Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୋନପୁର : ପଡୋଶୀଙ୍କ ସହ କଥା କଟାକଟିରୁ ଫୁଟିଲା ଗୁଳି, ଜଣେ ମୃତ
  • ||
  • ଚଣ୍ଡିଖୋଲ : ଗୋଷ୍ଠୀ ସଂଘର୍ଷର ସମାଧାନ ପାଇଁ ଯାଇଥିବା ପୋଲିସକୁ ବାନ୍ଧିଲେ ଏବଂ ୨ଟି ଜିପ୍ ଜାଳିଦେଲେ ଉତ୍ତ୍ୟକ୍ତ ଲୋକେ
  • ||
  • ବେଙ୍ଗଲ ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କଲା କଂଗ୍ରେସ
  • ||
  • ଇଂଲଣ୍ଡକୁ ଏକ ଇନିଂସ୍‌ ଓ ୨୫ ରନ୍‌ରେ ହରାଇଲା ଟିମ୍‌ ଇଣ୍ଡିଆ
  • ||
  • ଅହମଦାବାଦ ଟେଷ୍ଟ ଜିତିଲା ଭାରତ
  • ||
  • ଭାରତ ୩-୧ରେ ସିରିଜ୍‌ ବିଜୟୀ
  • ||
  • ଚାନ୍ଦବାଲି : ବିଜେଡିର ମିଶ୍ରଣ ପର୍ବ, ଦଳକୁ ପ୍ରତ୍ୟାବର୍ତ୍ତନ କଲେ ହେବିଓ୍ବେଟ୍ ନେତା ପ୍ରତାପ ଧଳ
  • ||
  • ମାଥିଲି : କୂଅରୁ ଉଦ୍ଧାର ହେଲା ମା’ ଓ ଶିଶୁ କନ୍ୟାର ମୃତଦେହ, ଶୁକ୍ରବାର ରାତିରୁ ଥିଲେ ନିଖୋଜ
  • ||
  • ଭୁବନେଶ୍ବର : ରାଜଧାନୀର ବିଚ୍ ରାସ୍ତାରେ ଗୋଡେଇ ଗୋଡେଇ ହାଣିଲେ, ଜଣେ ମୃତ, ୨ ଆକ୍ରମଣକାରୀଙ୍କୁ ଧରିଛି ପୋଲିସ
  • ||
  • ବଲାଙ୍ଗିର : ପିଟି ପିଟି ମାରିଦେଲେ, ପ୍ରମାଣ ନଷ୍ଟ ପାଇଁ ଫିଙ୍ଗିଦେଲେ ନାଳରେ, ୨୪ ଘଣ୍ଟାରେ ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||

ଜାନୁଆରୀ ୨୧ ତାରିଖରେ ବର୍ଷର ପ୍ରଥମ ଚନ୍ଦ୍ରଗ୍ରହଣ : କେଉଁ ରାଶିରେ କ’ଣ ପ୍ରଭାବ ପଡିବ ଜାଣନ୍ତୁ

20/01/2019 at 3:00 PM

ଭୁବନେଶ୍ୱର ୨୦/୧ : ୨୦୧୯ ନୂଆବର୍ଷ ଆରମ୍ଭରୁ ହିଁ ଏଥର ସୂର୍ଯ୍ୟଗ୍ରହଣ ହୋଇଥିଲା ଆଉ ଆସନ୍ତା ୨୧ ତାରିଖରେ ପୂର୍ଣ୍ଣ ଚନ୍ଦ୍ର ଗ୍ରହଣ ହେବାକୁ ଯାଉଛି । ବୈଜ୍ଞାନିକ ଦୃଷ୍ଟିକୋଣରୁ ଏହି ଚନ୍ଦ୍ରଗ୍ରହଣକୁ ବିଶେଷ ଗୁରୁତ୍ବ ଦିଆଯାଉଛି । କାରଣ ଏଥରର ପୂର୍ଣ୍ଣମି ଚନ୍ଦ୍ରଙ୍କୁ ବୈଜ୍ଞାନିକ ଭାଷାରେ ସୁପର ବ୍ଲଡ ଉଲଫ ମୁନ୍‌ କୁହାଯାଉଛି । ସୂଚନା ଅନୁସାରେ ଏଥରର ପୂର୍ଣ୍ଣମୀ ଚନ୍ଦ୍ର ଅନ୍ୟ ଥରର ପୂର୍ଣ୍ଣମୀ ଚନ୍ଦ୍ରଙ୍କଠାରୁ ୧୪ ପ୍ରତିଶତ ବଡ ଏବଂ ୩୦ ପ୍ରତିଶତ ଅଧିକ ଉଜ୍ବଳ ଦେଖାଯିବେ । କର୍କଟ ରାଶିର ଦେବତା ହେଉଛନ୍ତି ଚନ୍ଦ୍ର | ଏଥର ଗ୍ରହଣରେ ଚନ୍ଦ୍ରଙ୍କ ଗ୍ରହ କର୍କଟରେ ହିଁ ଗ୍ରହଣ ଲାଗିବ | କର୍କଟ ଜଳୀୟ ରାଶି ହୋଇଥିବାରୁ ଜଳୀୟ ତତ୍ୱରେ ହଇଚଇ ସୃଷ୍ଟି ହେବାର ସମ୍ଭାବନା ରହିଛି | ତେବେ ଚନ୍ଦ୍ର ଗ୍ରହଣର ପ୍ରଭାବ କେଉଁ ରାଶିରେ କିଭଳି ପଡିବ ଜାଣନ୍ତୁ :

