Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ଚକଲେଟ ଦେବା ବାହାନାରେ ୭ ବର୍ଷ ଓ ୮ ବର୍ଷର ଶିଶୁକୁ ଦୁଷ୍କର୍ମ, ଅଭିଯୁକ୍ତ ଫେରାର

24/04/2020 at 12:53 PM

ଚିତ୍ରକୂଟ ୨୪/୦୪ : ଉତ୍ତର ପ୍ରଦେଶ ଚିତ୍ରକୂଟ ଜିଲ୍ଲାର ରାଜାପୁର ଥାନା ଅନ୍ତର୍ଗତ ଏକ ଗାଁରେ ଜଣେ ଯୁବକ ଦୁଇ ଶିଶୁଙ୍କୁ ଦୁଷ୍କର୍ମ କରିଛି | ଦୁଇ ଶିଶୁ ସମ୍ପର୍କୀୟ ଭଉଣୀ | ଦୁଷ୍କର୍ମକାରୀ ଯୁବକ ଫେରାର ଅଛି | ପୋଲିସ ଅଭିଯୁକ୍ତ ଯୁବକକୁ ଖୋଜୁଛି |

ରାଜାପୁର ଥାନା ଅଧିକାରୀ ଗୁଲାବ ଚନ୍ଦ୍ର ତ୍ରିପାଠୀ ଗୁରୁବାର ଦିନ ଏକ ମାମଲା ରୁଜ୍ଜୁ କରିଥିଲେ | ରିପୋର୍ଟ ଅନୁଯାୟୀ, ରାଜାପୁର ଥାନା ଅନ୍ତର୍ଗତ ଏକ ଗାଁରେ ବୁଧବାର ଅପରାହ୍ନରେ ଦୁଇ ସମ୍ପର୍କୀୟ ଭଉଣୀ ଘର ବାହାରେ ଖେଳୁଥିଲେ | ଠିକ ସେତିକିବେଳେ ଗାଁର ଜଣେ ଯୁବକ ବଲବୀର ସିଂହ ଦୁଇ ଶିଶୁଙ୍କୁ ଚକଲେଟ ଦେବା ବାହାନାରେ ଏକ ଶୂନଶାନ ଜାଗାକୁ ନେଇଯାଇଥିଲା ଏବଂ ସେଠାରେ ଦୁଇ ଶିଶୁଙ୍କ ଶହ ଦୁଷ୍କର୍ମ କରିଥିଲା |

ସେଠାରୁ ଯାଉଥିବା କିଛି ଲୋକ ଶିଶୁଙ୍କ ପାଟି ଶୁଣି ଘଟଣାସ୍ଥଳରେ ପହଞ୍ଚିଥିଲେ | ଲୋକଙ୍କୁ ଦେଖି ଅଭିଯୁକ୍ତ ସେଠାରୁ ଫେରାର ହୋଇଯାଇଥିଲା | ଶିଶୁଙ୍କ ବୟସ ୭ ବର୍ଷ ଓ ୮ ବର୍ଷ | ଥାନା ଅଧିକାରୀ ଗୁଲାବ ଚନ୍ଦ୍ର ତ୍ରିପାଠୀ କହିଛନ୍ତି ଯେ, ଘରଲୋକଙ୍କ ଅଭିଯୋଗରେ ଅଭିଯୁକ୍ତ ଯୁବକ ବଲବୀର ସିଂହ ବିରୋଧରେ ୩୭୬ ଧାରା ଓ ପୋକସୋ ଆକ୍ଟରେ ମାମଲା ରୁଜ୍ଜୁ କରାଯାଇଛି | ଅଭିଯୁକ୍ତକୁ ଖୋଜିବା ପାଇଁ ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରୁଛି | ଉଭୟ ଶିଶୁଙ୍କ ମେଡିକାଲ ଯାଞ୍ଚ କରାଯାଇଛି |

ଚିତ୍ରକୂଟ ଜିଲ୍ଲାରେ ଆଉ ଏକ ଦୁଷ୍କର୍ମ ମାମଲା ରହିଛି | ମଉ ଥାନା ଅଧିକାରୀ ସୁଭାଷ ଚନ୍ଦ୍ର ଚୌରସିଆ ସୂଚନା ଦେଇଛନ୍ତି ଯେ, ମଙ୍ଗଳବାର ଦିନ ଜଙ୍ଗଲରେ ଛେଳି ଚରାଉଥିବା ଜଣେ ୧୦ ବର୍ଷର ଶିଶୁ ସହିତ ଗଣଦୁଷ୍କର୍ମ ହୋଇଥିଲା | ମାମଲାରେ ନାବାଳିକାଙ୍କ ୧୨ ବର୍ଷୀୟ ଓ ୧୫ ବର୍ଷୀୟ ଭାଇକୁ ଗିରଫ କରାଯାଇଥିଲା | ଉଭୟ ଅଭିଯୁକ୍ତଙ୍କୁ ସୁଧାର ଗୃହ ପଠାଇ ଦିଆଯାଇଛି |

   Related Posts