Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ନଖରା ସ୍ଥିତ ରିଲାଏନ୍ସ ପେଟ୍ରୋଲ ପମ୍ପ୍ ନିକଟ‌ରେ ଅଗ୍ନିକାଣ୍ଡ
  • ||
  • ରାଉରକେଲା : ଭାରସାମ୍ୟ ହରାଇ ଘାଟିରେ ଓଲଟିଲା ବରଯାତ୍ରୀ ବସ୍, ଦୁଇ ଜଣଙ୍କ ମୃତ୍ୟୁ
  • ||
  • ବଲାଙ୍ଗୀର : ନିଜ ସର୍ଭିସ୍ ବନ୍ଧୁକରୁ ଗୁଳି ଫୁଟାଇ ଆତ୍ମହତ୍ୟା କଲେ ଯବାନ !
  • ||
  • ଟାଙ୍ଗୀ : ମାନସିକ ପୂରଣ ପାଇଁ ବେକ କାଟିଦେଲେ ଭକ୍ତ, ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୮୯ କୋଭିଡ୍ ପଜିଟିଭ୍, ୩୩୬୯୨୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ତେଲକୋଇ : କାଞ୍ଜିପାଣି ଘାଟିରେ ଓଲଟିଲା ବରଯାତ୍ରୀ ବସ୍, ଜଣେ ମୃତ, ୨୬ ଆହତ
  • ||
  • ମୁମ୍ବାଇ : ଭୟଙ୍କର ହେଲାଣି କରୋନା, ସ୍କୁଲ ହଷ୍ଟେଲର ୧୯୦ ଛାତ୍ର କୋଭିଡ୍ ପଜିଟିଭ୍
  • ||
  • ରାୟପୁର : ନକ୍ସଲଙ୍କ ଲ୍ୟାଣ୍ଡମାଇନ ବିସ୍ଫୋରଣ, ୨ ଯବାନ ସହିଦ
  • ||
  • ଆଠଗଡ଼ : ସମ୍ପର୍କରେ କଳଙ୍କ ଛିଟା, ଦିବ୍ୟାଙ୍ଗ ଝିଅକୁ ସମ୍ପର୍କୀୟ ମାମୁର ଦୁଷ୍କର୍ମ ! ଥାନାରେ ଏତଲା
  • ||

ଆଜିବି ରନିଂ କଣ୍ଡିସନରେ ଅଛି ୧୯୫୭ ମସିହାର ଏହି ଟ୍ରାକ୍ଟର, ବିଲରେ କରୁଛି ହଳ

23/02/2021 at 8:20 PM

ଶାମଲୀ : ଉତ୍ତର ପ୍ରଦେଶ ଶାମଲୀ ଜିଲ୍ଲା ଭେଁସୱାଲ ଗାଁର ଜନୈକ ଚାଷୀଙ୍କ ଟ୍ରାକ୍ଟର  ଅନ୍ୟ ଟ୍ରାକ୍ଟର ମାଲିକଙ୍କ ଲାଗି ଆଶ୍ଚର୍ଯ୍ୟର ବିଷୟ ପାଲଟିଛି। ଏହି ଟ୍ରାକ୍ଟରଟି ଦେଶର ଉଦ୍ୟୋଗ କ୍ରାନ୍ତିର ଅନେକ ପୂର୍ବରୁ ଚାଷୀଙ୍କ ପୂର୍ବଜ କିଣିଥିଲେ। ହେଲେ ଆଜିବି ଟ୍ରାକ୍ଟରଟି କେବଳ ସଚଳ ନାହିଁ କାମଦାମ ମଧ୍ୟ କରିପାରୁଛି। ଏହି ଟ୍ରାକ୍ଟରଟିକୁ ଚାଷୀ ବିନୟ ପାଲ ବେଶ ଯତ୍ନର ସହ ରଖିଥିବା ବେଳେ ଦୂରଦୂରାନ୍ତରୁ ଲୋକେ ଏହାକୁ ଦେଖିବାକୁ ଆସୁଛନ୍ତି।

