ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ନୋଟିସ, ଘୁଞ୍ଚିଲା +୨ ପରୀକ୍ଷା
  • ||
  • ଲାଲୁ ପରିବାରକୁ ଗୁଡ୍ ମର୍ଣ୍ଣିଂ କଲା ସିବିଆଇ : ସକାଳୁ ସକାଳୁ ୧୭ ଜାଗାରେ ଚଢଉ
  • ||
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୧୦ ପଜିଟିଭ୍
  • ||
  • ଶନିବାରଠୁ ବଢିବ ତାତି, ଆସନ୍ତା ସପ୍ତାହରେ ଲଘୁଚାପ
  • ||
  • ରାଜଧାନୀରେ ବୋମାମାଡ, ସହିଦନଗର ଥାନା ପୋଲିସର ତଦନ୍ତ ଜାରି
  • ||

ପ୍ରଥମ ବିଶ୍ୱଯୁଦ୍ଧର ବିଜୟୀ ଭାରତୀୟ ସେନାପତି ଅରସାଲା ଖାନ୍

12/11/2018 at 6:19 PM

ଭାରତ ବ୍ରିଟିଶ ଶାସିତ ଥିଲା, କିନ୍ତୁ ସେହି ବ୍ରିଟିଶର୍ସଙ୍କ ଲାଗି ଅଭୂତପୂର୍ବ ବୀରତ୍ୱ ଓ ବଳିଦାନର ଉଦାହରଣ ଥିଲେ ଭାରତୀୟ ।ଶହେ ବର୍ଷ ତଳେ ସରିଥିଲା ସେହି ଭୟଙ୍କର ଯୁଦ୍ଧ । ଭାରତ ପରାଧୀନ ଥିଲେ ବି ଭାରତୀୟଙ୍କ ସେହି ବୀରତ୍ୱକୁ ଢାଙ୍କି ପାରି ନାହିଁ ଇତିହାସ । ଏପରି କିଛି ଅନାଲୋଚିତ ଘଟଣା ରହିଛି, ଯାହାକି କାହାଣୀ ଭଳି ଲାଗୁଥିଲେ ବି ସତ । ୧୯୧୪ରୁ ୧୯୧୮ ପ୍ରଥମ ବିଶ୍ୱଯୁଦ୍ଧ ହୋଇଥିଲା । ନଭେମ୍ବର ୧୧ତାରିଖ୧୯୧୮ ମସିହାରେ ଶେଷ । ସେହି ଯୁଦ୍ଧରେ ଭାରତୀୟଙ୍କ ଭୂମିକା ଥିଲା ଅସାଧାରଣ । ପ୍ରଥମ ବିଶ୍ୱଯୁଦ୍ଧରେ  ପାଖାପାଖି ୧ ନିୟୁତ ୩୦ ହଜାର ଭାରତୀୟ ସୈନୀକ ଲଢିଥିଲେ । କିନ୍ତୁ ପ୍ରାଣ ହରାଇଥିଲେ ସେମାନଙ୍କ ମଧ୍ୟରୁ ୭୪ ହଜାରରୁ ବେଶି ଯୋଦ୍ଧା । ଐତିହାସିକ ଜର୍ଜ ମର୍ଟନ ଜ୍ୟାକ୍‌ ଙ୍କ ପୁସ୍ତକରେ ଏପରି କିଛି ରୋଚକ ତଥ୍ୟ ରହିଛି । ଭରତୀୟ ସେନାର ସଂଖ୍ୟା ଅଷ୍ଟ୍ରେଲିଆ, ନ୍ୟୁଜିଲାଣ୍ଡ,କାନାଡା, ଦକ୍ଷିଣ ଆଫ୍ରିକା ଏବଂ କ୍ୟାରବୀୟ ଦୀପପୁଞ୍ଜର ମୋଟ ସେନାର ୪ ଗୁଣ ଠାରୁ ବି ଥିଲା ଅଧିକ । ଭରତୀୟ ସେନାର ନେତୃତ୍ୱ ନେଉଥିଲେ ଆରସାଲା ଖାନ୍ । ୫୭ ୱାଇଲ୍ଡ ରାଇଫଲ୍ସର ନେତୃତ୍ୱ ନେଇ ଯୁଦ୍ଧ କ୍ଷେତ୍ରକୁ ଓହ୍ଲାଇଥିଲେ ଆରସାଲା । ୨୨ ଅକ୍ଟୋବର ୧୯୧୪ ମଧ୍ୟରାତ୍ରିରେ ଅରସାଲାଙ୍କ ସେନା ବେଲଜିୟମର ୱେଷ୍ଟର୍ଣ୍ମ ଫ୍ରଣ୍ଟରେ ସେଣ୍ଟ୍ରାଲ ଫୋର୍ସକୁ କରିଥିଲେ ଆକ୍ରମଣ । ଯୁଦ୍ଧକ୍ଷେତ୍ରରେ ବିଜୟୀ ଯୋଦ୍ଧା ଥିଲେ ଆରସାଲା ଖାନ୍ । ପ୍ରଥମ ବିଶ୍ୱଯୁଦ୍ଧ ପରେ  ବି ସେ ଥିଲେ ସକ୍ରିୟ । ପରେ ସେ ବ୍ରିଟିଶର୍ସଙ୍କ ଲାଗି ଫ୍ରାନ୍ସ, ଜର୍ମାନୀ, ପୂର୍ବ ଆଫ୍ରିକା ଓ ଭାରତରେ ବି କାର୍ଯ୍ୟ କରିଥିଲେ ।୧୯୧୯ ରେ ଲଣ୍ଡନ ପରେଡ୍‌ରେ ନିଜ ରେଜିମେଣ୍ଟର ନେତୃତ୍ୱ ବି ନେଇଥିଲେ ଆରସାଲା ଖାନ୍ । ସାଙ୍ଗରେ ଥିଲେ ବହୁ ଭାରତୀୟ ଭେଟେରାନ ଯୋଦ୍ଧା । ସେହି ପରେଡ କହିଥିଲା, ଭାରତୀୟଙ୍କ ବୀରତ୍ୱ ଓ ସାହସର ଗାଥା 

   Related Posts