Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

୨ ଜଣଙ୍କୁ ଗୋଡ଼ାଇ ଗୋଡ଼ାଇ ହାଣି ହତ୍ୟା ଘଟଣାରେ ଆଉ ୨ ଜଣ ଗିରଫ

20/02/2020 at 8:04 PM

କଟକ ୨୦।୦୨-   କଟକ ଜିଲ୍ଲା ବାଙ୍କୀ ଡବଲ ମର୍ଡ଼ର ଘଟଣା ପଛରେ ପାରିବାରିକ ଶତୃତା ମୂଳ କାରଣ ବୋଲି କହିଛନ୍ତି କଟକ ଏସପି । ଘଟଣାରେ ୨ଜଣଙ୍କୁ ଗିରଫ କରାଯାଇଥିବା ବେଳେ ଆଉ ୨ଜଣଙ୍କୁ ଅଟକ ରଖି ପଚରାଉଚରା ଚଳାଇଥିଲା ପୁଲିସ । ଏହି ଦୁଇ ଜଣଙ୍କୁ ଗିରଫ କରାଯାଇଛି । ଗଲା ଫେବ୍ରୂଆରୀ ୧୫ରେ ବାଙ୍କୀ ବୈଦେଶ୍ବର ଥାନା ଅଂଚଳରେ ସରପଞ୍ଚଙ୍କ ସ୍ବାମୀ ଓ ଜଣେ ସମ୍ବାଦିକଙ୍କୁ ଗୋଡ଼ାଇ ଗୋଡ଼ାଇ ହାଣି ହତ୍ୟା କରିଥିଲେ କିଛି ଦୁର୍ବୃତ୍ତ । ଏହି ଜଘନ୍ୟ ହତ୍ୟାକାଣ୍ଡରେ ୧୦ରୁ ଅଧିକ ଦୁର୍ବୃତ୍ତ ସାମିଲ ଥିବା କୁହାଯାଉଥିବା ବେଳେ ପୋଲିସ କେବଳ ୨ଜଣଙ୍କୁ ଗିରଫ କରି ଚୁପ୍‌ ବସିଛି । …..

ରାଜନୈତିକ ଶତ୍ରୁତା ନୁହେଁ ବରଂ ପାରିବାରିକ କନ୍ଦଳ ହିଁ ବାଙ୍କୀ ଡବଲ ମର୍ଡ଼ର ପଛର ମୂଳ କାରଣ । କଟକ ଏସପିଙ୍କ ଏଭଳି ବୟାନ ପରେ ହତ୍ୟାକାଣ୍ଡକୁ ନେଇ ଚାଲିଥିବା ଚର୍ଚ୍ଚାରେ ଆସିଛି ଟ୍ବିଷ୍ଟ୍‌ । ଗଲା ଫେବ୍ରୂଆରୀ ୧୫ରେ ବାଙ୍କୀ ବୈଦେଶ୍ବର ଥାନା ଅଂଚଳରେ ନୂଆଗାଁ ପଞ୍ଚାୟତର ମହିଳା ସରପଞ୍ଚଙ୍କ ସ୍ବାମୀ  ଭଗବାନ ସ୍ବାଇଁ ଏବଂ ଯୁବ ସାମ୍ବାଦିକ ଆଦିତ୍ୟ କୁମାର ରଣସିଂଙ୍କୁ ଗୋଡ଼ାଇ ଗୋଡ଼ାଇ ହାଣି ହତ୍ୟା କରିଥିଲେ କିଛି ଦୁର୍ବୃତ୍ତ ।

ଏହି ଘଟଣାରେ ୧୦ରୁ ଅଧିକ ଦୁର୍ବୃତ୍ତ ସାମିଲ ଥିବା କୁହାଯାଉଥିବା ବେଳେ ସେମାନଙ୍କ ମଧ୍ୟରୁ ପୋଲିସ କେବଳ ବଳଭଦ୍ର ପ୍ରଧାନ ଓରଫ ବଳିଆ ଏବଂ ଜିତେନ୍ଦ୍ର ସ୍ବାଇଁ ଓରଫ୍‌ କାଳିଆକୁ ଗିରଫ କରିଛି । ଆଉ ୨ଜଣଙ୍କୁ ଅଟକ ରଖି ପଚରାଉଚରା ଚଳାଇଛି ପୋଲିସ ।

ସରପଞ୍ଚଙ୍କ ସ୍ବାମୀ ଭଗବାନ ସ୍ବାଇଁ ତାଙ୍କ ମୃତ୍ୟୁକାଳୀନ ଜମାନବନ୍ଦୀରେ ୯ଜଣ ଅଭିଯୁକ୍ତଙ୍କ ନାଁ ନେଇଥିଲେ ମଧ୍ୟ ଘଟଣାର ୫ଦିନ ପରେ ବି ପୋଲିସ ମାତ୍ର ୨ଜଣଙ୍କୁ ଗିରଫ କରି ଚୁପ୍‌ ବସିଛି । ତେବେ ରାଜନୈତିକ ଆକ୍ରୋଶ ଯୋଗୁଁ ଏଭଳି ଜଘନ୍ୟ ହତ୍ୟାକାଣ୍ଡ ଘଟିଥିବା ମୃତକଙ୍କ ପରିବାର ଓ ସ୍ଥାନୀୟ ଲୋକେ କହୁଥିବା ବେଳେ ପୋଲିସ କିନ୍ତୁ ପାରିବାରିକ ଗଣ୍ଡଗୋଳକୁ ଦାୟୀ କରିଛି ।

ମୃତ ଭଗବାନ ସ୍ବାଇଁ ସ୍ଥାନୀୟ ଅଂଚଳରେ କଂଗ୍ରେସ ଦଳର ଜଣେ ଟାଣୁଆ କର୍ମୀ ଥିଲେ ।

ଏହି ହତ୍ୟାକାଣ୍ଡରେ କିଛି ପ୍ରଭାବଶାଳୀ ରାଜନୈତିକ ବ୍ୟକ୍ତିଙ୍କ ସମ୍ପୃକ୍ତି ଥିବାରୁ ପୋଲିସ ଟାଳଟୁଳ ନୀତି ଅବଲମ୍ବନ କରୁଛି ବୋଲି ସ୍ଥାନୀୟ ଅଂଚଳରେ ଚର୍ଚ୍ଚା ଜୋର୍‌ ଧରିଛି ।

   Related Posts