Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରଞ୍ଜିଆ : କରଞ୍ଜିଆ ବନଖଣ୍ଡ ଅଞ୍ଚଳରେ ଜଳୁଛି ଜଙ୍ଗଲ, ଫେଲ୍ ମାରିଛି ବନ ବିଭାଗର ନିଆଁ ଲିଭା ଅଭିଯାନ
  • ||
  • ଚିନ୍ତା ବଢାଉଛି କରୋନାର ବ୍ରାଜିଲ ଭାରିଏଣ୍ଟ, ରହିଛି ପୁନଃ ସଂକ୍ରମଣ କ୍ଷମତା
  • ||

ନିଶାଶକ୍ତ ଯୁବକର ଅମାନବୀୟ କାଣ୍ଡ; ୨ ବର୍ଷର ଶିଶୁ ସହ ଦୁଷ୍କର୍ମ କରି ଛାଡିଦେଲା ରେଳ ଧାରଣାରେ

18/11/2018 at 6:21 PM

ଦିଲ୍ଲୀ ୧୮/୧୧ : ଦିଲ୍ଲୀରେ ପୁଣି ଦେଖିବାକୁ ମିଳିଛି ଲଜ୍ଜା | ଜଣେ ୨ ବର୍ଷର ଶିଶୁକୁ ଦୁଷ୍କର୍ମ କରିଛି ଜଣେ ନିଶାଶକ୍ତ ୨୪ ବର୍ଷ ବୟସ୍କ ଯୁବକ | ଉତ୍ତର ଦିଲ୍ଲୀର ଏକ ଫୁଟପାଥରେ ଏକ ୨ ବର୍ଷ ବୟସ ଶିଶୁ ତା ମା ସହ ଶୋଇଥିବାବେଳେ ଜଣେ ୨୪ ବର୍ଷ ବୟସ୍କ ଯୁବକ ତାକୁ ଟେକି ନେଇଥିଲା | ଉକ୍ତ ଯୁବକ ନିଶାଶକ୍ତ ଅବସ୍ଥାରେ ଶିଶୁ ସହ ଦୁଷ୍କର୍ମ କରି ଶିଶୁକୁ ରେଳ ଧାରଣାରେ ଛାଡି ଚାଲିଯାଇଥିଲା | ଆଜି ଅଭିଯୁକ୍ତ ଯୁବକକୁ ପୋଲିସ ଗିରଫ କରିଛି |

ସୂଚନାଯୋଗ୍ୟ ଯେ, ଗତ ରାତି ପ୍ରାୟ ୨ଟା ବେଳେ ଶିଶୁର ମା ନିଜ ଝିଅକୁ ପାଇନଥିଲେ | ସେ ଆଖପାଖ ଅଂଚଳରେ ଖୋଜାଖୋଜି କରିଥିଲେ କିନ୍ତୁ ପାଇନଥିଲେ | ସକାଳେ ୧୦ଟା ବେଳେ ସେ ଝିଅର ନିଖୋଜ ଥିବା ନେଇ ପୋଲିସରେ ଏତଲା ଦେଇଥିଲେ | ଅପରାହ୍ନରେ ପୋଲିସ ଖବର ପାଇଥିଲା ଯେ, ଏକ ଶିଶୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଛି | ପୋଲିସ ହସ୍ପିଟାଲରେ ଯାଇ ପହଞ୍ଚିଥିଲା | ତେବେ ସେହି ଶିଶୁଟି ମହିଳାଙ୍କ ନିଖୋଜ ଥିବା ଶିଶୁ ବୋଲି ଜଣାପଡିଥିଲା | ଶିଶୁର ଡାକ୍ତରୀ ମାଇନା ପରେ ଜଣାପଡିଥିଲା ଯେ, ଶିଶୁ ସହ ଦୁଷ୍କର୍ମ କରାଯାଇଛି | ଏହା ପରେ ଅଭିଯୁକ୍ତ ତାକୁ ରେଳ ଧାରଣା ପାଖରେ ଛାଡି ଚାଲିଯାଇଥିଲା | ଶିଶୁ ବର୍ତ୍ତମାନ ଗୁରୁତର ଅବସ୍ଥାରେ ଚିକିତ୍ସା ହେଉଛି |

ଘଟଣା ପରେ ପୋଲିସ ଆଖପାଖ ଅଂଚଳର ସିସିଟିଭି ଫୁଟେଜ ଯାଞ୍ଚ କରିଥିଲା | ସିସିଟିଭି ଫୁଟେଜ ଯାଞ୍ଚ କରି ପୋଲିସ ଅଭିଯୁକ୍ତକୁ ଧରିବାରେ ସକ୍ଷମ ହୋଇଥିଲା |

ଅଭିଯୁକ୍ତ ଦୁଷ୍କର୍ମକାରୀ ବାହାଘର ଶୀଜନରେ ୱେଟର କାମ କରେ | ତେବେ ୩ ମାସ ପୂର୍ବରୁ ସେ ଚୋରି ଅଭିଯୋଗରେ ଗିରଫ ହୋଇଥିଲା |

   Related Posts