Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

୨୦୧୯ ସାଧାରଣ ନିର୍ବାଚନର ଫଳାଫଳ ପାଇଁ ଆଉ ମାତ୍ର କିଛି ସମୟର ଅପେକ୍ଷା, ସକାଳ ୮ଟାରୁ ଆରମ୍ଭ ହେବ କାଉଣ୍ଟିଂ

23/05/2019 at 6:54 AM

ଭୁବନେଶ୍ବର ୨୩|୫: ୨୦୧୯ ସାଧାରଣ ନିର୍ବାଚନର ଫଳାଫଳ ପାଇଁ ଆଉ ମାତ୍ର କିଛି ଘଣ୍ଟାର ଅପେକ୍ଷା ।  ସକାଳ ୮ଟାରୁ ଆରମ୍ଭ ହେବ କାଉଣ୍ଟିଂ । ୫୪୨ଟି ଲୋକସଭା ଓ ୪ ରାଜ୍ୟର ବିଧାନସଭା ପାଇଁ  ଭୋଟ ଗଣତି ହେବ । ଯାହା ମଧ୍ୟରେ ରହିଛି ଓଡ଼ିଶା, ଆନ୍ଧ୍ର ପ୍ରଦେଶ, ସିକ୍କିମ ଓ ଅରୁଣାଚଳ ପ୍ରଦେଶ । ୭ଟି ପର୍ଯ୍ୟାୟରେ ସାରା ଦେଶରେ ନିର୍ବାଚନ ହୋଇଥିବା ବେଳେ ୫୪୨ଟି ଲୋକସଭା ଆସନ ପାଇଁ ୯ ହଜାରରୁ ଅଧିକ ପ୍ରାର୍ଥୀ ମୈଦାନରେ ପ୍ରତିଦ୍ବନ୍ଦ୍ବିତା କରୁଛନ୍ତି ।

ସେହିପରି ଦେଶର ୯୦.୯୯ କୋଟି ଭୋଟରଙ୍କ ମଧ୍ୟରୁ ୬୭.୧୧ ପ୍ରତିଶତ ଭୋଟର ସେମାନଙ୍କ ମତଦାନ ସାବ୍ୟସ୍ତ କରିଥିଲେ ଯାହା ଦେଶର ଇତିହାସରେ ସର୍ବକାଳୀନ ରେକର୍ଡ । ତେବେ ରେଜଲ୍ଟ ଘୋଷଣାରେ ୪ରୁ ୫ ଘଣ୍ଟା ବିଳମ୍ବ ହେବାର ସମ୍ଭାବନା ରହିଛି । କାହିଁକି ନା  ପ୍ରଥମ ଥର ପାଇଁ ଇଭିଏମ୍ ସହିତ ଭିଭିପାଟ ସ୍ଲିପ୍ ମେଳ କରାଯିବ । ପ୍ରତି ଲୋକସଭା ଓ ବିଧାନସଭାର ୫ଟି ଲେଖାଏଁ ବୁଥ୍ ରେ ଏହି ମେଳ କରାଯିବ । କାଉଣ୍ଟିଂ ପାଇଁ ନିର୍ବାଚନ କମିଶନଙ୍କ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି । 

କେବଳ ଆମ ରାଜ୍ୟ କଥା ବିଚାରକୁ ନେଲେ, ଓଡ଼ିଶାରେ ୬୩ଟି କାଉଣ୍ଟିଂ ସେଣ୍ଟର କରାଯାଇଛି ।  ଗଣତି କାର୍ଯ୍ୟରେ ନିୟୋଜିତ ହୋଇଛନ୍ତି ୬ହଜାରରୁ ଅଧିକ କର୍ମଚାରୀ ।  ପ୍ରତି ଗଣତି କେନ୍ଦ୍ରରେ ଲୋକସଭା ପାଇଁ ୭ଟି ଏବଂ ବିଧାନସଭା ପାଇଁ ୭ଟି ଟେବୁଲ୍ ହିସାବରେ ମୋଟ ୨୪୬୨ ଟେବୁଲରେ ଚାଲିବ ରାଉଣ୍ଡ ପରେ ରାଉଣ୍ଡ ଗଣତି କରାଯିବ । ପ୍ରତ୍ୟେକ ଟେବୁଲରେ ଜଣେ ମାଇକ୍ରୋ ଅବଜରଭରଙ୍କ ସମେତ ୩ଜଣ ଅଧିକାରୀ ରହିବେ । କାଉଣ୍ଟିଂ ସେଣ୍ଟରରେ ଇଲେକଟ୍ରୋନିକ୍ସ ସାମଗ୍ରୀ ବ୍ୟାନ କରାଯାଇଛି ।

ପ୍ରଥମେ ପୋଷ୍ଟାଲ ବାଲଟ୍ ଓ ପରେ ଇଭିଏମ୍ ଗଣତି ହେବ । ତେବେ ଏଥିପାଇଁ ମତଗଣନା କେନ୍ଦ୍ରରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ଇଭିଏମ ଖୋଲିବା ଠାରୁ ଭୋଟ ଗଣତି ପର୍ଯ୍ୟନ୍ତ ଭିଡିଓଗ୍ରାଫି କରାଯିବା ସହ ସିସିଟିଭି ରେକର୍ଡ କରାଯିବ ।

   Related Posts