ବାଲେଶ୍ୱର ୧୧/୮ : ସନ୍ଦେହ ଜନକ ଅବସ୍ଥାରେ ଦୁଇ ଦାମ ଶ୍ରେଣୀ ଛାତ୍ରୀଙ୍କ ମୃତଦେହ ଉଦ୍ଦାର ହୋଇଛି । ଦୁଇ ଛାତ୍ରୀଙ୍କ ମୃତ୍ୟୁ ପରେ ପରିବାର ଲୋକେ ହତବାକ ହୋଇଯାଇଛନ୍ତି । ଗାଁରେ ଆଲୋଡନ ଖେଳିଯାଇଛି । ଛୋଟବେଳୁ ସାଙ୍ଗଥିବା ଦୁଇ ଛାତ୍ରୀଙ୍କର କଣ ପାଇଁ ମୃତ୍ୟୁ ହେଲା ସେ ନେଇ ସ୍ଥାନୀୟ ଅଂଚଳରେ ସନ୍ଦେହ ପ୍ରକାଶ ପାଇଛି। ସୋର ଥାନା ତେଣ୍ଡି ଗାଁ ୨ ନମ୍ବର ୱାର୍ଡ ମଳିକ ସହିରେ ଏଭଳି ଅଭାବନୀୟ ଘଟଣା ଘଟିଛି। ମଳିକ ସାହିର ବୀରେନ୍ଦ୍ର ଦାସଙ୍କ ଝିଅ ଲକ୍ଷ୍ମୀ ପ୍ରିୟା ଓ ବିରିପଡା ଗ୍ରାମର ବୃନ୍ଧାବନ ଦାସଙ୍କ ଝିଅ ପ୍ରିୟଙ୍କା ଷଷ୍ଠ ଶ୍ରେଣୀରୁ ସାଙ୍ଗ ହୋଇ ପାଠ ପଢ଼ନ୍ତି । ଅଷ୍ଟମ ଶ୍ରେଣୀରୁ ସେମାନେ ନିକଟସ୍ଥ ଭିକାରୀ ଚରଣ ହାଇସ୍କୁଲରେ ପାଠ ପଢୁଥିଲେ । ୧୦ ମ ଶ୍ରେଣୀ ଠାରୁ ପ୍ରିୟଙ୍କା ରାତିରେ ଟିୟସନ ସାରି ଲକ୍ଷ୍ମୀପ୍ରିୟା ଘରେ ଶୋଇ ପଡେ। ସବୁଦିନ ପରେ ରାସ୍ତା ସେପଟରୁ ରାତି ୯ ଟା ୩୦ ମିନିଟରେ ବିଜ୍ଞାନ ଶିକ୍ଷକଙ୍କ ଘରୁ ସଂସ୍କୃତ ସାରଙ୍କ ଠାରୁ ଟୁୟସନ ହୋଇ ଲକ୍ଷ୍ମୀପ୍ରିୟାଙ୍କ ଘରେ ଦୁଇ ସାଙ୍ଗ ଶୋଉଥିଲେ । ସକାଳେ ଶନିବାର ସକାଳିଆ ସ୍କୁଲ ହୋଇଥିବାରୁ ସେମାନରେ ସଅଳ ନଉଠିବାରୁ ତାଙ୍କର ଅନ୍ୟ ଜଣେ ସାଙ୍ଗ ଡାକିଥିଲା । ଉଭୟ ସାଙ୍ଗ ନଉଠିବାରୁ ଲକ୍ଷ୍ମୀପ୍ରିୟାର ମା ଅନିତା ଡାକିଥିଲା । ସେତେ ବେଳେ ଜଣ ପଡିଥିଲା ଦ୍ୱୟୀ ଜଣଙ୍କ ମୃତ୍ୟୁ ହୋଇଛି । ଲକ୍ଷ୍ମୀପ୍ରିୟାଙ୍କ ଘରେ ବାପା ବୀରେନ୍ଦ୍ର ଓ ମା ଅନିତା ଥିବା ବେଳେ ତାର ଭାଈ ଭରବଙ୍କନଶ୍ବରେ ରହିଥିଲା । ଖବର ପୋଲିସ ତଦନ୍ତ ଆରମ୍ଭ କରି ଦୁଇ ଛାତ୍ରୀଙ୍କ ମୃତଦେହକୁ ସୋରୋ ଡାକ୍ତରଖାନାକୁ ପଠାଇଦେଇଛି | ଘଟଣାକୁ ନେଇ ସ୍ଥାନୀୟ ଅଂଚଳରେ ଅସନ୍ତୋଷ ଦେଖାଦେଇଛି | ତେବେ ଘଟଣାକୁ ନେଇ ସ୍ଥାନୀୟ ଅଂଚଳରେ ଆଲୋଡନ ପାଇଥିବା ବେଳେ ହତ୍ୟା କରାଯାଇଥିବା ନେଇ ସନ୍ଦେହ ପ୍ରକାଶ ପାଇଛି।