Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ଆମେରିକାରେ କରୋନାର ତାଣ୍ଡବ: ଗୋଟିଏ ଦିନରେ ଭାଇରସ ନେଲା ୨୦୦୦ରୁ ଅଧିକ ଜୀବନ, ଟ୍ରମ୍ପ କହିଲେ ୧ ଲକ୍ଷ ଛୁଇଁବ ମୃତ୍ୟୁସଂଖ୍ୟା

11/04/2020 at 7:14 PM

ନ୍ୟୁୟର୍କ, ୧୧|୦୪:  ଆମେରିକାରେ କରୋନା ଭାଇରସ ମୃତ୍ୟୁର ତାଣ୍ଡବ ରଚୁଛି । ଏବେ ଆମେରିକା ବିଶ୍ୱର ଏପରି ଏକମାତ୍ର ଦେଶ ଯେଉଁଠାରେ  ଗୋଟିଏ ଦିନରେ ହିଁ ୨ହଜାରରୁ ଅଧିକ ସଂକ୍ରମିତ ପ୍ରାଣ ହରାଇଛନ୍ତି । ଗତ ୨୪ ଘଣ୍ଟାରେ ଏଠାରେ ୨୧୦୮ ଜଣ ଜୀବନ ହାରିଛନ୍ତି । ଏହି ତଥ୍ୟ କରୋନା ଭାଇରସ ଉପରେ ନଜର ରଖୁଥିବା ହପକିଂସ୍ ୟୁନିଭର୍ସିଟୀ ପ୍ରଦାନ କରିଛି । ଗୁରୁବାର ଆମେରିକାରେ ପ୍ରାୟ ୧୭୦୦ ଜଣ ପ୍ରାଣ ହରାଇଥିଲେ ।

ଶୁକ୍ରବାର ସାରା ବିଶ୍ୱରେ କରୋନା ମୃତକଙ୍କ ସଂଖ୍ୟା ଏକ ଲକ୍ଷ ଅତିକ୍ରମ କରିଥିଲା । ସେହିପରି ମୋଟ ସଂକ୍ରମିତଙ୍କ ସଂଖ୍ୟା ୧୭ ଲକ୍ଷରେ ପହଁଚିଛି । ଆମେରିକାର ନ୍ୟୁୟର୍କକୁ କରୋନା ସଂକ୍ରମଣର କେନ୍ଦ୍ର ବୋଲି କୁହାଯାଉଛି । କେବଳ ଏହି ସହରରେ ଏକ ଲକ୍ଷ ୬୦ ହଜାରରୁ ଅଧିକ ବ୍ୟକ୍ତି ସଂକ୍ରମିତ ହୋଇଛନ୍ତି । ଏଠାରେ କରୋନା ୫୮୨୦ଟି ଜୀବନ ନେଇଛି । ସେହିପରି ଆମେରିକାରେ ୫ ଲକ୍ଷ ବ୍ୟକ୍ତି କରୋନା ଭାଇରସ ସଂକ୍ରମିତ ହୋଇଛନ୍ତି ।

ଏହା ମଧ୍ୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ, ଏଠାରେ ମୃତ୍ୟୁସଂଖ୍ୟା ୧ ଲକ୍ଷ ମଧ୍ୟରେ ରହିବ । ଏହାପୂର୍ବରୁ ଜଣେ ବରିଷ୍ଠ ଅଧିକାରୀ ୟୁଏସରେ ମୃତ୍ୟୁସଂଖ୍ୟା ୨ ଲକ୍ଷ ଛୁଇଁବ ବୋଲି କହିଥିଲେ ।

ସାରା ବିଶ୍ୱରେ କରୋନା ମୃତକ ସଂଖ୍ୟାରେ ଇଟାଲୀ ଏବେବି ଉପରେ ରହିଛି । ଏଠାରେ ୧୮୮୪୯ ଜଣ ପ୍ରାଣ ହରାଇଛନ୍ତି । ଦ୍ୱିତୀୟ ସ୍ଥାନରେ ସ୍ପେନ ରହିଛି । ଏଠାରେ ୧୬୦୮୧ଜଣ ପ୍ରାଣ ହରାଇଥିବା ବେଳେ ଫ୍ରାନ୍ସରେ ୧୩୧୯୭ ଓ ବ୍ରିଟେନରେ ୮୯୫୮ ଜଣ ପ୍ରାଣ ହରାଇଛନ୍ତି ।

   Related Posts