ଉଦଳା ୧୦।୦୫: ଜେଲ୍ରେ ଦିନକୁ ଦିନ ବଢୁଛି କରୋନା ସଂକ୍ରମଣ । ଏହିପରିପେକ୍ଷୀରେ ଉଦଳା ଉପକାରାଗାରରୁ ଏକାଧିକ କରୋନା ସଂକ୍ରମିତ ଚିହ୍ନଟ ହୋଇଛି । ସମସ୍ତଙ୍କୁ ଆଇସୋଲେସନରେ ରଖାଯାଇଛି ।
ଖବର ଅନୁଯାୟୀ, ଉଦଳା ଉପକାରାଗାରରୁ ୭୬ଜଣଙ୍କ କରୋନା ଟେଷ୍ଟ କରାଯାଇଥିଲା । ସେମାନଙ୍କ ମଧ୍ୟରୁ ୨୧ଜଣ ବିଚାରାଧୀନ କଏଦୀ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହାପରେ ତୁରନ୍ତ ସେମାନଙ୍କୁ ଆଇସୋଲସନରେ ରଖାଯାଇଛି । ଏହି ସମୟରେ ଜେଲ୍କୁ ପୁରା ସାନିଟାଇଜ୍ କରାଯାଇଛି । ଏକ ଡାକ୍ତରୀ ଦଳ ଲଗାତର ଭାବେ ସେମାନଙ୍କୁ ସ୍ୱାସ୍ଥ୍ୟ ଉପରେ ତୀକ୍ଷ୍ନ ନଜର ରଖିଛନ୍ତି । ସେପଟେ ସେମାନଙ୍କ ସଂସ୍ପର୍ଶରେ ଆସିଥିବା କଏଦୀ ଓ ଜେଲ୍ କର୍ମଚାରୀଙ୍କର କରୋନା ଟେଷ୍ଟ କରାଯିବ ବୋଲି ଉଦଳା ସବ୍ଜେଲର ଧନେଶ୍ୱର ସାହୁ ସୂଚନା ଦେଇଛନ୍ତି ।
ସେହିପରି କିଛି ଦିନ ତଳେ ସାଲେପୁର ଉପକାରାଗାରରେ ମଧ୍ୟ ଏକାଧିକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଯାହାପରେ ସମସ୍ତଙ୍କୁ ସ୍ୱତନ୍ତ୍ର ଡାକ୍ତରୀ ଦଳ ଦ୍ୱାରା ନଜର ରଖାଯାଇଛି ।