ସମ୍ବଲପୁର ୧୦।୧୦: ପୂଜା ପାଇଁ ସ୍ବତନ୍ତ୍ର ଧରପଗଡ ଅଭିଯାନ ଆରମ୍ଭ କରିଛି ସମ୍ବଲପୁର ପୋଲିସ । ଡକାୟତି ଯୋଜନା କରୁଥିବା ବେଳେ ସମ୍ବଲପୁର ପୋଲିସ ୫ଟି ଗ୍ୟାଙ୍ଗର ୨୧ ଜଣକୁ ଗିରଫ କରିଛି । ୫ଟି ଡକାୟତି ଯୋଜନାକୁ ପଣ୍ଡ କରିଛି ସମ୍ବଲପୁର ପୋଲିସ । ଏମାନଙ୍କ ନାଁରେ ସମ୍ବଲପୁରର ବିଭିନ୍ନ ଥାନାରେ ୫ଟି ମାମଲା ରୁଜୁ ହୋଇଛି ।
ତେବେ ସମ୍ବଲପୁର ପୋଲିସ ପୂଜା ସରିବା ଯାଏଁ ଏହି ସ୍ବତନ୍ତ୍ର ଧରପଗଡ ଅଭିଯାନ ଜାରି ରହିବ ବୋଲି ସୂଚନା ଦେଇଛି । ତେବେ ଗିରଫ ଅଭିଯୁକ୍ତମାନଙ୍କଠାରୁ ଡକାୟତିରେ ବ୍ୟବହୃତ କିଛି ସାମଗ୍ରୀ ବି ଜବତ କରିଛି ପୋଲିସ ।
ସେପେଟେ ଫାଙ୍କା ଗୁଳିଚାଳନା ଘଟଣାର ମୁଖ୍ୟ ଅଭିଯୁକ୍ତ ଏସ କେ ସାମଦକୁ ଧରିବା ପାଇଁ ପୋଲିସ ବିଭିନ୍ନ ସ୍ଥାନରେ ଚଢାଉ ଜାରି ରଖିଥିବାବେଳେ ଅନ୍ୟ ଜଣେ ଅଭିଯୁକ୍ତକୁ ଧରିବାରେ ସଫଳ ହୋଇଛି ।
