Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

‘ଦୁଇ ସପ୍ତାହ ଗୁରୁତ୍ଵପୂର୍ଣ୍ଣ, ଆମକୁ କରୋନା ଠାରୁ ୧୫ ଦିନର ମହଲତ ନେବାକୁ ହେବ’

1/04/2020 at 5:05 PM

ଭୁବନେଶ୍ଵର ୦୧।୦୪:  ରାଜ୍ୟରେ କରୋନା ସ୍ଥିତି ନିୟନ୍ତ୍ରଣରେ ଥିଲେ ବି ଆହୁରି ଅଧିକ ସାବଧାନତା ଲୋଡା। ବିଶେଷ କରି ସାମାଜିକ ଦୂରତା ଅଧିକ ଗୁରୁତ୍ଵପୂର୍ଣ୍ନ ଏବଂ ଯଥା ସମ୍ଭବ ଘରୁ ନବାହାରିବା ଦରକାର।  ବୁଧବାର ଦୈନିକ ସାମ୍ବାଦିକ ସମ୍ମିଳନୀରେ ଏହା କହିଛନ୍ତି ସରକାରଙ୍କ ମୁଖପାତ୍ର ସୁବ୍ରତ ବାଗଚୀ। ତେବେ ସାମ୍ବାଦିକ ସମ୍ମିଳନୀର ଆରମ୍ଭରେ କରୋନା ମୁକାବିଲା ପାଇଁ ରାଜ୍ୟ ସରକାରଙ୍କ ଦ୍ଵାର ଗଠିତ ଷ୍ଟେଟ୍ ଲିଭେଲ ମନିଟରିଂ ୟୁନିଟ୍ ଅନ ଗୁଡ୍ସ ଆଣ୍ଡ ସର୍ଭିସେସ୍‌ର ମୁଖ୍ୟ ତଥା ଜଳ ସଂପଦ  ବିଭାଗର ପ୍ରମୁଖ ଶାସନ ସଚିବ ସୁରେନ୍ଦ୍ର କୁମାର ରାଜ୍ୟରେ ଯୋଗାଣ ବ୍ୟବସ୍ଥାର କାର୍ଯ୍ୟକାରିତା ନେଇ ତଥ୍ୟ ରଖିଥିଲେ। ଜରୁରୀକାଳୀନ ଭିତ୍ତିରେ ତଥା ସୁଷମ ବଣ୍ଟନ ଓ ଯୋଗାଣ ପଦ୍ଧତିରେ ଜରୁରୀ ତଥା ଅତ୍ୟାବଶ୍ୟକ ସାମଗ୍ରୀରର ବିତରଣ ଉପରେ ସରକାର କଡା ନଜର ସହ ତାହାକୁ ସୁବ୍ୟବସ୍ଥିତ କରିବାକୁ ସମସ୍ତ ଉଦ୍ୟମ ଜାରି ରଖିଥିବା ପ୍ରକାଶ କରିଛନ୍ତି।

ସେ କହିଛନ୍ତି ଯେ ମୁଖ୍ୟମନ୍ତ୍ରୀଙ୍କ ଅନୁରୋଧରେ ମାଲବୋଝେଇ ଟ୍ରକ ଓ ଯାନର ଅବାଧ ଚଳାଚଳ ନେଇ କେନ୍ଦ୍ର ସରକାର ସହଯୋଗ କରୁଛନ୍ତି। ଏପରି  ସ୍ଥିତିରେ ଖାଉଟିମାନେ କୌଣସି ଆଶଙ୍କାରେ ନରହିବାକୁ କହିବା  ସହ ଲକ୍‌ଡାଉନ୍‌ ନିୟମକୁ କଡାକଡି ପାଳନ କରି ସାମାଜିକ ଦୂରତ୍ଵ ନିୟମକୁ ପାଳନ କରିବା ଲାଗି ପୁଣି ଥରେ ଆହ୍ଵାନ କରିଛନ୍ତି ସୁରେନ୍ଦ୍ର କୁମାର।