ମେଷ : ମେଷ ରାଶି ବ୍ୟକ୍ତି ବିଶେଷଙ୍କୁ ଜ୍ୱର କିମ୍ବା ହୃଦୟ ଜନିତ ରୋଗ ହେବାର ସମ୍ଭାବନା ରହିଛି | ସେଥିପାଇଁ ସ୍ୱାସ୍ଥ୍ୟ ପ୍ରତି ବିଶେଷ ଧ୍ୟାନ ଦେବାକୁ ପଡିବ | ଆଇନଗତ ଏବଂ ବିବାଦୀୟ ମାମଲାରୁ ନିଜକୁ ଦୁରେଇ ରଖନ୍ତୁ | ଗ୍ରହଣର କୁପ୍ରଭାବରୁ ବଂଚିବା ପାଇଁ ସୁନା ଧାରଣ କରନ୍ତୁ ତଥା ଗହମ, ଗୁଡ କିମ୍ବା ନାଲି ଜିନିଷ ଦାନ କରିବେ |

ବୃଷ : ଏହି ରାଶି ବିଶେଷଙ୍କୁ ଅନାବଶ୍ୟକ ପୀଡାରୁ ନିଜକୁ ରକ୍ଷା କରିବାକୁ ହେବ | ବାତ ରୋଗୀ ସାବଧାନତା ଅବଲମ୍ବନ କରିବେ | ଗ୍ରହଣର କୁପ୍ରଭାବରୁ ବଂଚିବା ପାଇଁ ରୁପା ଧାରଣ କରନ୍ତୁ ଏବଂ କ୍ଷୀର ଓ କ୍ଷୀରରୁ ତିଆରି ଖାଦ୍ୟ ଦାନ କରିବେ |

ମିଥୁନ : ପାଚନ ଏବଂ ରକ୍ତ ସମ୍ବନ୍ଧୀୟ ରୋଗ ହେବାର ସମ୍ଭାବନା ରହିଛି | ଗ୍ରହଣର କୁପ୍ରଭାବରୁ ରକ୍ଷା ପାଇବା ପାଇଁ ସବୁଜ ଜିନିଷ ଦାନ କରିବେ |

କର୍କଟ : ଏହି ରାଶି ବ୍ୟକ୍ତି ବିଶେଷଙ୍କୁ ମସ୍ତିସ୍କ ଏବଂ ସ୍ନାୟୁ ଜନିତ ରୋଗର ସମ୍ମୁଖୀନ ହେବାକୁ ପଡିପାରେ | ଗ୍ରହଣର କୁପ୍ରଭାବରୁ ରକ୍ଷା ପାଇବା ପାଇଁ ସ୍ୱର୍ଣ୍ଣାଭୂଷଣ, ଘିଅ ଏବଂ ମୌସମ୍ବି ଫଳ ଦାନ କରିବେ |

ସିଂହ : ଏହି ରାଶି ବ୍ୟକ୍ତି ବିଶେଷ ନିଜ ସ୍ୱାସ୍ଥ୍ୟ ପ୍ରତି ବିଶେଷ ଧ୍ୟାନ ଦେବାକୁ ହେବ | ନଚେତ ଅସୁବିଧାର ସମ୍ମୁଖୀନ ହେବାକୁ ପଡିପାରେ | ଗ୍ରହଣର କୁପ୍ରଭାବରୁ ରକ୍ଷା ପାଇବା ପାଇଁ ଡ୍ରାଏଫ୍ରୁଟସ, ଖୁଆ, ଘିଅ ଆଦି ଦାନ କରିବେ |

