Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

୪ ଦିନ ପରେ ବି ବୋରୱେଲ ପାଇପରୁ ଉଦ୍ଧାର ହେଲାନି ୨ବର୍ଷର ଶିଶୁ : ପାଇପ ବଙ୍କା ଥିବାରୁ ଅଟକିଲା ଉଦ୍ଧାରକାର୍ଯ୍ୟ, ଆଜି ପୁଣି ତାର ଜନ୍ମଦିନ

10/06/2019 at 3:48 PM

ଚଣ୍ଡୀଗଡ଼ ୧୦/୬ : ପାଖାପାଖି ୮୦ ଘଣ୍ଟା ହେଲା ୧୫୦ ଫୁଟ ଗଭୀର ବୋରୱେଲ ଭିତରେ ପଡି ଜୀବନ ସହ ସଂଗ୍ରାମ କରୁଛି ୨ ବର୍ଷର ନିରୀହ ଶିଶୁ ଫତେହ । ଏବେ ପର୍ଯ୍ୟନ୍ତ ମଧ୍ୟ ଶିଶୁଟିକୁ ଉଦ୍ଧାର କରାଯାଇ ପାରିନାହିଁ । ଦୁଇଦିନ ହେଲା ଶିଶୁଟି ହଲଚଲ ମଧ୍ୟ ହେଉନାହିଁ । ଏପଟେ ଆଜି ଫତେହର ଜନ୍ମଦିନ ।  

ଯେଉଁ ବୋରୱେଲରେ ଫତେହ ଫସି ରହିଛି, ତାର ସାମନ୍ତରାରେ ୩ ଫୁଟ ଚଉଡା ଟନେଲ ଖୋଳି ସେଥିରେ ସିମେଣ୍ଟ ପାଇପ ଲଗାଯାଇଛି । ୧୦୦ ଫୁଟ ଗଭୀର ପର୍ଯ୍ୟନ୍ତ ପହଂଚିବା ପରେ ମାଟି ଓଦା ଥିବାରୁ ପାଇପ ଖସିଯାଇ ବଙ୍କା ହୋଇଯାଇଥିଲା । ଯେଉଁଥିପାଇଁ ଉଦ୍ଧାରକାର୍ଯ୍ୟ ବାଧାପ୍ରାପ୍ତ ହୋଇଥିଲା । ଏବେ ଟନେଲରେ ଲୁହା ପାଇପ ପକାଯିବ । ଏପଟେ ଫତେହ ହଲଚଲ ହେଉନଥିବାରୁ ଘରଲୋକଙ୍କ ଚିନ୍ତା ଆହୁରି ବଢିଯାଇଛି ।

ଅପରେସନ ଫତେହ ପାଇଁ କୌଣସି ଆଧୁନିକ ଜ୍ଞାନ କୌଶଳ ବ୍ୟବହାର ହୋଇନାହିଁ । ବରଂ ବର୍ଷ ବର୍ଷ ଧରି ଚାଲିଆସୁଥିବା ପୁରୁଣା ପଦ୍ଧତି ବ୍ୟବହାର କରାଯାଇଛି । ୧୦୦ ଫୁଟ ତଳେ ଅକ୍ସିଜେନ କମିଯିବାରୁ ଉଦ୍ଧାରକାରୀ ଦଳ ମଧ୍ୟରୁ କିଛି ସଦସ୍ୟ ଅସୁସ୍ଥ ହୋଇପଡିଥିଲେ ।

ସରକାରଙ୍କ କାର୍ଯ୍ୟଶୈଳୀକୁ ନେଇ ଏବେ ପ୍ରଶ୍ନ ଉଠିଲାଣି । ସୋସିଆଲ ମିଡ଼ିଆରେ ମଧ୍ୟ ଲୋକ ନିଜ ଆକ୍ରୋଶ ଦେଖାଇବା ଆରମ୍ଭ କଲେଣି । ମୂର୍ତ୍ତି ଏବଂ ବଡ ବଡ କୋଠାରେ କୋଟି କୋଟି ଟଙ୍କା ଖର୍ଚ୍ଚ କରୁଥିବା ସରକାର ଏହିଭଳି ବିପଦ୍ଦଜନକ ପରିସ୍ଥିତି ସହ ଲଢ଼ିବା ପାଇଁ କାହିଁକି କୌଣସି ଅଟୋ ଯନ୍ତ୍ର ରଖୁନାହାନ୍ତି ବୋଲି ଲୋକେ ପ୍ରଶ୍ନ କରୁଛନ୍ତି ।

ଫତେହ କିଭଳି ସୁରକ୍ଷିତ ଉଦ୍ଧାର ହେବ ସେଥିପାଇଁ ଲୋକେ ଭଗବାନଙ୍କ ଠାରେ ପ୍ରାର୍ଥନା କରୁଛନ୍ତି । ହଜାର ହଜାର ଲୋକ ଘଟଣାସ୍ଥଳରେ ଜଗି ରହିଛନ୍ତି । ଫତେହର ଘରଲୋକଙ୍କ ଏପଟେ କାନ୍ଦି କାନ୍ଦି ଅବସ୍ଥା ଖରାପ ହୋଇଗଲାଣି । ଧୀରେ ଧୀରେ ସେମାନେ ମଧ୍ୟ ଆଶା ଛାଡି ବସିଲେଣି । ଏବେ ସବୁ ଭଗବାନଙ୍କ ଉପରେ । ନିରୀହ ଶିଶୁଟି କିଭଳି ଶୀଘ୍ର ସୁରକ୍ଷିତ ଫେରିବ ସେଥିପାଇଁ ଭଗବାନଙ୍କ ନିକଟରେ ପ୍ରାର୍ଥନା । 

   Related Posts