Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଅଧିକ ପ୍ରଭାବିତ ୧୦୦ ଜିଲ୍ଲାର କଲେକ୍ଟରଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||
  • ଶ୍ରୀମନ୍ଦିର ବନ୍ଦ, ସେବାୟତ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କଲା ଶ୍ରୀ ମନ୍ଦିର ପ୍ରଶାସନ
  • ||
  • କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ରହିବ ୧୨ ରୁ ୧୬ ସପ୍ତାହ, ପ୍ରସ୍ତାବକୁ ସ୍ଵୀକାର କଲେ କେନ୍ଦ୍ର ସରକାର
  • ||
  • କରୋନା ଲଢେଇରେ ମିଳିଲା ତୃତୀୟ ଅସ୍ତ୍ର ! ଆଗାମୀ ସପ୍ତାହରେ ବଜାରରେ ମିଳିବ ସ୍ପୁଟନିକ୍-ଭି, ଜୁଲାଇରେ ଦେଶରେ ଆରମ୍ଭ ହେବ ଉତ୍ପାଦନ
  • ||
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||

ଗାୟବ ଥିଲେ ୪ଜଣ : ଜଳନ୍ତା କାରରୁ ୨ ଜଣଙ୍କ ମୃତଦେହ ଉଦ୍ଧାର, ସନ୍ଦେହ ଘେରରେ ଆଉ ୨

8/02/2019 at 1:49 PM

ମଥୁରା ୮/୨ : ଉତ୍ତର ପ୍ରଦେଶ ମଥୁରାରେ ବରସାନା-ଛାତା ରୋଡରେ ଗୁରୁବାର ଦିନ ରାସ୍ତାକଡରେ ଏକ ଜଳି ଯାଇଥିବା କାର ଉଦ୍ଧାର ହୋଇଥିଲା | କାର ଭିତରୁ ଦୁଇଟି ଶବ ମଧ୍ୟ ଉଦ୍ଧାର ହୋଇଛି | ଦୁଇଟି ଶବ ଜଳି ପ୍ରାୟ କଙ୍କାଳ ହୋଇଯାଇଥିଲା | ପୋଲିସ ତଦନ୍ତରୁ ଜଣାପଡିଥିଲା ଯେ, କାର ହରିୟାଣାର ପଲବଲ ଅନ୍ତର୍ଗତ ମିଲକୋଡା ଗାଁର | କାରର ମାଲିକ ଏବଂ ତାଙ୍କର ଜଣେ ସାଙ୍ଗଙ୍କ ଅପହରଣ ମାମଲା ସେଠାକାର ଥାନାରେ ରୁଜ୍ଜୁ ହୋଇଥିବା ଜଣାପଡିଥିଲା |


ଯାଞ୍ଚ ବେଳେ ଆଉ ଏକ ସମସ୍ୟା ଉପୁଜିଥିଲା | ଯାଞ୍ଚ ବେଳେ ଜଣାପଡିଥିଲା ଯେ, ସେହି ଗାଁର ୪ଜଣ ଗାୟବ ଥିଲେ | ଗାୟବ ୪ଜଣ ହେଲେ ରୋହତସ, ଲାଲାରାମ, କୁଅଁରପାଳ ଏବଂ ଲେଖନ | ରୋହତସ, ଲାଲାରାମଙ୍କ ଗାୟବ ହୋଇଥିବା ନେଇ ଥାନାରେ ଏତଲା ଦିଆଯାଇଥିଲା | ଦୁଇଟି ଶବ ମିଳିଛି କିନ୍ତୁ ଶବ ପୋଡି ଯାଇଥିବା ହେତୁ ତାଙ୍କ ପରିଚୟ ମିଳିପାରିନାହିଁ | ଆଉ ଦୁଇ ଜଣ କୁଆଡେ଼ ଗଲେ ଏବଂ ଅପହରଣକର୍ତ୍ତା କିଏ ଏନେଇ ପ୍ରଶ୍ନବାଚୀ ସୃଷ୍ଟି ହୋଇଛି |


