Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଚୌଦ୍ବାର ଗୋବିନ୍ଦପୁରରେ ଗୋଷ୍ଠୀ ସଂଘର୍ଷ ଘଟଣା ; ୨୦ରୁ ଅଧିକ ଲୋକଙ୍କୁ ଉଠାଇନେଲା ପୋଲିସ

19/09/2018 at 10:32 AM

କଟକ ୧୯|୯: କଟକ ଜିଲ୍ଲା ଚୌଦ୍ବାର ଗୋବିନ୍ଦପୁର ଗାଁରେ ଗୋଷ୍ଠୀ ସଂଘର୍ଷ ଘଟଣାରେ ପୋଲିସର କାର୍ଯ୍ୟାନୁଷ୍ଠାନ । ଗତକାଲି ରାତିରେ ପୋଲିସ ୨୦ରୁ ଅଧିକ ଲୋକଙ୍କୁ ଉଠାଇ ନେବା ସହିତ ଗାଁରେ ଫ୍ଲାଗମାର୍ଚ୍ଚ କରିଛି । ଗତ ରବିବାର ଜଣେ ମହିଳାଙ୍କୁ ଅଶ୍ଲିଳ ବ୍ୟବହାର କରିବାକୁ ନେଇ ଘଟିଥିଲା ଏହି ଗୋଷ୍ଠୀ ସଂଘର୍ଷ । ଗାଁର ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହୋଇଥିଲା ଯେଉଁଥିରେ ୯ରୁ ଅଧିକ ଲୋକ ଆହତ ହୋଇଥିଲେ । ଘଟଣା ପରେ ପୋଲିସ କାର୍ଯ୍ୟାନୁଷ୍ଠାନ ଭୟରେ ଗାଁ ପୁରୁଷ ଶୂନ୍ୟ ହୋଇଯାଇଥିଲା । ତେବେ ଗତକାଲି ରାତିରେ ଗାଁକୁ କିଛି ଲୋକ ଆସିଥିବା ଖବର ପାଇଁ ଚଢ଼ାଉ କରିଥିଲା ଟାଙ୍ଗୀ ଥାନା ପୋଲିସ । ରବିବାର ରାତିରେ ଗୋବିନ୍ଦପୁର ଗାଁ ମଝି ସାହିର ଝିଅ ବୋହୁ ଖୁଦୁରୁକୁଣୀ ପୂଜା କରୁଥିବା ବେଳେ ଗୋକୁଳପୁର କଂସାରୀ ସାହିର ଯୁବକ ସେହି ରାସ୍ତା ଦେଇ ଗଣେଶ ବିସର୍ଜନ ପାଇଁ ଯାଉଥିଲେ । ଝିଅ ବୋହୁଙ୍କୁ ଦେଖି ସେମାନେ ନାଚିବା ସହ ଅଶ୍ଳୀଳ କଥା ବାର୍ତ୍ତା କରିଥିଲେ । ଯାହାକୁ ବିରୋଧ କରିଥିଲେ ମଝିସାହିର ଲୋକେ । ଏହାକୁ ନେଇ ପ୍ରଥମେ ବଚସା, ପରେ କଂସାରୀ ସାହିର ଯୁବକ ମଝିସାହି ଲୋକଙ୍କୁ ଆକ୍ରମଣ କରିଥିଲେ । ୧୩ ଜଣ ଯୁବକଙ୍କ ନାଁରେ ଥାନାରେ ଅଭିଯୋଗ ହୋଇଥିଲା ।

   Related Posts