Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସ୍ବର୍ଗ ଦ୍ବାରରୁ ହଟିଲା କଟକଣା, ସଂକ୍ରମଣ କମୁଥିବାରୁ ଜିଲ୍ଲା ପ୍ରଶାସନର ନିଷ୍ପତ୍ତି
  • ||
  • ‘କୁଲଦୀପ ଯାଦବଙ୍କ ପାଇଁ ଚ୍ୟାଲେଞ୍ଜିଂ ହେବ ଓ୍ବେଷ୍ଟଇଣ୍ଡିଜ ସିରିଜ୍, ଟିମ୍‌ ଇଣ୍ଡିଆକୁ ଭରସା ରଖିବାକୁ ହେବ’: ହରଭଜନ ସିଂହ
  • ||
  • ବିଧାନସଭା ନିର୍ବାଚନ ଏବଂ ବଜେଟ୍‌ ଅଧିବେଶନ ପୂର୍ବରୁ କଂଗ୍ରେସ ଡାକିଲା ଗୁରୁତ୍ବପୂର୍ଣ୍ଣ ବୈଠକ, ପ୍ରସ୍ତୁତ ହେବ ରଣନୀତି
  • ||
  • ରାଜ୍ୟରେ ସୁସ୍ଥହେଲେ ଆଉ ୧୧,୧୫୭ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୬୫୩ଜଣ ଡିସଚାର୍ଜ
  • ||
  • ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କରଙ୍କୁ କରୋନା, ନିଜକୁ କଲେ ଆଇସୋଲେଟ୍
  • ||
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||

୧୯୯୯ ମହାବାତ୍ୟାକୁ ପୁରିଛି ୧୯ବର୍ଷ ; ମନରୁ ଲିଭୁନି ଏରସମାର କରାଳ ଦୃଶ୍ୟ

29/10/2018 at 3:58 PM

ଜଗତସିଂହପୁର ୨୯|୧୦: ମହାବାତ୍ୟାକୁ ପୁରିଛି ୧୯ ବର୍ଷ । ହେଲେ ମନରୁ ଲିଭୁନି ଏରସମାର କରାଳ ଦୃଶ୍ୟ। ସେକଥା ମନେ ପଡିଲେ ଆଜି ବି ଦେହ ଶିତେଇ ଉଠେ। ମହାବାତ୍ୟା ପରେ ଏହି ଅଞ୍ଚଳରେ ସରକାର ଅନେକ ବିକାଶ କରିଛନ୍ତି। ହେଲେ ଆଜିବି ଅବହେଳିତ ଅବସ୍ଥାରେ ରହିଛି ଅନେକ ଗାଁ। ସେଥି ମଧ୍ୟରୁ ଗୋଟିଏ ଗାଁ ହେଉଛି  ଏରସମା ବ୍ଲକ୍ ଗଡ ବିଶିନିପୁର  ପଞ୍ଚାୟତର ଜୁଣବେରି ।  ମହାବାତ୍ୟାରେ ନିଶ୍ଚିହ୍ନ ହୋଇଥିଲା ଏହି ଗାଁର ଘରଦ୍ବାର ଭିଟାମାଟି। ଗାଁର ୩୦୫ଜଣ  କିଏ କୁଆଡେ ଭାସିଗଲେ ତାର ହିସାବ ମିଳିଲାନି। ଯେଉଁମାନେ ବଞ୍ଚିଗଲେ ଏବେ ଘୋର ଦୁର୍ଦଶାରେ ଦିନ କାଟୁଛନ୍ତି। ଗାଁକୁ ସ୍ଥାୟୀ ରାସ୍ତାଟିଏ ନିର୍ମାଣ ହୋଇପାରିନି। ପିଇବା ପାଣି ପାଲଟିଛି ସାତ ସପନ ।

ମହାବାତ୍ୟା ପରେ ଏହି ଗାଁରେ ନିର୍ମାଣ କରା ଯାଇଥିଲା  ବାତ୍ୟା ଆଶ୍ରୟସ୍ଥଳୀ।  ନିମ୍ନ ମାନର କାମ ଓ ରକ୍ଷଣା ବେକ୍ଷଣ ଅଭାବରୁ ପାଲଟିଛି ଜରାଜୀର୍ଣ୍ଣ । ଛାତ ଓ ପିଲରରୁ କଂକ୍ରିଟ୍ ଖଣ୍ଡ ଖଣ୍ଡ ହୋଇ ଖସୁଥିବାରୁ ଆଶ୍ରୟସ୍ଥଳୀ ଏବେ ମରଣଯନ୍ତାରେ ପରିଣତ ହୋଇଛି । ପ୍ରତି ବର୍ଷ ବାତ୍ୟା ଆଶଙ୍କା ପ୍ରକାଶ ପାଇଲେ ଗ୍ରାମବାସୀ ମାନେ ଗାଁ ଛାଡି ଏଇଠି ମୁଣ୍ଡଗୁଞ୍ଜିବାକୁ ବାଧ୍ୟ ହେଉଛନ୍ତି। ପ୍ରଶାସନକୁ ଅବଗତ କରାଯିବାରୁ ସମସ୍ୟାର ସମାଧାନ କରାଯିବ ବୋଲି କହିଛନ୍ତି ଉପଜିଲ୍ଲାପାଳ।

କେବଳ ଜୁଣଗରି ଗାଁ ନୁହେଁ , ମହାବାତ୍ୟାରେ ବ୍ୟାପକ କ୍ଷତିର ସମ୍ମୁଖୀନ ହୋଇଥିବା ଜିଲ୍ଲାର ଅନେକ ଗାଁ ଆଜି ପର୍ଯ୍ୟନ୍ତ ଅବହେଳିତ ଅବସ୍ଥାରେ ରହିଛି। ପ୍ରଶାସନ ଏଥିପ୍ରତି ଆବଶ୍ୟକୀୟ ଦୃଷ୍ଟି ଦେବା ଜରୁରୀ ହୋଇପଡିଛି ।

   Related Posts