Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପଦ୍ମପୁର ମଦଦ୍ଭାଟି କର୍ମଚାରୀ ହତ୍ୟା ମାମଲା :୨ ଅଭିଯୁକ୍ତ ଗିରଫ

9/09/2019 at 10:31 PM

ବରଗଡ୯।୯- ବରଗଡ଼ ଜିଲ୍ଲା ପଦ୍ମପୁର ସବଡିଭିଜନ ବୋଡେନ ଥାନା ଅନ୍ତର୍ଗତ ବିରିପାଲି ମଦଭାଟି କର୍ମଚାରୀ ହତ୍ୟା ମାମଲାର ୨ ଅଭିଯୁକ୍ତ କୁ ଗିରଫ କରିଛି ପଦ୍ମପୁର ପୋଲିସ ।ଗିରଫ ଅଭିଯୁକ୍ତ ମାନେ ହେଲେ ପଦ୍ମପୁର ଭେଲୁଆପଦର ଗ୍ରାମ ର ରଙ୍କ ବରିହା ର ପୁଅ ଭଗବାନ ବରିହା ଓ କାଁସର ଗ୍ରାମ ର ସାଗର ବିଶ୍ୱାଳ ଙ୍କ ପୁଅ ଜଗଦୀଶ ବିଶ୍ୱାଳ ।

ହତ୍ୟାକାଣ୍ଡ ଦିନ ଭଗବାନ ଓ ଜଗଦୀଶ ମଦ ପିଇବା ପାଇଁ ବିରିପାଲି ମଦଭାଟି କୁ ଯାଇଥିଲେ ।ତେବେ କୌଣସି କାରଣରୁ ଝାଡଖଣ୍ଡ ରାଜ୍ୟର ଲୋହାରଡେଗା ଅଞ୍ଚଳ ରୁ  ଆସି ମଦଭାଟି ରେ କାମ କରୁଥିବା କର୍ମଚାରୀ  ପ୍ରମୋଦ ସା ଙ୍କ ସହ ବଚସା ହୋଇଥିଲା ।ଏଥିରେ ନିଶାଗ୍ରସ୍ତ ଅବସ୍ଥା ରେ ଭଗବାନ ଓ ଜଗଦୀଶ ମିଶି ଏକ ଛୁରି ରେ ପ୍ରମୋଦ କୁ ଆକ୍ରମଣ କରିଥିଲେ ଫଳରେ ଘଟଣା ସ୍ଥଳରେ ହିଁ ପ୍ରମୋଦ ର ମୃତ୍ୟୁ ହୋଇଯାଇଥିଲା ।

ପରେ ମଦଭାଟି ମ୍ୟାନେଜର ଭରଦୁଲ ପ୍ରସାଦ ଙ୍କ ଲିଖିତ ଅଭିଯୋଗ କ୍ରମେ ବଡେନ ପୋଲିସ ଏକ ହତ୍ୟା ମୋକଦ୍ଦମା ରଜୁ କରି ତଦନ୍ତ ଆରମ୍ଭ କରିଥିଲା। ଘଟଣା ର ୨୪ ଘଣ୍ଟା ମଧ୍ୟରେ ପୋଲିସ ହତ୍ୟା ଅଭିଯୁକ୍ତ ଙ୍କୁ ଗିରଫ କରିଥିଲା ।ଏହି ଘଟଣା ରେ ବ୍ୟବହୃତ ଛୁରି କୁ ମଧ୍ୟ ଜବତ କରିଛି ପୋଲିସ ।

   Related Posts