ଲଣ୍ଡନ,୧୦/୦୧: ବାର୍ରେ ହାତାହାତି ହେଲେ ୨ ମହିଳା । ପରସ୍ପର ଉପରେ ଫିଙ୍ଗିଲେ କାଚ ଗ୍ଲାସ । ରକ୍ତାକ୍ତ ମଧ୍ୟ ହେଲେ । ଏହି ଘଟଣାରେ ଉଭୟ ମହିଳାଙ୍କୁ କୋର୍ଟ ଜେଲଦଣ୍ଡ ଶୁଣାଇଛନ୍ତି । କିରକିଡାଲେର ଦି କ୍ଲକ୍ ପବରେ ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି ।
ସୂଚନାନୁସାରେ, କ୍ଲେୟାର ବିରେନ୍ ଓ ପାଉଲା ବ୍ରିନ୍ ନାମକ ୨ ଜଣ ମହିଲା ଦି କ୍ଲକ୍ ବାରକୁ ଶୁକ୍ରବାର ରାତି ୧୦ଟା ୩୦ରେ ଆସିଥିଲେ । ଏହାପରେ ଉଭୟଙ୍କ ମଧ୍ୟରେ କୌଣସି କାରଣରୁ ବଚସା ହୋଇଥିଲା ।ଏହା ଧିରେଧିରେ ଉଗ୍ରରୂପ ଧାରଣ କରିଥିଲା । କଥା ହାତାହାତି ଯାଏଁ ଯାଇଥିଲା । ଏହାପରେ ଉଭୟ ଧରିଥିବା କାଚ ଗ୍ଲାସରେ ପରସ୍ପରକୁ ଆକ୍ରମଣ କରି ମୁଣ୍ଡ ଫଟାଇ ଦେଇଥିଲେ । ଏହି ସମସ୍ତ ଦୃଶ୍ୟ ସେଠାରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଛି । ଏହି ଘଟଣା ପରେ ଉଭୟଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା ।
ତେବେ ଏନେଇ ସେମାନେ ଲିଭରପୁଲ୍ କୋର୍ଟର ଦ୍ୱାରସ୍ଥ ହୋଇଥିଲେ । କୋର୍ଟ ମାମଲାର ଶୁଣାଣି କରି ବ୍ରିନଙ୍କୁ ୧୦ ମାସ ଓ ବିରେନଙ୍କୁ ୧୨ ମାସର ଜେଲ୍ ଦଣ୍ଡ ଶୁଣାଇଛନ୍ତି । ଗ୍ଲାସକୁ ଅସ୍ତ୍ର ଭାବେ ବ୍ୟବହାର କରିଥିବାରୁ ଏହି ଦଣ୍ଡ ଦିଆଯାଇଥିବା ଜଜ୍ ଗ୍ୟାରୀ ଉଡହାଲ୍ କହିଛନ୍ତି ।
ଭିଡିଓରେ ସ୍ପଷ୍ଟ ଭାବେ ଦେଖିବାକୁ ମିଳିଛି ଯେ, ବ୍ରିନ୍ ଏକ ଟେବୁଲରେ ବସିଥିଲେ । ବିରେନ୍ ସେହି ଟେବୁଲରୁ ଏକ ଚେୟାର ନେବାକୁ ଉଦ୍ୟମ କରୁଥିଲେ । ଏହାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲେ । ପରେ ଉଭୟ. ପରସ୍ପରକୁ ଗ୍ଲାସରେ ଆକ୍ରମଣ କରିଥିଲେ । ଏବେ କୋର୍ଟ ମାମଲାର ଶୁଣାଣି କରି ଉଭୟଙ୍କୁ ଜେଲ୍ ଦଣ୍ଡ ଶୁଣାଇଛନ୍ତି ।
