ବିଦ୍ୟୁତ ଆଘାତରେ ଦୁଇ ଯା ମୃତ
Published By : Prameya-News7 Bureau | September 19, 2018 IST
ଭୁବନେଶ୍ୱର ୧୯/୯ : ଭୁବନେଶ୍ୱର ୟୁନିଟ-୯ ବାୟାବାବା ମଠ ଗଳିରେ ଗୋଟିଏ ପରିବାରର ଦୁଇ ଯା ବିଦ୍ୟୁତ୍ ଆଘାତରେ ପ୍ରାଣ ହରାଇଛନ୍ତି । ପ୍ରଥମେ ଜଣେ ମହିଳା ଜ୍ୟୋତ୍ସ୍ନା ବେହେରା ଲୁଗା ସୁଖାଇବାକୁ ଯାଇଥିବା ବେଳେ ବିଦ୍ୟୁତ୍ ସଂସ୍ପର୍ଶରେ ଆସିଥିଲେ । ତାଙ୍କୁ ବଞ୍ଚାଇବା ଧାଇଁଯାଇଥିଲେ ଯା’ ପ୍ରତିମା ବେହେରା । ଆଉ ସେ ମଧ୍ୟ ବିଦ୍ୟୁତ୍ ଆଘାତର ଶିକାର ହୋଇଥିଲେ । ଆର୍ଥିଂ ତାରରେ ଲୁଗା ସୁଖାଇବାକୁ ଯାଇ ଅସାବଧାନତା ଯୋଗୁଁ ଅକାଳରେ ଚାଲିଯାଇଛି ଦୁଇ ଦୁଇଟି ଜୀବନ । ଘଟଣାସ୍ଥଳରେ ସହିଦ ନଗର ପୋଲିସ ପହଞ୍ଚି ମୃତଦେହକୁ ପୋଷ୍ଟମର୍ଟମ ପାଇଁ କ୍ୟାପିଟାଲ ହସପିଟାଲ ପଠାଇଛି ।