Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ହେଲମେଟ ନ ପିନ୍ଧି ବାଇକରେ ଯାଉଥିବା ଦମ୍ପତ୍ତିଙ୍କୁ ଧରିଲା ଟ୍ରାଫିକ : ରାଗିଯାଇ ଟ୍ରାଫିକ ପୋଲିସକର୍ମୀଙ୍କ ଚାଲାଣ ମେସିନ ଭାଙ୍ଗିଦେଲେ ଯୁବତୀ

7/04/2019 at 3:53 PM

ନୂଆଦିଲ୍ଲୀ ୭/୪ : ହେଲମେଟ ନ ପିନ୍ଧି ବାଇକ ଚଲାଇବା ଅର୍ଥାତ ଟ୍ରାଫିକ ନିୟମ ଉଲଂଘନ କରିବା | ଟ୍ରାଫିକ ନିୟମ ଉଲଂଘନ କରିବା ବେଳେବେଳେ ବହୁତ ମହଙ୍ଗା ପଡିଥାଏ | ଏହିଭଳି ଏକ ଘଟଣା ଘଟିଛି ଦିଲ୍ଲୀରେ | ହେଲମେଟ ନ ପିନ୍ଧି ବାଇକ ଚଲାଉଥିବାରୁ ଜଣେ ଦମ୍ପତ୍ତିଙ୍କୁ ଗିରଫ କରିଛି ପୋଲିସ | ପୋଲିସ ଏହି ଦମ୍ପତ୍ତିଙ୍କୁ ଧରିବା ପରେ ଦମ୍ପତ୍ତି ବହୁତ ହଙ୍ଗାମା କରିଥିଲେ | ଫଳରେ ଯୁବକ ଜଣକ ରାଗିଯାଇ ପୋଲିସକର୍ମୀଙ୍କ ୟୁନିଫର୍ମ ଚିରି ଦେଇଥିଲେ | ଯୁବତୀ ଜଣକ ପୋଲିସଙ୍କ ଚାଲାଣ ମେସିନ ଭାଙ୍ଗି ଦେଇଥିଲେ | ଏହାପରେ ପୋଲିସ ଉଭୟ ଯୁବକ ଯୁବତୀଙ୍କୁ ଗିରଫ କରିଥିଲା |


ଘଟଣା ଦକ୍ଷିଣ ଦିଲ୍ଲୀ ଅନ୍ତର୍ଗତ ବେରସରାୟ ଅଂଚଳର | ଖବର ଅନୁଯାୟୀ, ଏପ୍ରିଲ ୫ ତାରିଖରେ ଏକ ଦମ୍ପତ୍ତି ହେଲମେଟ ନ ପିନ୍ଧି ବାଇକରେ ଯାଉଥିଲେ | ଏତିକିବେଳେ ଟ୍ରାଫିକ ପୋଲିସ ତାଙ୍କୁ ଅଟକାଇଥିଲା | ଟ୍ରାଫିକ ପୋଲିସ ଅଟକାଇବା ପରେ ଦମ୍ପତ୍ତି ପୋଲିସକର୍ମୀଙ୍କ ସହ ଖରାପ ବ୍ୟବହାର କରିଥିଲେ | ଯୁବକ ଯୁବତୀ ଏତେ ରାଗି ଯାଇଥିଲେ ଯେ, ଯୁବକ ଟ୍ରାଫିକ ପୋଲିସକର୍ମୀଙ୍କ ୟୁନିଫର୍ମ ଚିରି ଦେଇଥିବାବେଳେ ଯୁବତୀ ଜଣକ ଚାଲାଣ ମେସିନ ଭାଙ୍ଗି ଦେଇଥିଲେ |ସୋସିଆଲ ମିଡ଼ିଆରେ ଏହି ଫଟୋ ଭାଇରାଲ ହେବାରେ ଲାଗିଛି | କିସନଗଡ଼ ପୋଲିସ ଷ୍ଟେସନରେ ଉଭୟଙ୍କ ବିରୋଧରେ ଧାରା ୧୮୬, ୩୫୩, ୩୪ ଏବଂ ସେକ୍ସନ ୩ରେ ମାମଲା ରୁଜ୍ଜୁ କରାଯାଇଛି |


ସୂଚନାଯୋଗ୍ୟ ଯେ, ଦିଲ୍ଲୀରେ ବାଇକ ଚାଳକ ଏବଂ ବାଇକ ଆରୋହୀ ଉଭୟ ହେଲମେଟ ପିନ୍ଧିବା ବାଧ୍ୟତାମୂଳକ କରି ଦିଆଯାଇଛି | ଉଭୟ ହେଲମେଟ ନ ପିନ୍ଧିବା ଅର୍ଥାତ ଟ୍ରାଫିକ ନିୟମ ଉଲଂଘନ କରିବା | ଉଭୟ ଚାଳକ ଏବଂ ଆରୋହୀ ହେଲମେଟ ନ ପିନ୍ଧିଲେ ୧୦୦ ଟଙ୍କା ଚାଲାଣ ଦେବାକୁ ପଡିଥାଏ | ସୁରକ୍ଷା ଦୃଷ୍ଟିରୁ ଏହି ନିୟମକୁ ଦିଲ୍ଲୀରେ କଡାକଡି କରାଯାଇଛି |

   Related Posts