି ଏକ ମନ୍ଦିର ହେଉଛି ମଧ୍ୟପ୍ରଦେଶ ଉଜ୍ଜୟିନୀର ମହାକାଳେଶ୍ୱର ମନ୍ଦିର। ଏଠାରେ ଗ୍ରହଣ ଅଥବା ପରାଗର ସୂତକ ପାଳନ ହୁଏନି। ଏଣୁ ମନ୍ଦିରର କବାଟ ଭକ୍ତଙ୍କ ଲାଗି ଖୋଲା ରହିବା ସହ ପୂଜକ ନୀତିକାନ୍ତି ମଧ୍ୟ କରନ୍ତି। ତେବେ ଗ୍ରହଣ ଓ ପରାଗ ସଂକ୍ରମଣ କାଳରେ ଏଠାରେ ପୂଜକମାନେ ମିଳିତ ହୋଇ ମହାକାଳଙ୍କ ଜପ କରନ୍ତି। ଦେଶରେ ଥିବା ଜ୍ୟୋତିର୍ଲିଙ୍ଗ ଶିବଙ୍କ ମଧ୍ୟରେ ମହାକାଳେଶ୍ୱର ଅନ୍ୟତମ ଓ ପ୍ରମୁଖ ତେବେ ଏଠାରେ ଗ୍ରହଣ ଓ ପରାଗ ପାଳନ ହେଉନ ନଥିବା ବେଳେ ୨୧ ତାରିଖ ସୂର୍ଯ୍ୟ ପରାଗରେ ମଧ୍ୟ ମନ୍ଦିରରେ ପୂଜାର୍ଚ୍ଚନା ହେବ।

ସେହି ପରି ଆନ୍ଧ୍ରପ୍ରଦେଶ ଚିତୁର ଜିଲ୍ଲାରେ ଥିବା ଶ୍ରୀ କାଳହସ୍ତି ମନ୍ଦିରରେ ମଧ୍ୟ ଗ୍ରହଣ ଓ ପରାଗ ବେଳେ ନିୟମିତ ଦେବନୀତି ଅନୁଷ୍ଠିତ ହୋଇଥାଏ। ଏଠାରେ ରାହୁ ଓ କେତୁଙ୍କ ପୂଜାର୍ଚ୍ଚନା ହୁଏ। ଏଣୁ ପରାଗ ଓ ଗ୍ରହଣ ସହ ମନ୍ଦିରର ଦେବନୀତି ଉପରେ ପ୍ରଭାବ ପଡି ନଥାଏ। ହିନ୍ଦୁ ଧାର୍ମିକ ମତ ଅନୁସାରେ ରାହୁ ଓ କେତୁଙ୍କ ଯୋଗୁ ସୂର୍ଯ୍ୟପରାଗ ଓ ଚନ୍ଦ୍ରଗ୍ରହଣ ଭଳି ମହାଜାଗତିକ ଘଟଣା ଘଟେ। ଏଣୁ ୨୧ ଜୁନ ପରାଗରେ ବି ଏଠାରେ ପୂଜାର୍ଚ୍ଚନା ହେବ।

   Related Posts