Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ୟୁରୋପରେ ଅଢେଇ ଲକ୍ଷ ଲୋକ କରୋନା ସଂକ୍ରମିତ, ଇରାନରେ ଆହୁରି ୧୫୭ ମୃତ

ଲଣ୍ଡନ, ୨୬|୦୩: ସାରା ବିଶ୍ୱରେ ମହାମାରୀର ରୂପ ନେଇଥିବା କରୋନା ଭାଇରସ ଥମିବାର ନାଁ ନେଉନାହିଁ । ଏବେ ସୁଦ୍ଧା ୨୧ ହଜାରରୁ ଅଧିକ ଜଣ ପ୍ରାଣ ହରାଇ ସାରିଛନ୍ତି । କରୋନାକୁ ରୋକିବା ପାଇଁ ୨୦୦ କୋଟିରୁ ଅଧିକ ଲୋକ ଘରେ ବନ୍ଦୀ ହୋଇ ରହିଛନ୍ତି । ବ୍ରିଟେନର ଲଣ୍ଡନ ଓ ସ୍ପେନର ମାଦ୍ରିଦ କରୋନା ଭାଇରସର କେନ୍ଦ୍ର ପାଲଟିଛି । ଏଠାରେ ଦୁଇ ଦିନରେ ମୃତ୍ୟୁସଖ୍ୟା ଦ୍ୱିଗୁଣା ହୋଇଯାଇଛି ।

ୟୁରୋପରେ କରୋନା ଭାଇରସ ମାମଲା ଅଢେଇ ଲକ୍ଷ ଅତିକ୍ରମ କରିଛି । ଏଥିରୁ ଅଧାରୁ ଅଧିକ ମାମଲା ଇଟାଲୀ ଓ ସ୍ପେନର ଅଟେ । ଏଠାରେ ମୃତ୍ୟୁସଂଖ୍ୟା ମଧ୍ୟ ୧୪, ୬୪୦ରେ ପହଁଚିଛି । ଇଟାଲୀରେ ସଂକ୍ରମିତଙ୍କ ସଂଖ୍ୟା ୭୪,୩୮୬ ରହିଥିବା ବେଳେ ସ୍ପେନରେ ୫୬,୧୮୮ ରହିଛି ।

ସେହିପରି ଏସିଆରେ କରୋନା ସଂକ୍ରମିତଙ୍କ ସଂଖ୍ୟା ଏକ ଲକ୍ଷ ୯୩୭ରେ ପହଁଚିଛି । ଏହା ମଧ୍ୟରୁ ୩୬୩୬ଜଣ ପ୍ରାଣ ହହରାଇଛନ୍ତି । ଅଷ୍ଟ୍ରେଲିଆରେ କରୋନା ସଂକ୍ରମିତଙ୍କ ସଂଖ୍ୟା ୨୮୦୦ ରହିଥିବା ବେଳେ ଏହା ମଧ୍ୟରୁ ୧୨ଜଣ ପ୍ରାଣ ହରାଇଛନ୍ତି । ସେହିପରି ଇରାନରେ ଆହୁରି ୧୫୭ ଜଣ ପ୍ରାଣ ହରାଇଛନ୍ତି । ଏଠାରେ ମୋଟ ମୃତ୍ୟୁସଂଖ୍ୟା ୨୨୩୪ ହୋଇଯାଇଛି ।

   Related Posts