ଏହି ଟ୍ରାକ୍ଟରଟି ୧୯୫୭ ମସିହାର। ସେତେବେଳେ ଦେଶରେ ହଳ ଲଙ୍ଗଳ ଆଗକୁ ଚାଷୀ ଅଧିକ କିଛି ଚିନ୍ତା କରିପାରୁନଥିଲେ। ଦେଶରେ ମଧ୍ୟ ଟ୍ରାକ୍ଟର କାରଖାନା ନଥିଲା। ବିଦେଶରୁ ଆମଦାନୀ ହୋଇଥିବା ଏହି ଟ୍ରାକ୍ଟରକୁ ବିନୟ ପାଲଙ୍କ ପିତା ୧୨ ହଜାର ଟଙ୍କାରେ ମିରଟରୁ କିଣି ଗାଁକୁ ଆଣିଥିଲେ। ସେତେବେଳେ ଟ୍ରାକ୍ଟରଟି ଚାଷୀଙ୍କ ସମସ୍ତ ଆବଶ୍ୟକତା ପୂରଣ କରୁଥିଲା।

କ୍ରମଶଃ ଟ୍ରାକ୍ଟରର ଯନ୍ତ୍ରାଂଶ ଭାରତରେ ମିଳିବା ବନ୍ଦ ହୋଇଯାଇଥିଲା। ହେଲେ ବି ପିତାଙ୍କ ସନ୍ତକ ଭାବେ ଚାଷୀ ବିନୟ ପାଲ ଏହାକୁ ସଯତ୍ନରେ ସାଇତି ରଖିଛନ୍ତି। ତେବେ ଟ୍ରାକ୍ଟରଟି ଖାଲି ଛଡା ହୋଇ ରହିନି। ଚାଷୀଙ୍କ ଛୋଟମୋଟ ଚାଷ କାମ ଓ ପଶୁଙ୍କ ଖାଦ୍ୟ ପ୍ରସ୍ତୁତିରେ ସହାୟକ ହେଉଥିବା ବେଳେ ଚାଷୀ ଗୋଟିଏ ହ୍ୟାଣ୍ଡଲରେ ଏହାକୁ ଷ୍ଟାର୍ଟ କରିପାରୁଛନ୍ତି।

ଏହାର ଗିୟରବକ୍ସ ଯନ୍ତ୍ରାଂଶ ଆଉ ମିଳୁନି। ଏଣୁ ଟ୍ରାକ୍ଟରକୁ ଚାଷୀ ଭିଡ କାମରେ ଲଗାଇ ପାରୁନାହାନ୍ତି। ତଥାପି ସ୍ୱାଧୀନୋତ୍ତର ଭାରତର ଅଗ୍ରଣୀ ଚାଷୀଙ୍କ ଟ୍ରାକ୍ଟର ଏବେବି ଲୋକଙ୍କ ଆକର୍ଷଣର କେନ୍ଦ୍ର ରହିଛି। ଟ୍ରାକ୍ଟର ଯେତେବେଳେ ଗାଁକୁ କିଣା ହୋଇ ଆସିଲା ଦୂରଦୂରାନ୍ତରୁ ଲୋକେ ଏହାକୁ ଦେଖିବାକୁ ଗାଁକୁ ଆସୁଥିଲେ। ଟ୍ରାକ୍ଟର ଏବେ ପୁରୁଣା ହୋଇଗଲାଣି ତଥାପି ଏହାକୁ ଦେଖିବାକୁ ବୈଷୟିକ ବିଦ୍‌ମାନେ ଦୂରଦୂରାନ୍ତରୁ ବିନୟ ପାଲଙ୍କ ଘରକୁ ଆସୁଥିବା ସେ କହିଛନ୍ତି।

   Related Posts