Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : କପିଳାଶ ଜାଗର ଯାତ୍ରା ପାଇଁ କଟକଣା, ଜିଲ୍ଲା ବାହାର ଭକ୍ତଙ୍କୁ ମନା, ଜିଲ୍ଲାବାସୀଙ୍କ କୋଭିଡ୍ ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • କଟକ : ରାଜ୍ୟରେ ପୁଣି ବଢିଲା ବସ୍ ଭଡା, ସାଧାରଣ ଓ ଏକ୍ସପ୍ରେସ କିଲୋମିଟର ପିଛା ୫ପଇସା, ଡିଲକ୍ସ ଓ ଏସି ଡିଲକ୍ସ ୧୦ପଇସା ବୃଦ୍ଧି
  • ||
  • ଧର୍ମଗଡ : ବାଇକ୍ ଉପରେ ମାଡିଗଲା ବସ୍, ଘଟଣାସ୍ଥଳରେ ୩ ମୃତ
  • ||
  • ସାନଖେମୁଣ୍ଡି : ବାରହା ଆକ୍ରମଣରେ ୭ ଆହତ, ଗ୍ରାମବାସୀ ଭୟଭୀତ
  • ||
  • ରାଉରକେଲା : ଶିଶୁପାଳ ହୋଇ ଫେରିଲା ବର, ଅଧାରୁ ବନ୍ଦ ହେଲା ବାଲ୍ୟ ବିବାହ
  • ||
  • ଆଠଗଡ : ସରିଯାଉଛି ଟୋକନ ଅବଧି, ମଣ୍ଡିରୁ ଉଠୁନି ଧାନ, ପ୍ରତିବାଦରେ ଚାଷୀଙ୍କ ରାସ୍ତା ଅବରୋଧ
  • ||
  • ଭଦ୍ରକ : ଅଷ୍ଟପ୍ରହରୀ ଚାନ୍ଦା ପାଇଁ ଗଛରେ ବାନ୍ଧି ନିସ୍ତୁକ ମାଡ ଅଭିଯୋଗ, ଥାନାରେ ଏତଲା
  • ||
  • ନୀଳଗିରି : ନୀଳଗିରି ସହରରେ ବୁଲୁଛି ଭାଲୁ, ଲୋକେ ଭୟଭୀତ
  • ||
  • ରାଉରକେଲା : ଛାତ୍ରଙ୍କ ନାଁରେ ଜିଏସଟି ଠକେଇ ଅଭିଯୋଗ, ୩୮କୋଟି ଟଙ୍କାର ଠକେଇ ନେଇ ନୋଟିସ୍
  • ||
  • ସାନଖେମୁଣ୍ଡି : ଥାନାଠାରୁ ୧ କି.ମି. ଦୂରରେ ଚାଲିଥିଲା ବେଆଇନ ବିଦେଶୀ ମଦ ବିକ୍ରି, ଚଢାଉ କରି ନଷ୍ଟ କଲା ପୋଲିସ
  • ||

