Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

୨୦୨୨ ଫିଫା ବିଶ୍ୱକପ ଫୁଟବଲର ବ୍ରାଣ୍ଡ ଆମ୍ବାସଡର କରୋନା ସଂକ୍ରମିତ

2/05/2020 at 6:30 PM

ନୂଆଦିଲ୍ଲୀ ୦୨/୦୫ : ୨୦୨୨ ମସିହାରେ କତରରେ ହେବାକୁ ଥିବା ବିଶ୍ୱକପ ଫୁଟବଲର ଏକ ‘ବ୍ରାଣ୍ଡ ଆମ୍ବାସଡର’ କରୋନା ସଂକ୍ରମିତ ହୋଇଥିବା ଜଣାପଡିଛି | ଟୁର୍ନାମେଣ୍ଟର ଆୟୋଜକ ଏନେଇ ସ୍ପଷ୍ଟ କରିଛନ୍ତି | କତରର ପୂର୍ବତନ ମିଡ଼ଫିଲଡର ୫୪ ବର୍ଷ ବୟସ୍କ ଆଦେଲ ଖମିସ ଏହି ଟୁର୍ନାମେଣ୍ଟର ଆମ୍ବାସଡର | ଟୁର୍ନାମେଣ୍ଟର ଶୀର୍ଷ କମିଟି ଟ୍ୱିଟ କରି କହିଛନ୍ତି ଯେ, ଦୁର୍ଭାଗ୍ୟବଶତଃ ଆଦେଲ ଖମିସଙ୍କୁ କରୋନା ଆକ୍ରାନ୍ତ କରିଛି | ସେ ସମସ୍ତ ସଂକ୍ରମିତ ବ୍ୟକ୍ତିଙ୍କ ଶୀଘ୍ର ସ୍ୱାସ୍ଥ୍ୟ ଲାଭ କାମନା କରିଛନ୍ତି |


ବିଶ୍ୱକପ ଫୁଟବଲ ପାଇଁ ପ୍ରସ୍ତୁତ କରାଯାଉଥିବା ଷ୍ଟାଡିୟମରେ କାର୍ଯ୍ୟରତ କର୍ମଚାରୀମାନଙ୍କ ମଧ୍ୟରୁ ୮ ଜଣ କର୍ମଚାରୀ କରୋନା ସଂକ୍ରମଣର ଶିକାର ହୋଇଛନ୍ତି | କତରରେ ଏବେ ସୁଦ୍ଧା ୧୩ ହଜାର ୪୦୯ ଜଣ କରୋନାରେ ସଂକ୍ରମିତ ହୋଇସାରିଛନ୍ତି | ଏମାନଙ୍କ ମଧ୍ୟରୁ ୧୩୭୨ ଜଣ ସୁସ୍ଥ ହୋଇଥିବାବେଳେ ୧୦ ଜଣଙ୍କ ମୃତ୍ୟୁ ହୋଇଛି |

ପର୍ତ୍ତୁଗାଲ ସରକାର କହିଛନ୍ତି ଯେ, ମେ ୩୦ ତାରିଖରୁ ପୁଣିଥରେ ଦେଶରେ ଫୁଟବଲ ଲିଗ ମ୍ୟାଚ ପାଇଁ ଅନୁମତି ଦିଆଯିବ | କରୋନା ମହାମାରୀ ଯୋଗୁଁ ମ୍ୟାଚକୁ ଅଧାରୁ ବନ୍ଦ କରିଦିଆଯାଇଥିଲା | ପର୍ତ୍ତୁଗାଲ ପ୍ରଧାନମନ୍ତ୍ରୀ ଗୁରୁବାର ଦିନ ଲକଡାଉନ ପରବର୍ତ୍ତୀ ଯୋଜନାର ଖୁଲାସା କରିଛନ୍ତି ଏବଂ ଏଟି ମଧ୍ୟରେ ଫୁଟବଲ ଲିଗ ମ୍ୟାଚ ଆରମ୍ଭ କରିବାକୁ ଘୋଷଣା କରିଛନ୍ତି |


