Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୁଚିଣ୍ଡା : ଭଡାଘରେ ଚାଲିଥିଲା ସେକ୍ସ ରାକେଟ୍, ମହିଳା ସହ ୨ ଯୁବକଙ୍କୁ ଗିରଫ କଲା ପୋଲିସ
  • ||
  • ମୁନିଗୁଡା : ଆଶ୍ରମ ବିଦ୍ୟାଳୟ ହଷ୍ଟେଲରେ ୯ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅବହେଳା ଅଭିଯୋଗ ଆଣିଲେ ପରିବାର
  • ||
  • ଆର୍.ଉଦୟଗିରି : ଉପକାରାଗାରରୁ ୨ ବିଚାରାଧୀନ କଏଦୀ ଫେରାର, ଗଞ୍ଜେଇ ଚୋରା ଚାଲାଣ ଅଭିଯୋଗରେ ଜେଲ୍‌ରେ ଥିଲେ
  • ||
  • ଚୌଦ୍ବାର : ଚାରବାଟିଆ ଏଆରସିରେ ପୁଣି ଅଗ୍ନିକାଣ୍ଡ, ନିଆଁ ଲିଭା କାର୍ଯ୍ୟରେ ଲାଗିଛି ୬ଟି ଦମକଳ ଗାଡି
  • ||
  • ଭୁବନେଶ୍ବର : ମାର୍ଚ୍ଚ ପହିଲାରୁ ବରିଷ୍ଠ ନାଗରିକଙ୍କୁ ଟିକା, ୧୨ଟି ସରକାରୀ ଓ ୧୦ଟି ଘରୋଇ ହସ୍ପିଟାଲରେ ଟିକାଦାନ
  • ||
  • ସମ୍ବଲପୁର : ଭିସୁଟ୍‌ର ୨୫ ଛାତ୍ରଛାତ୍ରୀ କରୋନା ଆକ୍ରାନ୍ତ, ସସପେଣ୍ଡ ହେଲା ପ୍ରଥମ ବର୍ଷ ଛାତ୍ରଛାତ୍ରୀଙ୍କ କ୍ଲାସ୍
  • ||
  • ନୀଳଗିରି : ଛିଣ୍ଡି ପଡିଲା ୧୧କେଭି ବିଦ୍ୟୁତ୍ ତାର, ଅଳ୍ପକେ ବର୍ତିଲେ ଗ୍ରାମବାସୀ
  • ||
  • ଭୁବନେଶ୍ବର : ମାର୍ଚ୍ଚ ପହିଲାରୁ ବରିଷ୍ଠ ନାଗରିକଙ୍କୁ ଟିକା, ୧୨ଟି ସରକାରୀ ଓ ୧୦ଟି ଘରୋଇ ହସ୍ପିଟାଲରେ ଟିକାଦାନ
  • ||
  • ଋଷିକୁଲ୍ୟା ନଦୀପଠାରୁ ଆନ୍ଧ୍ରକୁ ବାଲି ଚାଲାଣ ଘଟଣା : ୭ଟି ବାଲି ବୋଝେଇ ଟ୍ରକ୍ ଜବତ କଲା ପୋଲିସ
  • ||
  • ୫ରାଜ୍ୟ ଫେରନ୍ତାଙ୍କ ପାଇଁ ସ୍ବତନ୍ତ୍ର କଟକଣା : ରହିବେ ୭ଦିନ ହୋମ୍ ଆଇସୋଲେସନ୍‌ରେ
  • ||