ଯୁବତୀଙ୍କୁ ଦୁଷ୍କର୍ମ କଲେ ଦୁଇ ପୋଲିସ୍ କର୍ମଚାରୀ : ଘଟଣାସ୍ଥଳରେ ଉତ୍ତେଜନା

17/02/2020 at 2:04 PM

ଗୋରଖପୁର ୧୭/୨: ଉତ୍ତରପ୍ରଦେଶର ଗୋରଖପୁରରୁ ଏକ ଚାଞ୍ଚଲ୍ୟକର ଘଟଣା ସାମନାକୁ ଆସିଛି। ଏଠାରେ ଜଣେ ମହିଳା ଦୁଇ ଜଣ ପୋଲିସ କର୍ମଚାରୀଙ୍କ ବିରୋଧରେ ଦୁଷ୍କର୍ମ ଅଭିଯୋଗ କରିଛନ୍ତି। ସେ ଅଭିଯୋଗ କରିଛନ୍ତି ଯେ ଦୁଇ ପୋଲିସ୍ କର୍ମଚାରୀ ତାଙ୍କୁ ଅପହରଣ କରିଥିଲେ। ପୋଲିସ୍ କର୍ମଚାରୀଙ୍କ ବିରୋଧରେ ଦୁଷ୍କର୍ମ ଅଭିଯୋଗ ଯୋଗୁଁ ପ୍ରଶାସନିକ ସ୍ତରରେ ହଇଚଇ ସୃଷ୍ଟି ହୋଇଛି। ପୀଡ଼ିତା ଯୁବତୀ ଅଭିଯୋଗ କରିଛନ୍ତି ଯେ ଦୁଇ ପୋଲିସ୍ କର୍ମଚାରୀ ତାଙ୍କୁ ଘଣ୍ଟା ଘଣ୍ଟା ଧରି ବନ୍ଧକ ରଖିଥିଲେ। ଏହି ଘଟଣା ସାମନାକୁ ଆସିବା ପରେ ପୋଲିସ୍ ସକ୍ରିୟ ହୋଇଥିଲା ଏବଂ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା।

ଯୁବତୀଙ୍କ କହିବା ଅନୁସାରେ ସେ ପିଲାଙ୍କୁ ପାଠ ପଢ଼ାନ୍ତି। ସେ କହିଥିଲେ ଯେ ସେ ନିଜ ଭଉଣୀଙ୍କ ଘରୁ ରାତିରେ ତାଙ୍କ ଘରକୁ ଯିବା ପାଇଁ ବାହାରିଥିଲେ। ସେହି ସମୟରେ ରାସ୍ତାରେ ଦୁଇ ଜଣ ପୋଲିସ୍ କର୍ମଚାରୀ ତାଙ୍କୁ ଅଟକାଇ ତାଙ୍କୁ ନିଜ ବାଇକରେ ବସାଇଥିଲେ ଏବଂ ଏହା ପରେ ତାଙ୍କୁ ରେଲଓ୍ବେ ଷ୍ଟେସନ ପାଖରେ ଏକ ହୋଟେଲ୍ ରୁମରେ ନେଇ ୩ଘଣ୍ଟା ବନ୍ଧକ ରଖିଥିଲେ। ସେଠାରେ ସେମାନେ ପୀଡ଼ିତାଙ୍କୁ ମାରପିଟ କରିବା ସହ ଦୁଷ୍କର୍ମ କରିଥିଲେ।

ଯୁବତୀଙ୍କ କହିବା ଅନୁସାରେ ଅଭିଯୁକ୍ତମାନେ ତାଙ୍କୁ ରାତି ୧ଟାରେ ଛାଡ଼ିଥିଲେ। ଏହା ପରେ ସେ ଅଟୋରେ ଘରକୁ ଫେରିଥିଲେ। ଚିକିତ୍ସା ପାଇଁ ଯୁବତୀଙ୍କୁ ଜିଲ୍ଲା ହସ୍ପିଟାଲକୁ ନିଆଯିବାରୁ ସେଠାରେ ଭିଡ଼ ଜମି ଯାଇଥିଲା। ଏହା ପରେ ତୁରନ୍ତ ସେଠାରେ ପୋଲିସ୍ ପହଞ୍ଚି ତଦନ୍ତ ଆରମ୍ଭ କରିଥିଲେ। ତଦନ୍ତ ପାଇଁ ପୋଲିସ୍ ଯୁବତୀ ସହ ସେହି ହୋଟେଲ ରୁମକୁ ମଧ୍ୟ ଯାଇଥିଲା। ସେଠାରେ ଉପସ୍ଥିତ ଥିବା ଗାର୍ଡ଼ ସହ ମଧ୍ୟ ପୋଲିସ୍ ପଚରାଉଚୁରା କରିଥିଲା।

   Related Posts