Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

କଡା ସୁରକ୍ଷା ବ୍ୟବସ୍ଥା ସତ୍ତ୍ବେ ବି କମୁନି କପି, ୩ୟ ଦିନରେ ଧରାପଡିଲେ ୧୧୮ପରୀକ୍ଷାର୍ଥୀ

25/02/2020 at 10:36 AM

କଟକ ୨୫।୨: ସୋମବାର ଦିନ ମାଟ୍ରିକ୍ ପରୀକ୍ଷାରେ ମୋଟ୍ ୧୧୮ଜଣ ପରୀକ୍ଷାର୍ଥୀ କପି କରୁଥିବା ବେଳେ ସ୍କ୍ବାର୍ଡ ହାତରେ ଧରାପଡି ମାଲ୍‌ପ୍ରାକ୍ଟିସ୍‌ (ଏମ୍‌ପି) ଅଭିଯୋଗରେ ବୁକ୍‌ ହୋଇ ପରୀକ୍ଷାରୁ ବାଦ୍‌ ପଡିଛନ୍ତି । ଏଥିମଧ୍ୟରୁ ମାଟ୍ରିକ୍‌ରେ ୧୦୮ଜଣ ପରୀକ୍ଷାର୍ଥୀ ଏମ୍‌ପିରେ ବୁକ୍‌ ହୋଇଥିବା ବେଳେ ଏସ୍‌ଓଏସ୍‌ସି ପରୀକ୍ଷାରେ ୧୦ଜଣ ପରୀକ୍ଷାର୍ଥୀ ଏମ୍‌ପିରେ ବୁକ୍‌ ହୋଇଛନ୍ତି । ସୋମବାର ଦିନ ହିନ୍ଦୀ ଓ ସଂସ୍କୃତ ପରୀକ୍ଷା ଅନୁଷ୍ଠିତ ହୋଇଥିଲା । ସେହିପରି ରାଜ୍ୟ ମୁକ୍ତ ବିଦ୍ୟାଳୟ ସାର୍ଟିଫିକେଟ୍‌ର ଗଣିତ ପରୀକ୍ଷା ଅନୁଷ୍ଠିତ ହୋଇଥିଲା ।

ମାଧ୍ୟମିକ ଶିକ୍ଷା ପରିଷଦ (ବୋର୍ଡ) ପକ୍ଷରୁ ଚଳିତ ବର୍ଷ ଏକ ହଜାର ପରୀକ୍ଷା କେନ୍ଦ୍ରରେ ସିସିଟିଭି ଲଗାଯାଇଛି । ତଥାପି ପ୍ରଥମ ଦିନରେ ପ୍ରଶ୍ନପତ୍ର ଲିକ୍‌ ହୋଇ ଭାଇରାଲ ହୋଇଥିଲା । ବହୁ କେନ୍ଦ୍ରରୁ ନକଲି ପରୀକ୍ଷାର୍ଥୀ ଧରା ପଡ଼ିଥଲେ । ଏହାପରେ ବୋର୍ଡ ପକ୍ଷରୁ ଭିଡ଼ିଓ କନ୍‌ଫରେନ୍ସ କରାଯାଇ ପରୀକ୍ଷାକୁ କଡ଼ାକଡ଼ି କରିବାକୁ ନିର୍ଦ୍ଦେଶ ଦିଆଯାଇଥିଲା । ହେଲେ କିଛି ପରୀକ୍ଷା କେନ୍ଦ୍ରମାନଙ୍କରେ ପାଚେରି ଡେଇଁ ଅଭିଭାବକମାନେ କପି ଯୋଗାଇଥିଲେ ।

ଏଭଳି ଅଭିଯୋଗ ସମାଧାନ ହୋଇନଥିବା ବେଳେ ଏବେ କଳାହାଣ୍ଡି, କୋରାପୁଟ, ଦେବଗଡ଼ ଓ ପୁରୀ ଜିଲ୍ଲାର ପରୀକ୍ଷା କେନ୍ଦ୍ରରେ ବିଦ୍ୟୁତ୍‌ କାଟି ଦିଆଯାଉଥିବା ନେଇ ଅଭିଯୋଗ ହେଉଛି ।

ଅନ୍ୟପକ୍ଷରେ ଓଡ଼ିଆ, ଇଂରାଜୀ ଓ ହିନ୍ଦୀ/ସଂସ୍କୃତ ପରୀକ୍ଷା ଶେଷ ହୋଇଥିବା ବେଳେ ଏହାର ଉତ୍ତରଖାତାକୁ ରାଜ୍ୟରେ ହୋଇଥିବା ବିଭିନ୍ନ ମୂଲ୍ୟାୟନ କେନ୍ଦ୍ରକୁ ପଠାଯାଇଥିବା ସୂଚନା ମିଳିଛି । ନୋଡାଲ ସେଣ୍ଟରମାନଙ୍କରେ ଥିବା ଉତ୍ତରଖାତାଗୁଡ଼ିକୁ ରାଜ୍ୟରେ ହୋଇଥିବା ୬୯ ମୂଲ୍ୟାୟନ କେନ୍ଦ୍ରକୁ ପଠାଯାଇଛି ।

   Related Posts