ଭୁବନେଶ୍ୱର ୭/୮: ଭୁବନେଶ୍ୱର ମହାନଗର ନିଗମ (ବିଏମସି) କାର୍ଯ୍ୟାଳୟରେ ପୁଣି ପଶିଛି କରୋନା । ବିଏମସିର ଚିଫ୍ ଅଡିଟର ଓ ଜଣେ ପିଅନ କରୋନା ପଜିଟିଭ୍ ବାହାରିଥିବା ଜଣାପଡ଼ିଛି । ଏହା ପରେ ଅଡିଟ ସେକସନକୁ ସିଲ୍ କରାଯିବା ସହ ଅଫିସକୁ ସାନିଟାଇଜ୍ କରାଯାଇଛି ।
ବିଏମସି ଅଫିସରେ କରୋନା ବାହାରିବା ପରେ ୯୬ଜଣ କର୍ମଚାରୀଙ୍କର ରାପିଡ୍ (ଆଣ୍ଟିଜେନ) ଟେଷ୍ଟ କରାଯାଇଛି। ରିପୋର୍ଟ ସମ୍ପର୍କରେ ବିଧିବଦ୍ଧ ସୂଚନା ମିଳିପାରିନାହିଁ । ନିକଟରେ ବିଏମସି ଅଫିସରେ ଜଣେ ବରିଷ୍ଠ ଅଧିକାରୀଙ୍କ ପତ୍ନୀ କରୋନା ପଜିଟିଭ୍ ବାହାରିଥିଲେ । ଏହା ପରେ ସଂପୃକ୍ତ ଅଫିସର ଚଳପ୍ରଚଳ ହେଉଥିବା ସେକସନକୁ ସାନିଟାଇଜ୍ କରାଯାଇଥିଲା ।