Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଭିଯୁକ୍ତକୁ ଉଠାଇ ଆଣିବାରୁ ଥାନା ପରିସରରେ ତୁମୁଳକାଣ୍ଡ, ଗ୍ରାମବାସୀ ଓ ପୋଲିସ ମାରପିଟ
  • ||
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ଡାକ୍ତରଙ୍କୁ ଧନ୍ୟବାଦ ଜଣାଇଲେ, କରୋନାକୁ ନେଇ ଭୟଭୀତ ନହେବାକୁ ପରାମର୍ଶ ଦେଲେ ରାଜ୍ୟର ପ୍ରଥମ ସଂକ୍ରମିତ

5/04/2020 at 4:46 PM

ଭୁବନେଶ୍ୱର, ୦୫|୦୪:  ଓଡିଶାର ପ୍ରଥମ କରୋନା ଆତଙ୍କ ସୁସ୍ଥ ହୋଇ ଘରକୁ ଫେରିଛନ୍ତି । ମାର୍ଚ୍ଚ ୧୫ ତାରିଖରେ ପଜିଟିଭ ରିପୋର୍ଟ ଆସିବା ପରେ ତାଙ୍କର ଚିକିତ୍ସା ଆରମ୍ଭ ହୋଇଥିଲା । ଗତ ୩ ତାରିଖରେ ସେ ସୁସ୍ଥ ହୋଇଛନ୍ତି । ତେବେ ସେ ଏଥିପାଇଁ ଏକ ଭିଡିଓ ମେସେଜରେ ଡାକ୍ତରଙ୍କୁ ଧନ୍ୟବାଦ ଜଣାଇଛନ୍ତି ।

ହିନ୍ଦୁସ୍ଥାନ ଟାଇମସର ରିପୋର୍ଟରେ ସେ ଭିଡିଓ ମେସେଜରେ କହିଛନ୍ତି ଯେ, ଜନତା କରୋନାକୁ ନେଇ ଭୟଭୀତ ହେବାର ଆବଶ୍ୟକତା ନାହିଁ । ଏହାସହ ଘରେ ୧୪ ଦିନ ପାଇଁ କ୍ୱାରେଣ୍ଟାଇନରେ ରହିବା ସହ ଥଣ୍ଡା ଖାଦ୍ୟ ବର୍ଜନ କରିବାକୁ ସେ ପରାମର୍ଶ ଦେଇଛନ୍ତି । ଯଦି କିଛି ସ୍ୱାସ୍ଥ୍ୟ ସମସ୍ୟା ଦେଖାଦିଏ ତେବେ ଡାକ୍ତରଙ୍କ ସହ ଆଲୋଚନା କରିବାକୁ ସେ କହିଛନ୍ତି ।

ସେ ଆହୁରି କହିଛନ୍ତି ଯେ, ଯେତେବେଳେ ତାଙ୍କର କରୋନା ରିପୋର୍ଟ ପଜିଟିଭ ଆସିଲା ସେତେବେଳେ ତାଙ୍କ ପିତା ଓ ରୋଷେୟାଙ୍କୁ ମଧ୍ୟ କ୍ୱାରେଣ୍ଟାଇନରେ ରଖାଯାଇଥିଲା । ସେମାନଙ୍କ ରିପୋର୍ଟ ନେଗେଟିଭ୍ ଆସିଥିଲା ।

ମାର୍ଚ୍ଚ ୧୫ ତାରିଖ ରାତିରେ ତାଙ୍କର ଟେଷ୍ଟ୍ ରିପୋର୍ଟ  ପଜିଟିଭ୍ ଆସିବା ପରେ ମଧ୍ୟ ରିପୋର୍ଟକୁ ନେଇ କିଛି ଦ୍ୱନ୍ଦ୍ୱ ରହିଥିଲା । ପରେ ଏହି ଦ୍ୱନ୍ଦ୍ୱ ହଟିଥିଲା । ତାଙ୍କୁ ମେଡିକାଲରେ ଡାକ୍ତରମାନେ ସାନ୍ତ୍ୱନା ଦେଇଥିଲେ । ଏହି ଭାଇରସ କୌଣସି ମେଡିସିନ ନଥିବାରୁ ଅନ୍ୟ ମେଡିସିନରେ ଉପଚାର ଆରମ୍ଭ ହୋଇଥିଲା । କିଛିଦିନ ପରେ ଏହା କାମ କରିବା ଆରମ୍ଭ କରିଥିଲା । ଡାକ୍ତରମାନେ ତାଙ୍କ କ୍ୟାବିନ ବାହାରେ ଏକ ଟେବୁଲରେ ଖାଦ୍ୟ ସାମଗ୍ରୀ ରଖୁଥିଲେ । ସେ ନିଜେ ଟେବୁଲରୁ ଖାଦ୍ୟ ଥାଳି ଆଣୁଥିଲେ । ଅନେକ ସମୟରେ ସେ ବହି ଓ କିଛି ମାଗାଜିନ୍ ପଢୁଥିଲେ । ତାଙ୍କୁ ଚିକିତ୍ସା କରୁଥିବା ଡାକ୍ତର ମଧ୍ୟ ମେଡିକାଲ ପରିସରରେ ରହୁଥିଲେ ।

   Related Posts