ମଥୁରାରେ ଏକ ପୋଡି ଯାଇଥିବା କାର ଏବଂ କାର ଭିତରୁ ଦୁଇଟି ମୃତଦେହ ମିଳିବା ଘଟଣା ପରେ ହରିୟାଣା ପୋଲିସ ମଥୁରାରେ ପହଂଚିଛି |


ବରସାନା ଠାରୁ ପ୍ରାୟ ୨ କି:ମି: ଦୂର ଶ୍ରୀ ନଗର ଗାଁରେ ରାସ୍ତାକଡରୁ ଏକ ପୋଡି ଯାଇଥିବା ଇକୋ କାର ଉଦ୍ଧାର ହୋଇଥିଲା | ସକାଳ ୭ଟା ବେଳେ ଗ୍ରାମବାସୀ ଏନେଇ ପୋଲିସକୁ ଖବର ଦେଇଥିଲେ | ଗୋଟିଏ ଶବ ପଛପଟ ସିଟ ପାଖ ବାହାରେ ପଡିଥିଲା ଏବଂ ଅନ୍ୟ ଶବ ଡ୍ରାଇଭର ସିଟରେ ଥିଲା | ଘଟଣାସ୍ଥଳର ସ୍ଥିତିରୁ ସଫା ଜଣାପଡୁଥିଲା ଯେ, ଦୁଇ ଜଣଙ୍କୁ ହତ୍ୟା କରାଯାଇଛି | ତଦନ୍ତ ବେଳେ ପୋଲିସକୁ କାର ଭିତରୁ ଏକ ଦରପୋଡା ପର୍ସ ମିଳିଛି ଯେଉଁଥିରେ ଏକ ଫଟୋ ମଧ୍ୟ ରହିଛି |


ଲାଲାରାମଙ୍କ ପରିବାର ସଦସ୍ୟ ପୋଲିସ ସହ ବରସାନା ଥାନା ଆସିଥିଲେ | କିନ୍ତୁ ଶବ ପୋଡି ଯାଇଥିବାରୁ ସେମାନେ ଚିହ୍ନି ପାରିନଥିଲେ | କିନ୍ତୁ କାରରୁ ମିଳିଥିବା ପର୍ସରେ ଥିବା ଫଟୋକୁ ଚିହ୍ନି ତାହା ଲେଖନର ବୋଲି କହିଛନ୍ତି ଲାଲାରାମଙ୍କ ପରିବାର ଲୋକେ | ତେବେ ପୋଡି ଯାଇଥିବା କାର ଲାଲାରାମଙ୍କ ବୋଲି ଜଣାପଡିଛି |


ସୂଚନାଯୋଗ୍ୟ ଯେ, ଲାଲାରାମ ଏବଂ ରୋହତସ ବୁଧବାର ସନ୍ଧ୍ୟାରେ ଘରୁ ଦେଢ଼ ଲକ୍ଷ ଟଙ୍କା ନେଇ ବାହାରିଥିଲେ | ଏହାସହ ବଜାରରୁ ଆଉ କିଛି ଟଙ୍କା ମଧ୍ୟ ସଂଗ୍ରହ କରିଥିଲେ | ଏମାନେ କୌଣସି କାମରେ କୋଷିକଲା ଯାଇଥିଲେ | କୁଅଁରପାଳ ଗାଁ ମୁଣ୍ଡରେ ଥିବା ଢାବାରୁ ଏମାନଙ୍କ ସହ ଯାଇଥିଲେ | କିନ୍ତୁ ଚତୁର୍ଥ ବ୍ୟକ୍ତି ଲେଖନ ଏମାନଙ୍କ ସହ ଥିଲେ ନା ନାହିଁ ତାହା ଏବେ ଯାଏଁ ସ୍ପଷ୍ଟ ହୋଇନାହିଁ | ତେବେ ମୃତକ କିଏ ଏବଂ ଅନ୍ୟ ଦୁଇ ଜଣ କୁଆଡେ ଗଲେ ସେନେଇ ପୋଲିସ ପୁରା ଘଟଣାର ତଦନ୍ତ କରୁଛି |

   Related Posts