ଜଳେଶ୍ବର ୨୮।୪: ବାଲେଶ୍ଵର ଜିଲ୍ଲା ସିଙ୍ଗଲା ଥାନା ସାର୍ଥା ପଞ୍ଚାୟତର ମେଘା ଗ୍ରାମରେ ଅଘଟଣ । ପୋଖରୀରେ ବୁଡି ଦୁଇ ବର୍ଷର ଝିଅର ମୃତ୍ୟୁ ହୋଇଛି ।
ସୂଚନା ଅନୁଯାୟୀ, ଭବସିନ୍ଧୁ ଘରାମୀଙ୍କ ଝିଅ ଜୟଶ୍ରୀ ଘରାମୀ ସକାଳୁ ଖେଳୁଥିବା ସମୟରେ ଅସାବଧାନତା ଯୋଗୁଁ ଗୋଡ଼ ଖସି ପୋଖରୀରେ ପଡ଼ିଯାଇଥିଲେ । କିଛି ସମୟ ପରେ ସ୍ଥାନୀୟ ଲୋକେ ଭାସୁଥିବା ଅବସ୍ଥାରେ ଶିଶୁଟିକୁ ଦେଖିବାକୁ ପାଇଥିଲେ । ଏହାପରେ ପରିବାରଲୋକ ଶିଶୁଟିକୁ ସଙ୍ଗେ ସଙ୍ଗେ ବସ୍ତା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।