ଚାଷୀଙ୍କ ଉତପାତ୍ ବେଳେ ଫସି ରହିଥିଲେ ୨୦୦ କଳାକାର, ଗଣତନ୍ତ୍ର ଦିବସ ପରେଡ୍‌ରେ ହୋଇଥିଲେ ସାମିଲ

26/01/2021 at 10:00 PM

ନୂଆଦିଲ୍ଲୀ ୨୬/୦୧ : ରାଜଧାନୀ ଦିଲ୍ଲୀରେ ଗଣତନ୍ତ୍ର ଦିବସରେ ଚାଷୀମାନଙ୍କ ପକ୍ଷରୁ କରାଯାଇଥିବା ଟ୍ରାକ୍ଟର ରାଲିରେ ଚାଷୀମାନେ ବ୍ୟାପକ ହିଂସା ଘଟାଇଥିଲେ । ଦିଲ୍ଲୀ ପୋଲିସକୁ ଚକମା ଦେଇ ଚାଷୀମାନେ ଲାଲ କିଲ୍ଲାକୁ ମଧ୍ୟ କବଜା କରିନେଇଥିଲେ । ଲାଲ କିଲ୍ଲା ପରିସର​‌ରେ ବ୍ୟାପକ ସଂଖ୍ୟାରେ ଆନ୍ଦୋଳନକାରୀ ହଙ୍ଗାମା କରିଥିଲେ । ଏହି ଆନ୍ଦୋଳନ ଫଳରେ ଲାଲ କିଲ୍ଲା ନିକଟରେ ପ୍ରାୟ ୨୦୦ କଳାକାର ଫସିରହିଥିଲେ ।

ଚାଷୀଙ୍କ ଟ୍ରାକ୍ଟର ରାଲି ଏବଂ ଲାଲ କିଲ୍ଲାରେ ହୋଇଥିବା ହଙ୍ଗାମା କାରଣରୁ ରାଷ୍ଟ୍ରୀୟ ରଙ୍ଗଶାଳାର ପ୍ରାୟ ୨ ଶହ ଜଣ କଳାକାର ଦିନ ୧୨ଟାରୁ ସନ୍ଧ୍ୟା ଯାଏଁ ସେଠାରେ ଫସିରହିଥିଲେ । ଏହି କଳାକାରମାନେ ଗଣତନ୍ତ୍ର ଦିବସ ପରେଡ୍‌ରେ ଅଂଶ ଗ୍ରହଣ କରିଥିଲେ । ତେବେ ପୋଲିସ ସେମାନଙ୍କୁ ରାଷ୍ଟ୍ରୀୟ ରଙ୍ଗଶାଳା କ୍ୟାମ୍ପ୍‌ରେ ସୁରକ୍ଷିତ ଭାବେ ଛାଡିଥିବା ସୂଚନା ମିଳିଛି ।

କୁହାଯାଉଛି ଯେ, ରାଷ୍ଟ୍ରୀୟ ରଙ୍ଗଶାଳାର କଳାକାରମାନେ ମଧ୍ୟ ଗଣତନ୍ତ୍ର ଦିବସ ପରେଡରେ ଭାଗ ନେବାକୁ ଆସିଥିଲେ । ପରେଡ୍‌ ଶେଷ ହେବା ପରେ ସେମାନେ ସମସ୍ତେ ଲାଲ କିଲ୍ଲା ନିକଟ​‌ରେ ଥିଲେ । ଦେଠାରୁ ବାହାରିବା ପୂର୍ବରୁ ଚାଷୀମାନେ ଲାଲ କିଲ୍ଲା ପରିସରକୁ ଧସେଇ ପଶିଥିଲେ । ଭୟରେ କଳାକାରମାନେ ବାହାରକୁ ଆସିପାରିନଥିଲେ ଏବଂ ସେହିଠାରେ ହିଁ ଫସିରହିଥିଲେ ।

ପରେ ଚାଷୀମାନଙ୍କୁ ସେଠାରୁ ବହାରକୁ ବାହାର କରାଯିବା ପରେ ପୋଲିସ ସେମାନଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲା ।  ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇ କ୍ୟାମ୍ପରେ ଛଡାଯାଇଥିବା ପୋଲିସ ପକ୍ଷରୁ ସୂଚନା ଦିଆଯାଇଛି । ତେବେ ପୋଲିସ ବଳ ଏବଂ ଚାଷୀମାନଙ୍କ ମଧ୍ୟରେ ଧସ୍ତାଧସ୍ତି ବେଳେ ପ୍ରାୟ ୮୩ ଜଣ ଯବାନ ଆହତ ହୋଇଥିବା ସୂଚନା ମିଳିଛି । ସମସ୍ତ ଅଭିଯୁକ୍ତଙ୍କୁ ଚିହ୍ନଟ କରାଯାଇ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି  ଦିଲ୍ଲୀ ପୋଲିସର ସଂଯୁକ୍ତ ପୋଲିସ କମିସନର ଆଲୋକ କୁମାର କହିଛନ୍ତି ।

   Related Posts