Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରିଷ୍ଠ ସାମ୍ୱାଦିକ ବିନୋଦ ଦୁଆଙ୍କ ପରଲୋକ, କରୋନାରେ ହୋଇଥିଲେ ଆକ୍ରାନ୍ତ
  • ||
  • ଚାଲିପାରିଲାନି ବିଧାନସଭା, ସୋମାବାର ପର୍ଯ୍ୟନ୍ତ ମୁଲତବୀ ଘୋଷଣା କଲେ ବାଚସ୍ପତି
  • ||
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||

୨୦୨୧ରେ ହେବ ନୂଆ ଜନଗଣନା

24/12/2019 at 8:38 PM

ନୂଆଦିଲ୍ଲୀ ୨୪।୧୨ – ୨୦୨୧ରେ ହେବ ନୂଆ ଜନଗଣନା ।   ଏହାସହ ଜାତୀୟ ଜନସଂଖ୍ୟା ପଂଜୀକରଣ NPR  ଅପଡେଟ ବି କରାଯିବ । ଏ ସଂପର୍କିତ ଗୁରୁତ୍ବପୂର୍ଣ୍ଣ ନିସ୍ପତ୍ତି ଉପରେ ଆଜି ମୋହର ଲଗାଇଛି କେନ୍ଦ୍ର କ୍ୟାବିନେଟ୍‌ । କ୍ୟାବିନେଟ ବୈଠକ ପରେ କେନ୍ଦ୍ରମନ୍ତ୍ରୀ ପ୍ରକାଶ ଜଭଡେକର ଦେଇଛନ୍ତି  ଏହି ସୂଚନା ।  ଏହାସହ କେନ୍ଦ୍ର ସୁରକ୍ଷା ସମ୍ପର୍କିତ କ୍ୟାବିନେଟ୍‌ କମିଟି ବୈଠକରେ ଚିଫ୍‌ ଅଫ ଦି ଡିଫେନ୍ସ ଷ୍ଟାଫ ବା ସିଡିଏସ୍‌ ପଦବୀ ସୃଷ୍ଟି ପାଇଁ ମଞ୍ଜୁରୀ ପ୍ରଦାନ କରିଛନ୍ତି ।

ସାରା ଦେଶରେ ନାଗରିକ ସଂଶୋଧନ ଆଇନ୍‌ ଲାଗୁ ନେଇ ତମ୍ବିତୋପାନ ଥମିନଥିବା ବେଳେ  ଜାତୀୟ ଜନସଂଖ୍ୟା ପଞ୍ଜୀକରଣ ଅପଡେଟ୍‌କୁ କେନ୍ଦ୍ର କ୍ୟାବିନେଟ୍‌ ର ଗ୍ରୀନ୍‌ ସିଗନାଲ । ଆସନ୍ତା ବର୍ଷ ଏପ୍ରିଲ ପହିଲାରୁ  ଏନେଇ ଆରମ୍ଭ ହେବ କାମ । ଯାହାକି  ୩୦ ସେପ୍ଟେମ୍ବର ଯାଏ ଚାଲିବ ।

କେନ୍ଦ୍ର ଓ ରାଜ୍ୟ ସରକାରଙ୍କ କର୍ମଚାରୀ ମାନେ ଘରଘର ବୁଲି ଲୋକଙ୍କ ଠାରୁ  ତଥ୍ୟ ସଂଗ୍ରହ କରିବେ।  ଦେଶରେ ବସବାସ କରୁଥିବା ନାଗରିକ ମାନଙ୍କ ସମ୍ପୁର୍ଣ୍ଣ ନିର୍ଭୁଲ ତଥ୍ୟ ଏହି ସର୍ଭେ ମାଧ୍ୟମରେ ସଂଗ୍ରହ କରାଯିବ । କୌଣସି ଜଣେ ବି ନାଗରିକ ଦେଶର ଯେକୌଣସି ସ୍ଥାନରେ ୬ମାସରୁ ଅଧିକ ସମୟ ରହି ଆସୁଥିଲେ ସେମାନେ ଜାତୀୟ ଜନସଂଖ୍ୟା ପଂଜୀକରଣର ବା ଏନପିଆର ରେ ସାମିଲ ହୋଇପାରିବେ । 