ପ୍ରଧାନମନ୍ତ୍ରୀ କହିଛନ୍ତି ଯେ, ଷ୍ଟାଡିୟମରେ ସଂକ୍ରମଣ ରୋକିବା ପାଇଁ କରାଯାଇଥିବା ପ୍ରୟାସ ଉପରେ ଲିଗ ମ୍ୟାଚ ନିର୍ଭର କରେ | ଚିକିତ୍ସା ଅଧିକାରୀ ପ୍ରତ୍ୟେକ ଷ୍ଟାଡିୟମ ଯାଞ୍ଚ କରିବା ପରେ ମଞ୍ଜୁରୀ ଦେଲେ ଲିଗ ମ୍ୟାଚ ଆରମ୍ଭ ହେବ | କିନ୍ତୁ ମ୍ୟାଚ ଦର୍ଶକଙ୍କ ବିନା ଖେଳାଯିବ |


ବ୍ରାଜିଲ ରାଷ୍ଟ୍ରପତି ଜାୟର ବୋଲସୋନାରୋ ଦେଶରେ କରୋନା ସଂକ୍ରମଣ ବୃଦ୍ଧି ପାଉଥିଲେ ମଧ୍ୟ ଫୁଟବଲ ମ୍ୟାଚ ପୁଣିଥରେ ଆରମ୍ଭ କରିବାକୁ ଚାହୁଁଛନ୍ତି | କାରଣ ସେ ଭାବୁଛନ୍ତି ଖେଳାଳିଙ୍କ ଶାରୀରିକ ଫିଟନେସ ଯୋଗୁଁ ତାଙ୍କୁ ସହଜରେ କରୋନା ଆକ୍ରାନ୍ତ କରିବନାହିଁ | ଶାରୀରିକ ସ୍ୱାସ୍ଥ୍ୟ ଭଲ ଥିଲେ କରୋନା ଜନିତ ମୃତ୍ୟୁ ହେବାର ସମ୍ଭାବନା କମ ଅଛି ବୋଲି ସେ କହିଛନ୍ତି | ବୋଲସୋନାରୋ ଏବେ ସୁଦ୍ଧା କରୋନା ମହାମାରୀକୁ ଏତେ ଭୟଙ୍କର ବୋଲି ଭାବୁନାହାନ୍ତି | ସେ ଏହାକୁ ଏକ ସାମାନ୍ୟ ସଂକ୍ରମଣ ଭାବେ ଗ୍ରହଣ କରିଛନ୍ତି |


ବ୍ରାଜିଲରେ ମାର୍ଚ୍ଚ ୧୫ ତାରିଖରୁ ସମସ୍ତ ଫୁଟବଲ ମ୍ୟାଚ ରଦ୍ଦ କରିଦିଆଯାଇଛି | ବ୍ରାଜିଲ ଚାମ୍ପିଅନସିପ ମେ ମାସରୁ ଆରମ୍ଭ ହେବାକୁ ଥିଲା | କିନ୍ତୁ ଚଳିତ ମାସରେ ମ୍ୟାଚ ଆରମ୍ଭ ହେବା ସମ୍ଭାବନା କମ ଥିବା ଭଳି ଜଣାପଡୁଛି | କାରଣ ଲାଟିନ ଆମେରିକୀୟ ଦେଶମାନଙ୍କ ମଧ୍ୟରେ ବ୍ରାଜିଲ କରୋନା ଯୋଗୁଁ ସବୁଠାରୁ ଅଧିକ ପ୍ରଭାବିତ ହୋଇଛି | ବ୍ରାଜିଲ ଏବେ ସୁଦ୍ଧା କରୋନାରେ ୫ ହଜାର ୯୦୦ ଜଣ ପ୍ରାଣ ହରାଇ ସାରିଛନ୍ତି |

   Related Posts