Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ଗିରଫ ହେଲେ ୨ ହାର୍ଡକୋର୍ ପିଏଲଏଫଆଇ ସଦସ୍ୟ, ଟଙ୍କା ଓ ବନ୍ଧୁକ ଜବତ

18/09/2020 at 4:05 PM

ସୁନ୍ଦରଗଡ, ୧୮|୦୯ :  ପୋଲିସ ଜାଲରେ ପିଏଲଏଫଆଇର  ୨ ହାର୍ଡକୋର୍ ସଦସ୍ୟ । ପିଏଲଏଫଆଇ ବାଦସାହ ଗ୍ରୁପର ଏହି ୨ ଜଣ ସଦସ୍ୟ ଙ୍କୁ ଗିରଫ କରିଛି ପୋଲିସ । ସେମାନଙ୍କଠାରୁ କାରବାଇନ, ୭ଟି ଦେଶୀ ସିଙ୍ଗିଲ୍ ସଟ୍ ବନ୍ଧୁକ, ଗୋଟିଏ ଡବଲ୍ ସଟ୍ ଦେଶୀ ବନ୍ଧୁକ ଓ ୨ ଟି ଜୀବନ୍ତ ଗୁଳି ଜବତ ହୋଇଛି ।

ଏହାସହ ସେମାନଙ୍କଠୁ ୪ ଲକ୍ଷ ୮୭ ହଜାର ନଗଦ ଟଙ୍କା ଜବତ କରାଯାଇଛି ।  ରାଇବଗା ଓ ବୀରମିତ୍ରପୁର ଥାନାରେ ଉଭୟଙ୍କ ନାରେ ଥିଲା ୭ଟି ମାମଲା । ହତ୍ୟା, ଡକାୟତି, ଗୋ ଚାଲାଣ ତଥା ଅନ୍ୟାନ୍ୟ ଗୁରୁତର ମାମଲାରେ ସଂଶ୍ଲିଷ୍ଟ ଏହି ଦୁଇ ସଦସ୍ୟ ହେଲେ ରାଜୁ କିଣ୍ଡୋ ଏବଂ ତାର ସହଯୋଗୀ । ପୋଲିସ ଅନେକ ଦିନ ଧରିସେମାନଙ୍କୁ ସନ୍ଧାନ କରୁଥିଲା ।

ରାଜୁ କିଣ୍ଡୋ ରାଇବଗା ଥାନା କାଦୋବାହାଲ ଗାଁରେ ଲୁଚି ରହିଥିବା ଖବର ପାଇ ପୋଲିସ ଗୁରୁବାର ବିଳମ୍ବିତ ରାତିରେ ଚଢ଼ଉ କରିଥିଲା । ପୋଲିସକୁ ହଠାତ ଦେଖି ରାଜୁ କିଣ୍ଡୋ ରାଇବଗା ଏଏସଆଇ ସୁନ୍ଦରମଣି ନାଏକଙ୍କ ଉପରେ ଗୁଳି ଚଳାଇଥିଲେ । ପୋଲିସ ପକ୍ଷରୁ କୌଣସି ପାଲଟା ଗୁଳି ଚାଳନା ହୋଇନଥିଲେ ମଧ୍ୟ ଡିଭିଏଫ୍ ଟିମର ୨ ଜଣ ରାଜୁକୁ ମାଡିବସି କାବୁ କରିବାରେ ସକ୍ଷମ ହୋଇଥିଲେ ।  ରାଜୁ  କିଣ୍ଡୋଠାରୁ ସୂଚନା ପାଇ ତାର ସହଯୋଗୀ ସନମୁନୁ ସାହୁକୁ ମଧ୍ୟ ଗିରଫ କରାଯାଇଥିଲା ।

ଉଭୟଙ୍କ ଠାରୁ ଗୋଟିଏ ଲେଖା ଦେଶୀ ବନ୍ଧୁକ ଓ ୪ ଲକ୍ଷ ୮୧ ହଜାର ଟଙ୍କା ଜବତ କରାଯାଇଛି । ଏହାସହ ମାଟି ତଳେ ରଖାଯାଇଥିବା ଏକ ପ୍ୟାକେଟରୁ ଗୋଟିଏ କାରବାଇନ, ୫ ଟି ସିଙ୍ଗିଲ୍ ସଟ୍ ଦେଶୀ ବନ୍ଧୁକ ଗୋଟିଏ ବଡଲ୍ ସଟ୍ ଦେଶୀ ବନ୍ଧୁକ ଜବତ କରାଯାଇଥିଲା । ଏନେଇ ସୁନ୍ଦରଗଡ଼ ଏସପି ସାଗରିକା ନାଥ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦେଇଛନ୍ତି ।

   Related Posts