ପୁରା ପ୍ରକ୍ରିୟା ସମ୍ପୂର୍ଣ କରିବାକୁ ୮ହଜାର ୭୫୪ ଦଶମିକ ୨୩ କୋଟି ଟଙ୍କା ଖର୍ଚ୍ଚ ହେବ । ଏନପିଆର ବା ଜନସଂଖ୍ୟା ପଂଜୀକରଣର ଅପଡେଟ ପାଇଁ  ୩୯୪୧. ୩୫ କୋଟି ଟଙ୍କା ଖର୍ଚ୍ଚ ହେବ।  ଏହି ନିସ୍ପତ୍ତି ଉପରେ ଆଜି କେନ୍ଦ୍ର କ୍ୟାବିନେଟର ମୋହର ବାଜିଛି ।

ସେପେଟେ କେନ୍ଦ୍ର ସୁରକ୍ଷା ସମ୍ପର୍କିତ କ୍ୟାବିନେଟ୍‌ କମିଟି ଦେଶରେ ପ୍ରତିରକ୍ଷା ବିଭାଗ ମୁଖ୍ୟ  ବା  ଚିଫ୍‌ ଅଫ ଦି ଡିଫେନ୍ସ ଷ୍ଟାଫ ବା  ସିଡିଏସ ପଦବୀ କୁ ମଞ୍ଚୁରୀ ଦେଇଛନ୍ତି । 

ସିଡିଏସ ପଦବୀ ମାଧ୍ୟମରେ ଦେଶର ତିନିବାହୀନ ମଧ୍ୟରେ ସମନ୍ବୟ ରକ୍ଷା କରାଯାଇ ପାରିବ । ସିଡିଏସ ରାଷ୍ଟ୍ରପତିଙ୍କୁ ବିଭିନ୍ନ ସମୟରେ ଦେଶସୁରକ୍ଷା ସମ୍ବନ୍ଧରେ ପରାମର୍ଶ ଦେଇପାରିବେ ।

ସିଡିଏସ 4 ଷ୍ଟାର ବିଶିଷ୍ଟ ପଦବୀ ହେବ । ଚର୍ଚ୍ଚା ହେଉଛି ଆର୍ମି ମୁଖ୍ୟ ବିପିନ୍‌ ରାୱତ ଦେଶର ପ୍ରଥମ ସିଡିଏସ ଭାବେ ଅବସ୍ଥାପିତ ହୋଇପାରନ୍ତି ।

ସେହିପରି ଆଜି କେନ୍ଦ୍ର କ୍ୟାବିନେଟ୍‌ ଅଟଳ ଭୂଜଳ ଯୋଜନାରେ  ୬ହାଜାର କୋଟି ଟଙ୍କା ମଞ୍ଜୁର କରିଛନ୍ତି ।

କର୍ଣ୍ଣାଟକ , ଗୁଜରାଟ, ହରିୟାଣା ,ମଧ୍ୟ ପ୍ରଦେଶ ମହାରାଷ୍ଟ୍ର,,ଉତ୍ତର ପ୍ରଦେଶ ଭଳି ୭ଟି ରାଜ୍ୟରେ ଭୂତଲ ଜଳ ବିନିଯୋଗ ପଇଁ ୫ ବର୍ଷରେ ଏହି ଟଙ୍କା ଖର୍ଚ୍ଚ କରିବାକୁ କେନ୍ଦ୍ର କ୍ୟାବିନେଟ୍‌ରେ ନିଷ୍ପତ୍ତି ନିଆଯାଇଛି ।

   Related Posts