Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

୨୧ ଦିନ ପରେ ଲାଗିଲା ତୈଳ ମୂଲ୍ୟବୃଦ୍ଧିରେ ରୋକ, ନିୟନ୍ତ୍ରିତ ହେବ ବଜାର ଦର

28/06/2020 at 2:59 PM

ନୂଆଦିଲ୍ଲୀ ୨୮।୬:  ପେଟ୍ରୋଲ ଓ ଡିଜେଲ ମୂଲ୍ୟ ବୃଦ୍ଧିରେ ବ୍ରେକ୍‌ ଲାଗିଛି।  ରବିବାର  ପେଟ୍ରୋଲ ଓ ଡିଜେଲ ଦରରେ ତୈଳ କମ୍ପାନୀମାନେ ମୂଲ୍ୟବୃଦ୍ଧି କରିନାହାନ୍ତି। ଏଣୁ ଇନ୍ଧନ ମୂଲ୍ୟ ସ୍ଥିର ହେବା ଯୋଗୁ ଉପୁଜିଥିବା ବଜାର ପରିସ୍ଥିତିରେ ସୁଧାର ଆସିବ ବୋଲି ଏବେ ଆଶା କରାଯାଉଛି। ପ୍ରାୟ ୩ ସପ୍ତାହ ପରେ ପ୍ରଥମ ଥର ତୈଳ ମୂଲ୍ୟ ସ୍ଥିର ହୋଇଛି। ତେବେ ଏହି ୨୧ ଦିନରେ ରାଜଧାନୀ ଦିଲ୍ଲୀରେ ଡିଜେଲ ମୂଲ୍ୟ ୧୧.୧ ପଇସା ମହଙ୍ଗା ହୋଇଥିବା ବେଳେ  ପେଟ୍ରୋଲ ଲିଟର ପିଛା ୯ଟଙ୍କା୧୨ ପଇସା ବଢିଛି।

ଆଇଓସିଏଲ ୱେବ୍‌ସାଇଟ୍‌ ଅନୁସାରେ ଦିଲ୍ଲୀ, କୋଲକାତା, ମୁମ୍ବାଇ ଓ ଚେନ୍ନାଇରେ ପେଟ୍ରୋଲ ମୂଲ୍ୟ ଯଥାକ୍ରମେ ୮୦ଟଙ୍କା ୩୮ ପଇସା, ୮୨ଟଙ୍କା ୫ ପଇସା, ୮୭ଟଙ୍କା ୧୪ ପଇସା ଓ ଲିଟରପିଛା ୮୩ଟଙ୍କା ୫୯ ପଇସା ଦରରେ ବିକ୍ରି ହେଉଛି। ସେହିପରି ଡିଜେଲ ପ୍ରତି ଲିଟର ଯଥାକ୍ରମେ ୮୦ଟଙ୍କା ୪୦ ପଇସା, ୭୫ଟଙ୍କା ୫୨ ପଇସା,୭୮ଟଙ୍କା ୭୧ ପଇସା ଓ  ୭୭ଟଙ୍କା ୬୧ ପଇସା ଦରରେ ବିକ୍ରି ହେଉଛି।

ଗତ ୨୧ ଦିନ ହେଲା ତୈଳ କମ୍ପାନୀମାନେ ପ୍ରତିଦିନ ପେଟ୍ରୋଲ ଓ ଡିଜେଲ ମୂଲ୍ୟ ବୃଦ୍ଧି କରିଥିଲେ। ଏଥିରେ ଶନିବାର ଶେଷ ଥର ଦିଲ୍ଲୀରେ ଲିଟର ପିଛା ପେଟ୍ରୋଲ ଦରରେ ୨୫ ପଇସା, କୋଲକାତା ଓ ମୁମ୍ବାଇରେ  ୨୩ ପଇସା ଓ ଚେନ୍ନାଇରେ ୨୨ ପଇସା ବଢିଥିଲା। ସେହିପରି ଡିଜେଲ ମୂଲ୍ୟରେ ଯଥାକ୍ରମେ ୧୭ ପଇସାରୁ ୨୧ ପଇସା ପର୍ଯ୍ୟନ୍ତ ବୃଦ୍ଧି ହୋଇଥିଲା।  ଡିଜେଲ ମୂଲ୍ୟ ବୃଦ୍ଧିର ପ୍ରଭାବ  ଅତ୍ୟାବସକୀୟ ସାମଗ୍ରୀ ପରିବହନରେ ପଡିଥିବା ବେଳେ ପନିପରିବା, ଫଳ ଓ ନିତ୍ୟବ୍ୟବହାର୍ଯ୍ୟ ସାମଗ୍ରୀ ଦର ବଢିବା ଆରମ୍ଭ ହୋଇଥିଲା। ତେବେ ମୂଲ୍ୟ ସ୍ଥିର ହେବା ବଜାରକୁ ଆଶ୍ୱସ୍ତ କରିବ ବୋଲି ଆଶା କରାଯାଉଛି।

   Related Posts