Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||
  • ମଙ୍ଗଳବାର ପ୍ରକାଶ ପାଇବ ଚୂଡାନ୍ତ ପ୍ରାର୍ଥୀ ତାଲିକା, ମିଳିବ ନିର୍ବାଚନୀ ଚିହ୍ନ
  • ||

ପ୍ରଥମଥର ପାଇଁ ବିମାନ ଯୋଗେ ଶ୍ରମିକଙ୍କ ଘରବାହୁଡା : ଫେରିଲେ ୧୮୦ ପ୍ରବାସୀ ଶ୍ରମିକ

28/05/2020 at 1:42 PM

ରାଞ୍ଚି ୨୮/୦୫ : ଝାରଖଣ୍ଡ ସରକାରଙ୍କ ପ୍ରୟାସ ଏବଂ ଏଲୁମନାଇ ନେଟୱାର୍କ ଅଫ ନ୍ୟାସନାଲ ସ୍କୁଲ ବେଙ୍ଗାଲୁରୁ ସହଯୋଗରେ ଏୟାର ଏସିଆ ବିମାନରେ ଗୁରୁବାର ସକାଳ ୮ଟା ୧୫ ମିନିଟରେ ଝାରଖଣ୍ଡର ୧୮୦ ପ୍ରବାସୀ ଶ୍ରମିକ ମୁମ୍ବାଇରୁ ରାଞ୍ଚି ବିମାନବନ୍ଦରରେ ପହଞ୍ଚିବେ | ଝାରଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ଏଥିପାଇଁ ଏଲୁମନାଇ ନେଟୱାର୍କ ଅଫ ନ୍ୟାସନାଲ ସ୍କୁଲକୁ ଖୁବ ପ୍ରଶଂସା କରିଛନ୍ତି |

ପ୍ରବାସୀ ଶ୍ରମିକ ବିମାନରେ ଘରକୁ ଫେରିଥିବା ନେଇ ମୁଖ୍ୟମନ୍ତ୍ରୀ ଖୁସି ବ୍ୟକ୍ତ କରି କହିଛନ୍ତି ଯେ ସରକାରଙ୍କ ପ୍ରାଥମିକତା ସହ ଶ୍ରମିକଙ୍କୁ ସକୁଶଳ ଘରକୁ ଫେରାଇ ନେବାକୁ ହେବ | ଏଥିପାଇଁ ଅନେକ ପ୍ରୟାସ କରାଯାଉଛି | ଖୁବ ଶୀଘ୍ର ଲଦାଖ ଓ ଆଣ୍ଡାମାନ ନିକୋବରରେ ଫସି ରହିଥିବା ଝାରଖଣ୍ଡ ଶ୍ରମିକଙ୍କୁ ମଧ୍ୟ ସରକାର ବିମାନ ଯୋଗେ ନିଜ ଘରକୁ ପଠାଇବେ |

ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ପ୍ରୟାସକୁ କେନ୍ଦ୍ର ସରକାର ବିମାନ ଯୋଗେ ପ୍ରବାସୀ ଶ୍ରମିକଙ୍କୁ ଆଣିବାକୁ ସ୍ୱୀକୃତି ଦେଇଛନ୍ତି | ସରକାରଙ୍କ ମଞ୍ଜୁରୀ ପରେ ପ୍ରଥମଥର ୧୮୦ ଶ୍ରମିକ ମୁମ୍ବାଇରୁ ଏୟାର ଏସିଆ ବିମାନରେ ରାଞ୍ଚିକୁ ଆସୁଛନ୍ତି | ରାଜ୍ୟ ଶ୍ରମମନ୍ତ୍ରୀ ସତ୍ୟାନନ୍ଦ ଭୋକ୍ତା ଏହି ପଦକ୍ଷେପକୁ ସ୍ୱାଗତ ଜଣାଇ କହିଛନ୍ତି ଯେ ଶ୍ରମିକଙ୍କୁ ସେଠାରେ ରୋଜଗାର ମଧ୍ୟ ଜଗାଇ ଦିଆଯିବ | ରାଜ୍ୟରେ ଶ୍ରମିକଙ୍କ ପାଇଁ ସମସ୍ତ ସୁବିଧା କରାଯିବ | ଏ ପର୍ଯ୍ୟନ୍ତ ପାଖାପାଖି ୨ ଲକ୍ଷ ଶ୍ରମିକ ଝାରଖଣ୍ଡ ଆସି ସାରିଲେଣି |  

ସୂଚନାଯୋଗ୍ୟ ଯେ, ମୁଖ୍ୟମନ୍ତ୍ରୀ ହେମନ୍ତ ସୋରେନ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ପତ୍ର ଲେଖି ରାଜ୍ୟର ପ୍ରବାସୀ ଶ୍ରମିକଙ୍କୁ ଚାର୍ଟାଡ଼ ପ୍ଲେନ ଯୋଗେ ରାଜ୍ୟକୁ ଫେରାଇ ଆଣିବାକୁ ଅନୁମତି ମାଗିଥିଲେ | ଲଦାଖ, ଆଣ୍ଡାମାନ ନିକୋବର ଏବଂ ଉତ୍ତର-ପୂର୍ବ ଅଞ୍ଚଳରେ ଫସି ରହିଥିବା ଶ୍ରମିକଙ୍କୁ ଚାର୍ଟାଡ଼ ପ୍ଲେନ ଯୋଗେ ଫେରାଇ ଆଣିବାକୁ ପତ୍ର ଯୋଗେ ସେ ଅନୁମତି ମାଗିଥିଲେ | ଝାରଖଣ୍ଡ ସରକାରଙ୍କ କହିବାନୁଯାୟୀ, ଲଦାଖ, ଆଣ୍ଡାମାନ ଏବଂ ଉତ୍ତର-ପୂର୍ବରେ ଫସି ରହିଥିବା ଶ୍ରମିକଙ୍କୁ ବସ କିମ୍ବା ଟ୍ରେନରେ ଆଣିବା ସମ୍ଭବ ନୁହେଁ | ଏହିସବୁ ଅଞ୍ଚଳରୁ ଶ୍ରମିକଙ୍କୁ ପ୍ଲେନ ଯୋଗେ ଆସିବାକୁ ଅନୁମତି ମିଳିଲେ ସେମାନେ ସୁରକ୍ଷିତ ଭାବେ ଘରକୁ ଫେରିପାରିବେ ବୋଲି ମୁଖ୍ୟମନ୍ତ୍ରୀ କହିଥିଲେ | ମେ ୧୨ ତାରିଖରେ ଏନେଇ ମୁଖ୍ୟମନ୍ତ୍ରୀ ଗୃହମନ୍ତ୍ରୀଙ୍କୁ ଚିଠି ଲେଖିଥିଲେ | ଗୃହମନ୍ତ୍ରୀ ଏଥିପାଇଁ ମଞ୍ଜୁରୀ ଦେଇଥିଲେ | ସୂଚନାଯୋଗ୍ୟ ଯେ, ଲଦାଖରେ ପାଖାପାଖି ୨୦୦ ଏବଂ ଉତ୍ତର-ପୂର୍ବ ରାଜ୍ୟରେ ପାଖାପାଖି ୪୫୦ ଝାରଖଣ୍ଡ ଶ୍ରମିକ ଫସି ରହିଛନ୍ତି |

   Related Posts