Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ହୋଲି ପୂର୍ବରୁ ୨ ହିନ୍ଦୁ ନାବାଳିକାଙ୍କୁ ଅପହରଣ କରି ଜୋର ଜବରଦସ୍ତ ମୁସଲମାନ ଧର୍ମକୁ ପରିବର୍ତ୍ତନ: ରିପୋର୍ଟ ମାଗିଲେ ସୁଷମା

24/03/2019 at 5:26 PM

ଦିଲ୍ଲୀ ୨୪/୩ : ହୋଲିର ଗୋଟିଏ ଦିନ ପୂର୍ବରୁ ପାକିସ୍ତାନରେ ୨ ହିନ୍ଦୁ ନାବାଳିକାଙ୍କୁ ଅପହରଣ କରି ଜୋର ଜବରଦସ୍ତ ଧର୍ମ ପରିବର୍ତ୍ତନ କରି ମୁସଲମାନ କରାଯାଇଛି | ଭାରତର ବୈଦେଶିକ ମନ୍ତ୍ରୀ ସୁଷମା ସ୍ୱରାଜ ଏହି ମାମଲାରେ ପାକିସ୍ତାନରେ ଥିବା ଭାରତୀୟ ହାଇ କମିଶନରଙ୍କୁ ରିପୋର୍ଟ ମାଗିଛନ୍ତି | ପାକିସ୍ତାନ ସରକାର ସୁଷମା ସ୍ୱରାଜଙ୍କ ଟ୍ୱିଟକୁ ନେଇ ପ୍ରତିକ୍ରିୟା ରଖିଛନ୍ତି |


ଘଟଣା ସିନ୍ଧୁର ଘୋଟକି ଜିଲ୍ଲାର ଢର୍କି ଟାଉନ ଅଂଚଳର | ଘଟଣାକୁ ନେଇ ହିନ୍ଦୁ ସମ୍ପ୍ରଦାୟ ବିରୋଧ ପ୍ରଦର୍ଶନ କରିଛନ୍ତି | ଅଭିଯୁକ୍ତଙ୍କ ବିରୋଧ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବି କରିଛନ୍ତି ହିନ୍ଦୁ ସମ୍ପ୍ରଦାୟ |


ପାକିସ୍ତାନର ହିନ୍ଦୁ ସେବା ୱେଲଫେୟାର ଟ୍ରଷ୍ଟର ଅଧ୍ୟକ୍ଷ ସଂଜେସ ଧଂଜା କହିଛନ୍ତି ଯେ, ୧୩ ବର୍ଷର ରବିନା ଏବଂ ୧୫ ବର୍ଷର ରୀନାଙ୍କୁ ଅପହରଣ କରାଯାଇ ଜୋର ଜବରଦସ୍ତି ମୁସଲମାନ ଧର୍ମରେ ପରିବର୍ତ୍ତନ କରାଯାଇଛି | ସେ କହିଛନ୍ତି ଯେ, ବିରୋଧ ପ୍ରଦର୍ଶନ କରାଯିବା ପରେ ପୋଲିସ ମାମଲା ରୁଜ୍ଜୁ କରିଛି | ଅପରପକ୍ଷରେ ସୁଷମା ସ୍ୱରାଜଙ୍କ ଟ୍ୱିଟ ପରେ ପାକିସ୍ତାନର ସୂଚନା ଏବଂ ପ୍ରସାରଣ ମନ୍ତ୍ରୀ ଫଵାଦ ହୁସେନ ଆପତ୍ତି ଦର୍ଶାଇଛନ୍ତି |


ଜବାବରେ ସେ କହିଛନ୍ତି ଯେ, ଏହା ପାକିସ୍ତାନର ଅତିରିକ୍ତ ମାମଲା | ମୋଦିଙ୍କ ଭାରତ ଭଳି ପାକିସ୍ତାନରେ ସଂଖ୍ୟା ଲଘୁ ଗୋଷ୍ଠୀଙ୍କୁ ଚାପି ରଖାଯାଉନାହିଁ | ଏହା ଇମ୍ରାନ ଖାନଙ୍କ ନୂଆ ପାକିସ୍ତାନ ବୋଲି କହିଛନ୍ତି ଫଵାଦ ହୁସେନ | ସୁଷମାଙ୍କୁ ନିଶ୍ଚିନ୍ତ ହୋଇ ରହିବାକୁ କହିଛନ୍ତି ହୁସେନ | ସେ ଆହୁରି କହିଛନ୍ତି ଯେ, ଭାରତରେ ମଧ୍ୟ ସଂଖ୍ୟା ଲଘୁ ଗୋଷ୍ଠୀଙ୍କ ଅଧିକାର ପାଇଁ ସେ ଏହିଭଳି ଆଗକୁ ଆସି ଲଢନ୍ତୁ ବୋଲି କହିଛନ୍ତି ହୁସେନ |

ସୂଚନାଯୋଗ୍ୟ ଯେ, ପାକିସ୍ତାନରେ ୭୫ ଲକ୍ଷ ହିନ୍ଦୁ ରହୁଛନ୍ତି | କିନ୍ତୁ ହିନ୍ଦୁ ସମ୍ପ୍ରଦାୟ ଅନୁସାରେ ପାକିସ୍ତାନରେ ୯୦ ଲକ୍ଷରୁ ଅଧିକ ହିନ୍ଦୁ ଅଛନ୍ତି | ପାକିସ୍ତାନର ଅଧିକାଂଶ ଜନସଂଖ୍ୟା ସିନ୍ଧୁ ଉପତ୍ୟକା ପ୍ରାନ୍ତରେ ବସବାସ କରୁଛି | ସେଠାରେ ସେମାନେ ନିଜ ମୁସଲମାନ ବନ୍ଧୁମାନଙ୍କ ସହ ସଂସ୍କୃତି, ପରମ୍ପରା ଏବଂ ଭାଷା ସହିତ ଜଡିତ |

   Related Posts