Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||
  • ବିସ୍ଫୋରଣ କରି ଟ୍ରେନ୍ ଲାଇନ ଉଡାଇଲେ ନକ୍ସଲ, ପୋଷ୍ଟରରେ ଦେଲେ ଧମକ
  • ||
  • କୁହୁଡିର ଚାଦରରେ ଜଗତସିଂହପୁର, ଗମନାଗମନ ବାଧାପ୍ରାପ୍ତ
  • ||

ଶ୍ରମ ବଜାର ସ୍ଥିତିରେ ଆସିଲା ସୁଧାର, ମେ ମାସରେ ୨ କୋଟି ୧୦ ଲକ୍ଷଙ୍କୁ ମିଳିଲା ରୋଜଗାର: CMIE

2/06/2020 at 4:29 PM

ନୂଆଦିଲ୍ଲୀ ୦୨।୦୬: କରୋନା ଭାଇରସ୍‌ ଲକ୍‌ଡାଉନ୍‌ କାରଣରୁ ଦେଶର ଅର୍ଥନୀତି ରସାତଳଗାମୀ ହୋଇଛି। ସ୍ଥାଣୁ ପାଲଟିଥିବା ଅର୍ଥନୀତିକୁ ଗତିଶୀଳ କରାଇବା ଲାଗି କେନ୍ଦ୍ର ସରକାର ପର୍ଯ୍ୟାୟ କ୍ରମେ ଲକ୍‌ଡାଉନ୍‌ ଖୋଲି ବଡ ଗତିବିଧି ଚଳାଇବାକୁ ଅନୁମତି ଦେଇଛନ୍ତି। ଫଳସ୍ଵରୂପ ମେ ମାସରେ ଉନ୍ନତ ଶ୍ରମ ବଜାର ସ୍ଥିତି କାରଣରୁ ଗତ ମାସରେ ୨ କୋଟି ୧୦ ଲକ୍ଷ ଲୋକଙ୍କୁ ରୋଜଗାର ମିଳିଛି। ସେଣ୍ଟର ଫର ମନିଟରିଂ ଇଣ୍ଡିଆନ ଇକୋନୋମୀ(CMIE) ଦ୍ଵାରା ସାପ୍ତାହିକ ତଥ୍ୟରେ ଏହା କୁହଯାଇଛି। ଏହି ଉତ୍ସାହଜନକ ତଥ୍ୟ ପରେ ବି ୨୦୨୦ ମେ ମାସରେ ବେରୋଜଗାରୀ ହାର ୨୩.୫ ପ୍ରତିଶତରେ ରହିଛି। ଏପ୍ରିଲ ମାସରେ ମଧ୍ୟ ବେରୋଜଗାରୀ ହାର ଏମିତି ସ୍ଥିତିରେ ଥିଲା।

ରିପୋର୍ଟ ଅନୁସାରେ, ମେ ମାସରେ ଶ୍ରମ ଭାଗିଦାରୀ ହାର ୩୬.୫ରୁ ୩୮.୨ ପ୍ରତିଶତକୁ ବୃଦ୍ଧି ଘଟିଛି। ସେହି ପରି ରୋଜଗାର ହାର ୨୭.୨ ରୁ ୨୯.୨ ପ୍ରତିଶତ ପର୍ଯ୍ୟନ୍ତ ସୁଧାର ଘଟିଛି। ମେ ମାସରେ ମୋଟ୍‌ ରୋଜଗାର ପାଇଥିବା ଲୋକଙ୍କ ସଂଖ୍ୟା ୨ କୋଟି ୧୦ ଲକ୍ଷକୁ ବୃଦ୍ଧି ଘଟିଛି। ପୂର୍ବ ମାସରେ ଏଥିରେ ୭.୫ ପ୍ରତିଶତ ବୃଦ୍ଧି ଘଟିଥିବା କୁହାଯାଇଛି।

ସିଏମଆଇଆଇ ଅନୁସାରେ, ମୁଖ୍ୟ ଶ୍ରମ ବଜାର ଏପ୍ରିଲ ମାସ ତୂଳନାରେ ମେ ମାସରେ ସ୍ଥିତି ଉନ୍ନତ ଥିବା ସଙ୍କେତ ଦେଇଛି। ତଥାପି ଶ୍ରମ ବଜାରର ସ୍ଥିତି ଏବେ ମଧ୍ୟ ଲକ୍‌ଡାଉନ୍‌ ପୂର୍ବ ତୂଳନାରେ ଦୁର୍ବଳ ରହିଛି।

୨୦୧୯-୨୦ରେ ରୋଜଗାର ତୂଳନାରେ ସଂପ୍ରତି ୧୦ କୋଟି ଲୋକ ଏବେ ମଧ୍ୟ ବେରୋଜଗାର ଅଛନ୍ତି। ୨୦୧୯-୨୦ରେ ୪୦ କୋଟି ଲୋକଙ୍କ ପାଖରେ ରୋଜଗାର ଥିବା ବେଳେ ୨୦୨୦ ମେ ମାସରେ ୩୦ କୋଟି ୩୦ ଲକ୍ଷ ଲୋଙ୍କ ପାଖରେ ରୋଜଗାର ଅଛି।

ତଥାପି ୨୦୨୦ ଏପ୍ରିଲ ତୂଳନାରେ ସ୍ଥିତି ସୁଧାର ରହିଛି। ମେ ମାସରେ ରୋଜଗାର ପାଇଥିବା ଲୋକଙ୍କ ମଧଯୟରେ ୧ କୋଟି ୪୦ ଲକ୍ଷ ହେଉଛନ୍ତି କ୍ଷୁଦ୍ର ବ୍ୟବସାୟୀ ଏବଂ ଶ୍ରମିକ। ଏମାନଙ୍କ ସଂଖ୍ୟାରେ ୩୯ ପ୍ରତିଶତ ବୃଦ୍ଧି ଘଟିଛି। ରୋଜଗାର ପାଇଥିବା ଲୋଙ୍କ ମଧ୍ୟରେ ଏମାନଙ୍କ ସଂଖ୍ୟା ହେଉଛି ଏକ ତୃତୀୟାଂଶ। ଏପ୍ରିଲ ମାସରେ ଏହି ବର୍ଗର ୭୧ ପ୍ରତିଶତ ଲୋକ ରୋଜଗାର ହରାଇଥିଲେ ବୋଲି ରିପୋର୍ଟରେ କୁହାଯାଇଛି।

ଏପ୍ରିଲ ମାସରେ ୧ କୋଟି ୮୦ ଲକ୍ଷ ୨  ହଜାର ବ୍ୟବସାୟୀଙ୍କ ମଧ୍ୟରୁ  ୫୫ ଲକ୍ଷ ଲୋକ ନିଜର ରୋଜଗାର ଫେରି ପାଇଛନ୍ତି। ମେ ମାସରେ ଏହି ସଂଖ୍ୟାରେ ୯.୩ ପ୍ରତିଶତ ବୃଦ୍ଧି ଘଟିଛି। କୃଷି କ୍ଷେତ୍ରରେ ୧.୨ ପ୍ରତିଶତ ବୃଦ୍ଧି ସହିତ ୧୦ ଲକ୍ଷ ୪୦ ହଜାର ଲୋକ ରୋଜଗାର ପାଇଛନ୍ତି।

   Related Posts