ଆମ ରାଜ୍ୟ ଓଡିଶାରେ କରୋନା ସ୍ଥିତି ନେଇ ସୂଚନା ଦେଇ ଶ୍ରୀ ବାଗ୍‌ଚୀ କହିଛନ୍ତି ବର୍ତ୍ତମାନ ସୁଦ୍ଧା ପରୀକ୍ଷା କରାଯାଇଥିବା ୬୧୦ ନମୂନାର ୪ଟି ପଜିଟିଭ୍ ଆସିଛି। ପ୍ରଥମ ଦୁଇ ଜଣ ରୋଗୀଙ୍କ ସଂସ୍ପର୍ଶରେ ୫୫ ଜଣ ଆସିଥିବା ବେଳେ ତୃତୀୟ ସଂକ୍ରମିତଙ୍କ ସହ ୧୧୨ ଜଣ ଏବଂ ଚତୁର୍ଥ ସଂକ୍ରମିତଙ୍କ ସହ ସାତ ଜଣ ସଂପର୍କରେ ଆସିଥିଲେ। ତେବେ ଆଜିର ବର୍ତ୍ତମାନ ୮୮ ଜଣ ସଙ୍ଗରୋଧରେ ଅଛନ୍ତି। ୧୦୪ ନମ୍ବରରେ ୧୫ ହଜାର ୪୫ ଜଣ ରେଜିଷ୍ଟ୍ରେସନ କରିଥିବା ବେଳେ ସେଥିରୁ ବିଦେଶ ଫେରନ୍ତା ସଂଖ୍ୟା ୪୩୩୨।

ଚତୁର୍ଥ କରୋନା ପଜିଟିଭ୍ ୧୮ରେ ଫେରିଥିଲେ ଦୁବାଇରୁ

ଚତୁର୍ଥ ସଂକ୍ରମିତ ଦୁବାଇରେ କାର୍ଯ୍ୟ କରୁଥିବା ଜଣେ ଓଡିଆ ପ୍ରଫେସନାଲ। ୧୮ ତାରିଖରେ ସେ ଦୁବାଇରୁ କୋଲକାତା ଏମିରେଟ୍ସ ବିମାନରେ ଆସିଥିଲେ। କୋଲାକତାରୁ ହାଓ୍ଵାଡା ଷ୍ଟେସନକୁ ଏକ ଟ୍ୟାକ୍ସିରେ ଯାଇଥିଲେ। ସେଠାରୁ ସେ ଇଷ୍ଟକୋଷ୍ଟ ଏକ୍ସପ୍ରେସର ବଗି ଏସ ୧୧ରେ  ଭଦ୍ରକ ଷ୍ଟେସନକୁ ଆସିଥିଲେ। ଷ୍ଟେସନରୁ ଘରକୁ ଅଟୋ ଯୋଗ ଆସିଥିଲେ ଏବଂ ଘରେ ସଙ୍ଗରୋଧରେ ଥିଲେ। ୩୦ ତାରିଖ ଦିନ ତାଙ୍କ ନମୂନା ପରୀକ୍ଷା ପାଇଁ ଯାଇଥିଲା ଏବଂ ୩୧ ତାରିଖ ଦିନ ଏହା ପଜିଟିଭ୍ ଆସିଥିଲା।

ଏହି ସୂଚନା ସହ କରୋନା ବିରୋଧୀ ଯୁଦ୍ଧ ଲାଗି ଆସନ୍ତା ଦୁଇ ସପ୍ତାହ ସବୁଠୁ ଗୁରୁତ୍ଵପୂର୍ଣ୍ଣ ବୋଲି ଶ୍ରୀ ବାଗ୍ଚୀ କହିଛନ୍ତି। ଏଥିପାଇଁ କରୋନାଠାରୁ ୧୫ ଦିନର ମହଲତ ନେବାକୁ ଆହ୍ଵାନ କରିଛନ୍ତି। ପୁଣି ଥରେ କରୋନା ମୁକାବିଲା ଯୁଦ୍ଧରେ ସହଯୋଗ ଲାଗି ସମସ୍ତଙ୍କୁ ଧନ୍ୟବାଦ ଦେବା ସହ ଏହାକୁ ଅଧିକ କୋଠର ଓ କଡା କରିବାକୁ ଘରୁ ନବାହାରିବାକୁ ଏବଂ ସାମାଜିକ ଦୂରତା ନିୟମ କଡା କଡି ଭାବେ ପାଳନ କରିବାକୁ ସେ ଆହ୍ଵାନ କରିଛନ୍ତି।

   Related Posts