Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : MDH ମସଲାର ପ୍ରତିଷ୍ଠାତା ଧର୍ମପାଲ ଗୁଲାଟୀଙ୍କ ପରଲୋକ
  • ||
  • ଗୋପ : ଜୀବନ ଯୁଦ୍ଧରେ ହାରିଗଲେ କରୋନା ଯୋଦ୍ଧା, କୋଭିଡ୍ ପଜିଟିଭ୍ ହୋଇ ଶେଷ ନିଶ୍ୱାସ ତ୍ୟାଗ କଲେ ଏଏସଆଇ
  • ||
  • ସୋର : ଘରେ ପଶିଲେ ଦୁର୍ବୃତ୍ତ, ବାପ-ପୁଅଙ୍କୁ ଗୋଡାଇ ଗୋଡାଇ ହାଣିଲେ
  • ||
  • କୋରାପୁଟ : ମିଳିଲାନି ଜାମିନ୍, ନିଜ ବେକ କାଟିଦେଲେ କଏଦୀ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
  • ||

ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକ୍‌ର ଦୁଇ କର୍ମଚାରୀ ଗିରଫ, ଶ୍ରମିକଙ୍କୁ ଧମକ ଅଭିଯୋଗରେ ବାନ୍ଧିଲା ବାଘମାରୀ ପୋଲିସ

31/10/2020 at 7:00 PM

ଭୁବନେଶ୍ୱର,୩୧/୧୦:  ଖୋର୍ଦ୍ଧା ସାରୁଅ ଓଟିଭି ଜମି କେଳେଙ୍କାରୀ ମାମଲାରେ ପୋଲିସ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଏହି ଘଟଣାରେ ସଂପୃକ୍ତି ଅଭିଯୋଗରେ ପୋଲିସ ଓଡିଶା ଇନଫ୍ରାଟେକର ୨ କର୍ମଚାରୀଙ୍କୁ ଗିରଫ କରିଛି ।

ଗିରଫ ହୋଇଥିବା ୨ କର୍ମଚାରୀ ହେଲେ ଦୀନବନ୍ଧୁ ସାମନ୍ତରାୟ, ବିଶ୍ୱଜିତ ରାଉତରାୟ  । ଏହି ଦୁଇ କର୍ମଚାରୀ ସାରୁଅରେ ଶ୍ରମିକଙ୍କୁ ଧମକ ଦେବା ଅଭିଯୋଗରେ ଗିରଫ ହୋଇଛନ୍ତି ।  ଶ୍ରମିକମାନେ କାମ କରୁଥିବା ବେଳେ ଦୀନବନ୍ଧୁ ଓ ବିଶ୍ୱଜିତ ଧମକଚମକ ଦେଇଥିବା ଅଭିଯୋଗ ହୋଇଥିଲା  । ଏନେଇ ବାଘମାରୀ ଥାନାର ଦ୍ୱାରସ୍ଥ ହୋଇଥିଲେ ଶ୍ରମିକ ।

ସୂଚନାଯୋଗ୍ୟ, ଗତ ୧୬ ତାରିଖରେ ସାରୁଅ ଜମି କେଳେଙ୍କାରୀ ମାମଲାରେ ତରଙ୍ଗ ଷ୍ଟୁଡିଓରେ ପହଁଞ୍ଚିଥିଲେ ଖୋର୍ଦ୍ଧା ଏସଡିପିଓ ସୁଶୀଲ ମିଶ୍ର। ତାଙ୍କ ସହ ଆଦର୍ଶ ଥାନା ଆଇଆଇସି ଉମାଶଙ୍କର ସିଂହ ମଧ୍ୟ ପହଞ୍ଚିଥିଲେ।ଜଗି ମଙ୍ଗତ ପଣ୍ଡାଙ୍କ ବାପା ରଣଧୀର ସିଂହଙ୍କୁ ପଚରାଉଚୁରା କରିବା ପାଇଁ ଟିମ୍‌ ପହଁଚିଥିଲା।

ଏନେଇ ଅକ୍ଟୋବର ୧୫ରେ ପ୍ରଶାସନ ପକ୍ଷରୁ ତରଙ୍ଗ ଷ୍ଟୁଡିଓରେ ନୋଟିସ୍‌ ଲଗାଯାଇଥିଲା ।ଏପରିକି ରଣଧୀର ସିଂହ ତଦନ୍ତରେ ସହଯୋଗ କରିନଥିବା ଅଭିଯୋଗ ହୋଇଥିଲା। ସେଥିପାଇଁ ତରଙ୍ଗ ଷ୍ଟୁଡିଓ ଗେଟ୍ ସାମ୍ନାରେ ନୋଟିସ୍‌ ଝୁଲାଇଥିଲା ପୋଲିସ।

   Related Posts