ନୂଆଦିଲ୍ଲୀ, ୩୧|୦୫: ମହାରାଷ୍ଟ୍ର ପରେ ଦିଲ୍ଲୀ ପୋଲିସ କର୍ମୀ ଓ ଯବାନମାନେ ସବୁଠାରୁ ଅଧିକ ପ୍ରଭାବିତ ହୋଇଛନ୍ତି । ରବିବାରରେ ୨ଜଣ ପୋଲିସ କର୍ମୀ କରୋନା ସଂକ୍ରମିତ ହୋଇ ପ୍ରାଣ ହରାଇଛନ୍ତି । ସୁଲତାନପୁରୀ ଥାନାରେ କାର୍ଯ୍ୟରତ୍ତ ଏଏସଆଇ ବିକ୍ରମ କରୋନାରେ ପ୍ରାଣ ହରାଇଛନ୍ତି । ଟେଷ୍ଟ୍ ରିପୋର୍ଟ ପଜିଟିଭ୍ ଆସିବା ପରେ ତାଙ୍କୁ ଆର୍ମୀ ବେସ୍ ହସ୍ପିଟାଲରେ ଭର୍ତ୍ତି କରାଯାଇଥିଲା ।

ଏହାପୂର୍ବରୁ ରବିବାର ସକାଲେ ଜଣେ ଏଏସଆଇ କରୋନା ଭାଇରସ୍ ଦ୍ୱାରା ଜୀବନ ହାରିଥିଲେ । ଏହାକୁ ମିଶାଇ ଦିଲ୍ଲୀର ପୋଲିସର ଏବେସୁଦ୍ଧା ୩ଜଣ ଅଫିସରଙ୍କ ଜୀବନ କରୋନା ନେଲାଣି ।

wp:html

Delhi Police family mourns the loss of 2 brave police officers in our fight against Corona pandemic despite best efforts to save them. We pay homage to ASIs Vikram and Shesh Mani Pandey and may their souls rest in peace. We are committed to providing all help to their families. https://t.co/BfLpGa3jmy

— CP Delhi #DilKiPolice (@CPDelhi) May 31, 2020

/wp:html

ରବିବାର ୫୪ ବର୍ଷର ଏଏସଆଇ ବିକ୍ରମ ସୁଲତାନପୁରୀ ଥାନାରେ କାର୍ଯ୍ୟରତ ଥିଲେ । ସ୍ୱାସ୍ଥ୍ୟ ଖରାପ ହେବା ପରେ ତାଙ୍କୁ ମେ ୨୮ରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାଙ୍କର କରୋନା ଟେଷ୍ଟ୍ କରାଯାଇଥିଲା । ମେ ୨୯ରେ ତାଙ୍କର ରିପୋର୍ଟ ପଜିଟିଭ୍ ଆସିଥିଲା । ଚିକିତ୍ସିତ ହେଉଥିବା ବେଳେ ତାଙ୍କର ମୃତ୍ୟୁ ଘଟିଛି । ସେ ମୋଟରସାଇକେଲ୍ ପେଟ୍ରୋଲିଂ କରୁଥିଲେ ।

ସେହିପରି ଆଜି ସକାଳେ ଏଏସଆଇ ଶୋଷମଣି ପାଣ୍ଡେୟ କରୋନା ସଂକ୍ରମିତ ହୋଇ ପ୍ରାଣ ହରାଇଛନ୍ତି । ସେ ଫିଙ୍ଗର୍ ପ୍ରିଣ୍ଟ୍ ଏକ୍ସପର୍ଟ୍ ଥିଲେ । ମେ ୨୬ରେ ତାଙ୍କର କରୋନା ରିପୋର୍ଟ ପଜିଟିଭ୍ ଆସିଥିଲା । ତାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ଆର୍ମୀ ହସ୍ପିଟାଲରେ ଭର୍ତ୍ତି କରାଯାଇଥିଲା ।