ବାଲିପାଟଣା, ୧୪|୦୮ : ଖୋର୍ଦ୍ଧା ଜିଲ୍ଲା ବାଲିଅନ୍ତା ଥାନା ମହାତ୍ମା ଗାନ୍ଧି ସେତୁ ଉପରୁ ବିପୁଳ ପରିମାଣର ବିଦେଶୀ ମଦ ଜବତ ହୋଇଛି । ଏହି ଘଟଣାରେ ଦୁଇ ଜଣ ମଦ ବେପାରୀଙ୍କୁ ଗିରଫ କରାଯାଇଛି ।
ଗିରଫ ଦୁଇ ମଦ ବେପାରୀ ହେଲେ କଟକ ସଦର ଥାନା ଇଶ୍ଵରପୁର ଗ୍ରାମର ସମରେନ୍ଦ୍ର ସାହୁ ଏବଂ ବାଲିଅନ୍ତା ଥାନା ଜୟରଶାସନ ଗ୍ରାମର ଅଶୋକ ଦାସ । ଏକ ଓଆର ୦୫-ଏକ୍ସ-୦୯୨୭ ନମ୍ବର ବିଶିଷ୍ଟ ଇଣ୍ଡିକା କାରରେ ବିଦେଶୀ ମଦ ଯାଉଥିବା ବାଲିଅନ୍ତା ପୋଲିସ୍ ଜାଣିବାକୁ ପାଇଥିଲା । ପୂର୍ବ ଯୋଜନା ଅନୁଯାୟୀ ମହାତ୍ମାଗାନ୍ଧି ସେତୁ ଉପରେ କାର୍ ଅଟକାଇ ସର୍ଚ୍ଚ ବେଳେ ପ୍ରାୟ ୯୮ ଲିଟର ବିଭିନ୍ନ ବ୍ରାଣ୍ଡର ବିଦେଶୀ ମଦ ଜବତ ହୋଇଥିଲା । ଉକ୍ତ କାର୍ ଜବତ କରିବା ସହ ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ବାଲିଅନ୍ତା ପୋଲିସ୍ ।