କନ୍ୟା : ଏହି ରାଶି ବ୍ୟକ୍ତି ବିଶେଷଙ୍କୁ ହୃଦୟ ଜନିତ ଏବଂ ଉଚ୍ଚ ରକ୍ତ ଚାପ ଜନିତ ସମସ୍ୟା ଦେଖାଦେଇପାରେ | ଗ୍ରହଣର କୁପ୍ରଭାବରୁ ରକ୍ଷା ପାଇବା ପାଇଁ ମୁଗ, ଖାରା ଖାଦ୍ୟ, କ୍ଷୀରରେ ପ୍ରସ୍ତୁତ ଖାଦ୍ୟ ତଥା ପନ୍ନା ଦାନ କରିବେ |

ତୁଳା :ଏହି ରାଶି ବ୍ୟକ୍ତି ବିଶେଷଙ୍କୁ ହୃଦୟ ଜନିତ ପୀଡା ହେବାର ସମ୍ଭାବନା ରହିଛି | ସେଥିପାଇଁ ସତର୍କତା ଅବଲମ୍ବନ କରିବେ | ଗ୍ରହଣର କୁପ୍ରଭାବରୁ ରକ୍ଷା ପାଇବା ପାଇଁ ରାଶି, ସୋରିଷ, ସବୁଜ ପନିପରିବା. ହୀରା ଏବଂ ଓପଲ ଦାନ କରିବେ |

ବିଛା : ଏହି ରାଶି ବ୍ୟକ୍ତି ବିଶେଷଙ୍କୁ ଜ୍ୱର କିମ୍ବା ସଂକ୍ରାମକ ରୋଗର ଆଶଙ୍କା ରହିଛି | ରୋଗରୁ ବଂଚିବା ପାଇଁ ସତର୍କ ରହିବେ | ଯାତ୍ରାବେଳେ ସାବଧାନ ରହିବେ | ଗ୍ରହଣର କୁପ୍ରଭାବରୁ ରକ୍ଷା ପାଇବା ପାଇଁ ସ୍ୱର୍ଣ୍ଣାଭୂଷଣ ପରିଧାନ କରିବେ | ଏହାସହ ଗହମ, ଗୁଡ, ସୁନା ଏବଂ ନାଲି ଓ ହଳଦିଆ ଫଳ ଦାନ କରିବେ |

ଧନୁ : ଏହି ରାଶି ବ୍ୟକ୍ତି ବିଶେଷଙ୍କୁ ରକ୍ତ ସମସ୍ୟା ଦେଖାଦେଇପାରେ | ଶ୍ୱାସ ରୋଗ ଥିଲେ ନିଜର ଖାସ ଯତ୍ନ ନେବେ | ଗ୍ରହଣର କୁପ୍ରଭାବରୁ ରକ୍ଷା ପାଇଁ ଘିଅ, ଗହମ, ଡାଲି, ତମ୍ବା ବା ସୁନା ଦାନ କରିବେ |

ମକର : ଏହି ରାଶି ବ୍ୟକ୍ତି ବିଶେଷଙ୍କୁ ଗଣ୍ଠି ରୋଗର ସମସ୍ୟା ଦେଖାଦେଇପାରେ | ଗ୍ରହଣର କୁପ୍ରଭାବରୁ ରକ୍ଷା ପାଇଁ ରୁପା ଏବଂ ଷ୍ଟିଲ ବାସନ ଦାନ କରିବେ |

କୁମ୍ଭ : ଏହି ରାଶି ବ୍ୟକ୍ତି ବିଶେଷଙ୍କୁ ଲିଭର ସମ୍ବନ୍ଧୀୟ ସମସ୍ୟା ଦେଖାଦେଇପାରେ | ଗ୍ରହଣର କୁପ୍ରଭାବରୁ ବଂଚିବା ପାଇଁ କ୍ଷୀରରେ ପ୍ରସ୍ତୁତ ଖାଦ୍ୟ ଦାନ କରିବେ |

ମୀନ: ଏହି ରାଶି ବ୍ୟକ୍ତି ବିଶେଷଙ୍କୁ ଉଚ୍ଚ ରକ୍ତ ଚାପ ସମ୍ବନ୍ଧୀୟ ସମସ୍ୟାରୁ ନିଜକୁ ଦୁରେଇ ରଖିବାକୁ ହେବ | ଗ୍ରହଣର କୁପ୍ରଭାବରୁ ରକ୍ଷା ପାଇଁ ନାଲି ଏବଂ ହଳଦିଆ ବସ୍ତୁ ଦାନ କରିବେ |

   Related Posts