Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

ଗେହଲଟଙ୍କ ସପକ୍ଷରେ ଭୋଟ୍ ଦେଇଥାନ୍ତେ ବସୁନ୍ଧରାଙ୍କ ୨୦ ବିଧାୟକ: ଗେହଲଟ- ବସୁନ୍ଧରାଙ୍କ ଭିତିରି ସଂପର୍କ ନେଇ ସଙ୍ଗୀନ ଅଭିଯୋଗ ଆଣିଲେ ଆରଏଲପି ନେତା

10/10/2020 at 4:55 PM

ଜୟପୁର ୧୦।୧୦: ରାଷ୍ଟ୍ରୀୟ ଲୋକତାନ୍ତ୍ରିକ ପାର୍ଟି(ଆରଏଲପି)ର ନାଗପୁର ସାଂସଦ ହନୁମାନ ବେନିଓ୍ଵାଲ ପୁଣି ଥର ରାଜସ୍ଥାନର ମୁଖ୍ୟମନ୍ତ୍ରୀ ଅଶୋକ ଗେହଲଟ ଓ ପୂର୍ବତନ ମୁଖ୍ୟମନ୍ତ୍ରୀ ବିଜେପି ନେତା ବସୁନ୍ଧରା ରାଜେଙ୍କୁ ଶାଣିତ ସ୍ଵରରେ ସମାଲୋଚନା କରିଛନ୍ତି। ସେ କହିଛନ୍ତି ଯେ ଏହି ଦୁଇ ନେତା ଗତ ୨୦ ବର୍ଷ ହେବ ପରସ୍ପର ମଧ୍ୟରେ ଅଲିଖିତ ବୁଝାମଣା କରି ରାଜ୍ୟରେ ଶାସନ ଭୋଗ କରୁଛନ୍ତି। ବିଜେପି ଓ କଂଗ୍ରେସ ରାଜ୍ୟରେ ଅଘୋଷିତ ମେଣ୍ଟ କରିଥିବା ହନୁମାନ ବେନିଓ୍ଵାଲ କହିଛନ୍ତି।

ଆସ୍ଥା ଭୋଟ୍‌ରେ ବସୁନ୍ଧରାଙ୍କ ୨୦ ସମର୍ଥକ ବିଧାୟକ ଗେହଲଟଙ୍କୁ ଭୋଟ୍‌ ଦେଇଥାନ୍ତେ  ବୋଲି ଆରଏଲପି ନେତା ସଙ୍ଗୀନ ଅଭିଯୋଗ ଆଣିଛନ୍ତି। ସେ କହିଛନ୍ତି ଗତ ୨୦ ବର୍ଷ ହେବ ବସୁନ୍ଧରା ରାଜେ ଓ ଅଶୋକ ଗେହଲଟ ପରସ୍ପର ମଧ୍ୟରେ ଉତ୍ତମ ସମନ୍ଵୟ ରଖି କାମ କରି ଆସୁଛନ୍ତି। ଫଳସ୍ଵରୂପ ରାଜସ୍ଥାନର ଅର୍ଥନୈତିକ ମେରୁଦଣ୍ଡ ଭୁଶୁଡି ଗଲାଣି। ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହୋଇଛି। ରାଜ୍ୟ ଗଣଦୁଷ୍କର୍ମର ହବ୍‌ରେ ପରିଣତ ହୋଇ ଗଲାଣି ବୋଲି ବେନିଓ୍ଵାଲ  କହିଛନ୍ତି।

ବେନିଓ୍ଵାଲ କହିଛନ୍ତି, ଅଶୋକ ଗେହଲଟ ସରକାର ଏବଂ ପୂର୍ବର ବସୁନ୍ଧରା ରାଜେ ସରକାରଙ୍କ ମଧ୍ୟରେ କୌଣସି ଫରକ ନାହିଁ। ଏବେ ଆରଏଲପି ଏହି ଦୁଇ ମେଣ୍ଟକୁ ସମାପ୍ତ କରିବାକୁ ଅଣ୍ଟା ଭିଡିଛି। ବେନିଓ୍ଵାଲ ହେଉଛନ୍ତି ଆରଏଲପିର ସଂଯୋଜକ। ଏହି ପାର୍ଟି କେନ୍ଦ୍ର ଓ ରାଜ୍ୟରେ ବିଜେପିର ସହଯୋଗୀ। ଏହା ପରେ ମଧ୍ୟ ବେନିଓ୍ଵାଲ ପୂର୍ବରୁ ଅନେକ ଥର ଗେହଲଟ ଓ ରାଜେଙ୍କୁ ସମାଲୋଚନା କରିଛନ୍ତି।

ନିକଟରେ ସଂସଦରେ ଗୃହୀତ କୃଷି ବିଧେୟକ ଉପରେ ନିଜର ପ୍ରତିକ୍ରିୟା ରଖି ବେନିଓ୍ଵାଲ କହିଛନ୍ତି,  ଆମେ ସମସ୍ତ ବିଲ୍‌କୁ ଭଲ ଭାବେ ପଢିଲୁ ଏବଂ ଜାଣିଲୁ ଯେ ଏହି ବିଧେୟକରେ ଚାଷୀଙ୍କ ପାଇଁ କୌଣସି ଫାଇଦା ନାହିଁ। ଯେତେବେଳେ ଏହି ବିଧେୟକ ଗୃହୀତ ହେଲା ସେହି ସମୟରେ ମୁଁ କୋଭିଡ୍-୧୯ ସଂକ୍ରମିତ ଥିଲି। ତେଣୁ ଗୃହର ଅଧିବେଶନରେ ଯୋଗ ଦେଇ ପାରିନଥିଲି।

ସେ  କହିଛନ୍ତି କେବଳ ଏମ ଏସ ସ୍ଵାମୀନାଥନ ଆୟୋଗଙ୍କ ରିପୋର୍ଟ ଲାଗୁ କଲେ ହିଁ ଚାଷୀଙ୍କ ବିକାଶ ହେବ। ମୁଁ ବି ଜଣେ ଚାଷୀର ପୁଅ।  ଯଦି ପ୍ରଧାନମନ୍ତ୍ରୀ କହୁଛନ୍ତି ଏମଏସପି ସମାପ୍ତ ହେବ ନାହିଁ, ତଥାପି କୃଷକଙ୍କୁ ସେମାନଙ୍କ ଖର୍ଚ୍ଚର ଦେଢ ଗୁଣ ଅଧିକ ରିଟର୍ଣ୍ଣ ଦିଆଯାଉ ବୋଲି ସେ କହିଛନ୍ତି।

   Related Posts