ଅନୁଗୁଳ, ୦୬/୧୧: ଦୁଇ ବର୍ଷ ତଳେ ଅନୁଗୋଳ ସହରରେ ଘଟିଥିବା ୮ ବର୍ଷର ଯାଯାବର ନାବାଳିକାକୁ ବଳାତ୍କାର ପରେ ଦରମରା କରି ଫିଙ୍ଗିଦେବା ମାମଲାର ରାୟ ଶନିବାର ଅନୁଗୋଳ ଅତିରିକ୍ତ ଜିଲ୍ଲା ଓ ଦୌରା ଜଜ କୋର୍ଟ ତଥା ସ୍ୱତନ୍ତ୍ର ପୋକ୍ସୋ କୋର୍ଟରେ ପ୍ରକାଶ ପାଇଛି। ଅତିରିକ୍ତ ଜିଲ୍ଲା ଓ ଦୌରା ଜଜ ମାମଲାର ଶୁଣାଣି କରି ଅଭିଯୁକ୍ତ ଶିବୁ ଓରଫ ଶୁଭ୍ରାଂଶୁ ଶେଖର ପଟ୍ଟନାୟକକୁ ୨୦ ବର୍ଷ ଜେଲ ଦଣ୍ଡାଦେଶ ଦେଇଛନ୍ତି। ଏଥି ସହିତ ୨୮ ହଜାର ଜରିମାନା ଆଦେଶ, ଜରିମାନା ଅନାଦେୟ ଅଧିକ ୨ ବର୍ଷ ଜେଲ ଭୋଗିବାକୁ ପଡ଼ିବ ବୋଲି ସୂଚନା ମିଳିଛି। ୩୦ ଜଣଙ୍କଠାରୁ ସାକ୍ଷ୍ୟ ଗ୍ରହଣ କରଯାଇଥିଲା। ସାକ୍ଷ୍ୟ ପ୍ରମାଣ ଆଧାରରେ କୋର୍ଟ ଏଇ ଦଣ୍ଡାଦେଶ ଶୁଣାଇଛନ୍ତି। ସରକାରଙ୍କ ପକ୍ଷରୁ ସ୍ୱତନ୍ତ୍ର ପିପି ସରୋଜ କୁମାର ପଟ୍ଟନାୟକ ଏହି ମାମଲା ପରିଚାଳନା କରୁଥିଲେ।